話說,尋日乃母親節是也,

話說,

尋日我突破自己極限了-.-

坐係電腦前十幾個鐘幾乎未郁過-.-

唔係打機,

而係要幫阿媽做佢公司D野-.-

佢仲要尋日朝早先俾我做,我以為佢今日要交,就開盡馬力,

佢自己日頭就走左去屯門-.-

到下午4點先返尼,

爸呢?朝早就走左去慈雲山飲茶,

結果我中午又要自己攪掂,仲要全日趕份死人野-.-

做做做做到傍晚,

手機不識時宜震,

惠儀姐打過尼,今次傾家常-.-

呼,又問左一條問題,令我又在百忙中想起了"她"的身影,

唔知點解,惠儀姐最近愈來愈鍾意問我E D問題,好似要CHECK住"她"在我心中還剩幾多地位似的...

呼,真難攪哇...

同佢傾左十幾分鐘就算,他媽,仲有份KAI野未做完的/_\"

坐返低唔使幾耐,又有電話!

今次係炫姐...-.-

話說,炫姐最近電話愈來愈多-.-

大小事都鍾意打個電話尼傾,

佢俾出既理理就係話"她"成日掛住拍拖唔理佢,佢有事冇人傾到計,所以打俾我,但係...佢生活圈子唔會真係咁狹窄掛...-.-

佢同佢D同學或其他朋友都熟過我啦-.-係要打俾我-.-

又走返入房傾電話-.-

又天南地北傾一通,

不過今次又有麻煩...-.-(基本上,炫姐每次打尼都冇乜好事-.-以前就係為左"她"的事打尼要幫忙,上次係大陸返尼冇人接佢要我去接-.-[最後都冇去到~_~"])

今次問我借錢耶...

話說...4月1日幫"她"出左咁多錢之後,我真係一貧如洗了...-.-

我仲欠人地四位數字未還-.-

家陣賣埋底褲都唔掂-.-

再加上搵親份份工都唔掂,

偏偏E個時候出現一個炫姐...-.-

唉唉,我前世一定欠左好多女仔好多野-.-

由其當中某D人,

今世還極還唔完,

最終同佢講我盡量啦,搵下仲有冇人幫到手-.-(其實微乎其微,上次借俾我果個冇可能再借到,其他D上次都冇,今次點會有...唔通問老豆媽子攞咩,一定問生問死,俾佢地知道我係借俾人仲衰...唉)

叫佢自己都搵下其他人...

其實仁至義盡了,我真的沒有耶-.-

今次傾左幾耐下,

又坐返低做野,

一路係咁做,

食完飯又再做,

連今星期既螺絲小姐都唔得閒睇/_\"

不過真係好多,我做左咁耐都係得三分二,仲有三分一剩,

做到十點幾...諗住做通宵既心理準備,先知道一個事實...原來份野天日先要交,

仲有今日可以做...=.=

他媽!

咁搏命做乜!-.-

正想胡鬧一番宣洩不滿,(坦白講,阿媽真高招,咁就迫到我咁勤力了-.-)

點知又有電話,

今次係舅父,又叫我落地鐵站拎奶粉,

落到去,同舅父傾兩句,

佢話幫我留意下有冇工WO-.-

舅父的好介紹...-.-

其實我心入面不太願意佢幫我的,

只不過上兩年都係佢幫先搵到,而且係份二入面俾左唔少麻煩佢,

所以對佢其實幾愧疚既,有D野廢事出聲了~_~"

又上返尼,點知原來仲有D額外野要做-,-

又坐返低做,

又做左半個鐘,

不過反而慶幸有E半個鐘,

因為當我做完既時候,

上FB一睇,

居然即刻發現左瑩瑩既新ICON@@"

即刻留下言先,點知留下留下就轉左去INBOX度傾,

由十一點開始傾,傾左個半鐘^^"(難得阿媽俾我咁放縱^^")

其實真係好估唔到,同瑩瑩有差唔多4年冇傾過野,

伊家又可以咁順利傾到一個半鐘^^"

話說我係由感情問題開始入題的,

居然發現...原來瑩瑩仲係白紙一張-0-"

唔好話做其他野,

連初戀都未有!-0-"

其實瑩瑩唔算差,

性格內向左D,但都幾好,

伊家E個年紀仲可以係白紙,(瑩瑩只細我三個月而已~~)

真係好驚訝,

突然連我自己都躍躍欲試,

不過算了,人家是白紙,我可沒信心令這白紙變得五彩斑斕,

我只怕令白紙多許多黑色油污呢...

所以最後都係冇出招,

一直好好的傾下去,

不過其實我有點擔心,

因為,依過往經驗...

今日傾得開心,傾得順利,

唔代表下一日都可以...

好多女孩就這樣飄走了...

曾經有一晚同師姐傾得好開心,

但第二日開始又好似陌路人咁...唉...

伊家同姍姐既關係同樣如是...

姍姐甚至沒再理我了喇...

呼哇...

所以到今日,我都唔知再撩唔撩佢傾計好,

一方面又想再同佢熟D,

另一方面又驚踩得太深發展左...

再一方面更驚就係今日已又變陌路人了...

唉唉~~

話說...

今日要考最後的英文ORAL...

5點開波...

我到伊家仲係冇MOOD...

真的好怕...

我甚至由尋晚就開始諗緊點樣扮蟹令阿媽知道我有去考...(因為上年冇去考俾阿媽鬧爆...)

呼...E個心理關口真係好難破...

我真的不知道怎麼好了...