哇卡卡卡,終於有5555人氣了~~

不愧是俺哇~~

哇卡卡卡,

尋晚...

補習補到10點先返到屋企,

食D野,飲碗湯,

又出門口...

今次去返工-.-

又話冇人,又拉我返工-.-

係米我好蝦D/_\"

明明我請左假的說/_\"

今晚佢再叫既話我打死都唔去!\_/"

話說返工,

LOBBY冇人,

又出LOBBY做,(即係又係LOBBY我收晒-.-他媽-.-)

冇幾耐,見到一對中年男女疑似有少少爭執,

之後個男既就掉頭走左去,

留低個女既係度流眼淚,

佢又唔係大聲喊,

而係默默坐係度郁都唔郁,

D淚水慢慢流,

見到都心酸,

我路過左佢個位好多次,

每次都見佢同一個姿勢係度喊,

好想遞紙巾俾佢,

但當時LOBBY仲有好多客,

佢冇喊出聲,好多人都唔知佢喊,假如我冇啦啦走過去俾紙巾佢,一定會俾唔少人發現有問題,咁既話真係驚佢面子過唔去,

但唔俾紙巾佢佢又好似好凄涼咁,

一個人郁都唔郁喊得咁辛苦...

唉...

佢坐咁耐我就忐忑左咁耐,偏偏D客冇咩點少到...

最怕女人喊,無論咩年紀都好,好難好難無視到,我對E D野好敏感的,可惜哇,除左遞紙巾我真係唔知仲有咩做到...

同係CAFE既小玉傾下,

先知原來個女人坐左係度好耐,

之前仲傾電話話自己夜晚冇地方去,

之後個男人尼左又唔知嘈D乜,

再之後就係我睇到既版本了...

可憐的女人...

唉...

我甚至想收左鋪都俾佢繼續坐係度...

畢竟人地可能真係冇地方去,俾佢坐到我地收好晒間鋪先走LO...

不然良心真過不去...

不過哇,

係客都未走晒既時候,佢就急急腳走左了,

輕輕的來,又悄悄的走了...

真替佢擔心...

呼...

之後冇咩好打了.

到今日,

剛剛,

尋晚風扇摩打燒左,他媽的,熱狙我成晚,

今日嬲嬲地,

唔識整風扇,唯有攪返好冷氣,

冷氣有兩年冇用過了~_~"

屋企兩部冷氣都冇人用~_~"

結果係老豆戲謔既目光下,

我著手拆冷氣攪返掂佢~~

冇掂電器野一年幾,

寶刀未老~~呵呵~~

不過....-.-

"盡量攪,攪爛就算~最多買過部~"

而當我大力少少既時候...

"喂喂喂,米攪爛佢呀..."

我頂佢-.-

真係唔知咩人尼-.-

最終攪左個幾鐘,

總算幸不辱命~~

呵呵~~

兩部冷氣都用得了~^^"

自豪一下先^^"

2013年第一次開冷氣了~~

話說,

今晚開始,間房要大執!

9月前要煥然一新!

我忍夠E間雜亂無章既狗竇了!!

哼哼!