酒...是誰發明的呢...

又是誰這麼傻要去飲呢...

唉...

這次是笑不出了喇...

尋晚,

爸老細請食飯,

照慣例佢會飲D酒先返尼,

唔出奇,

但係...

尋晚佢好夜都未返...

我同媽個心就寒一寒...

因為...愈夜返代表佢飲得愈多...

佢飲得愈多代表返到尼發癲得愈勁...

到尋晚差唔多十二點,

果陣我訓左,

俾爸嘈醒左,

佢終於返了,

果然成身酒氣,

一返到尼就灘係沙發度,

媽話佢幾句,

佢又發癲,

又話媽想佢死又話點...

不過今次佢講幾句就算...

但代表...佢今次比以前飲得仲多...

仲記得...好細個果陣...

大概四歲...

果時仲係大陸,而且果陣爸媽仲未丟低我,我仲係同爸媽一齊住...

有一晚,好夜爸都未返,

我同媽訓,

媽知佢又去左飲酒,

就鎖住房門等佢訓廳,

點知條撚樣返到尼發癲,一腳就踢爛左實木房門...

之後發生既我唔記得了...只不過果一腳就令我知道E個人飲左酒可以癲到咩程度...真虧媽可以忍到佢咁多年...

落左尼香港咁耐...佢次次飲親酒就係我地兩母子心寒既時候...

記得係黃大仙舊屋果陣...佢都差D拆左屋門...

笑...

至於尋晚...

算好彩...

但換尼既係成家人冇得訓...

佢一返到尼灘係度,媽要好似氹細路仔咁氹佢飲鹽水...(鹽水一定程度可解酒)

佢飲少少就推開呀媽...

臨訓前仲要叫媽拎隻桶俾佢...佢又想嘔了...

不過一直未有反應...

直到凌晨四點,我又俾佢嘈醒左...

原來佢終於開始嘔,

嘔得勁大聲....

嘔完一次又一次,

嘔完一次返去沙發坐一陣又再去廁所再嘔...

連續起碼嘔左大半個鐘...

我就係咁聽住佢跑尼跑去...

心諗...阿媽天光要返工...你自己衰你都唔好累人啦...唔識關門自己係廁所嘔夠佢咩...

連我都可以俾佢嘈醒,對聲音好敏感既阿媽一定唔使講...

直至差唔多五點,

佢終於停左嘔,之後先去沖涼..

佢沖涼果陣仲隱隱約約聽到D嘔聲,

每次都係咁...一超過十一點返尼...PK了...一定成晚唔使訓...仲要係全家人陪佢...我同媽都敢怒不敢言...家仲要靠佢撐...打又唔夠佢打...又冇方法令佢戒酒...可以點呢...

到佢沖完涼,跟住先熄燈...(佢沖涼之前果四五個鐘廳都係著燈...D燈光照晒入房...我都唔知媽到底有冇訓過...唉...)

佢終於上床訓...心諗...佢上床果陣又會掀起D被,又會整醒呀媽...唉...作孽...

冇幾耐,我準備再訓著果陣...又俾佢嘈醒...

原來佢突然又跑入廁所...又再嘔...

嘔咁耐都未嘔完...可想而知佢到底飲左幾多...

阿媽講得好...人地出酒,佢出命...

唉...

冇幾耐佢又返返去訓...(即係又會整醒返阿媽...)

我心諗...大佬...佢衰好啦...唔好影響埋人地啦...自己走去沙發訓啦...

再唔係走入廁所唔好撚再出尼啦...

仆你個街...

真係...

唔使幾耐,又聽到佢起身既聲音...

今次未聽到佢跑入廁所就已經聽到佢嘔既聲音...

即係話個廳應該一大灘野了...

真係佢奶奶的...

聽到佢自己拖返地...

又去訓...冇幾耐又再...

唉...

結果...攪攪下...睇下手機...凌晨五點十一...

心諗...佢兩公婆都唔使訓了...

因為六點半鬧鐘就會響...

就要起身返工...

呼...

果然...

我訓著冇幾耐又再被嘈醒...

鬧鐘響左...

媽起身煮早餐...

之後我就聽到一D有點滑稽既事...

當媽入去廁所刷牙既時候,條撚樣又去嘔...

可以想像到,一個係洗手盤前刷牙,一個係洗手盤後嘔...笑...

聽到媽又再嘮叨幾句...心諗...算啦...條友有得救先算啦...SAVED吧...

仲聽到媽講...你仲想返工?咁既衰樣?

心諗...佢係去返工快去,唔好俾我日頭見到佢E條撚樣...

不過轉角度睇...佢咁既狀態返工係好危險,佢做裝修,暈下暈下去返工好易出左意外,係幾十樓跌落尼都可以...笑...

今晚就睇下有冇一個完整既佢返尼吧...

雖然佢係我爸,但我都只能贈佢一句,自作自受!

結果...我七點幾先再訓返...到九點又醒左起身打BLOG...笑...

害人不淺哇...唔知媽伊家點呢...今日要辛苦佢了...媽...加油堅持住哇...今晚應該有好覺訓了...