年年傻仔特別多,今年多左我一個...

今次唔係FB打了,

雖然我既形象一早就插水插到深不見底,

哈哈,

這裡,是那些值得交付秘密和有緣的人才能看的~~

話說,

今日卷三卷五,

照原計劃一坐定就叫去特別室,

不過果間學校又有係好保守下,申請去個特別室攪到好似我要赴死咁,

又問E樣又話果樣,

就差未簽生死狀-.-

去到喇,

我前面個傻仔,

原來冇帶收音機而入尼,

臨開始半個鐘,

佢就同阿SIR講,

佢個收音機壞左,所以先冇帶返尼,為左證明佢有機,問可唔可以返屋企拎返返尼-.-(冇機入尼同有機但信號差入尼係兩回事,冇機入尼果個會大鑊)

佢住秀茂坪,我地考果間學校距離跑都要跑十五至廿五分鐘,

阿SIR叫佢認真考慮清楚,

佢話打的返去,

阿SIR話,米玩啦,E度咁偏僻,會咁岩有的兜入尼?伊家開左三個字,你估咁好彩仲有人遲大到打的入尼?

佢幾經爭論,終於放棄,

此其一傻仔,

第二傻仔係我後面個女仔,

佢有機入尼,

但係...

入尼唔夠五分鐘,

就拍我膊頭問我野,(未開考,又未洗準備,傾兩句冇咩野)

"呢,卷三係米要用鉛筆答?"

OH!GOD!

我嚴重懷疑E個係米考生尼,

雖然真係冇指明卷三一定要用鉛筆,但用鉛筆方便好多好多,幾乎係常識尼-.-咁都仲要問-.-

見佢係女仔,我都好客氣同佢講卷三用,卷五唔洗,

跟住佢問,

"咁你有冇多一枝鉛筆?我冇帶..."

我滿頭黑線...

到今時今日,考試仲可以冇帶齊筆...(其實可能係佢真係冇E個常識所以冇帶,唔係佢都唔會問我第一個問題-.-唉-.-)

我得一枝,仲可以點?所以假假地搵搵書包就答佢冇,

不過我都算係咁,

即刻問下我前面個傻仔佢有冇多枝鉛筆,

個傻仔串我-.-

"冇呀,得一枝炸,你有冇多部收音機呀?!"

果一刻,好乸想打X佢,

之後個女仔又問左其他人,個個都話冇,

跟住仲有唔少新入尼,

但因為個阿SIR啤住個女仔,佢唔敢再問人,個樣好似好灰咁,

到臨開考前五分鐘,

我終於忍唔住,問下個阿SIR,

"SIR,你有冇多枝鉛筆借俾我?"(因為之前我見個SIR登記人名就係用鉛筆)

阿SIR問"你冇鉛筆?"

點知我都未答,後面個傻女即刻答,

"係呀係呀,我冇鉛筆呀"

我心諗...嘟街,我幫緊你你知唔知!

果然,嘟街了,

個阿SIR以為兩個人都冇鉛筆,

即刻黑臉,

即刻話,

"我地E度冇借鉛筆服務嫁WO"

果然...唉...

心諗E個女仔係米真係白痴嫁...-.-

瞄一瞄後面,個女仔即刻頹晒,

個樣好似想喊咁...

唉...

真係睇到心都酸埋-.-(唉,真係唔知咩心理-.-最忍唔到女仔哀傷同喊個樣-.-)

吠吠牙關,

四圍望下,趁阿SIR唔為意時,即刻轉頭將我枝鉛筆俾左佢...

呼...

我知道有咩後果,

首先,人地雖然冇話一定要用,但條例寫得出尼,就即係叫你用啦...

我知道份卷一開始就冇左印象分...

未開考士氣就冇左一半...

其次...唔用鉛筆作答,

到選擇題果陣...錯左基本上冇得修改,即係一定要100%肯定E個答案先得...即係我要專心到一個可怕地步先應付到份卷...-.-

最後,

長問題果陣,唔用鉛筆好易畫到花晒...-.-

唉-.-

算了,開弓沒有回頭箭,

用枝原子筆頂硬上...

結果應驗晒我所擔心既野...

嘟街-.-

到卷五喇...

唉...我睇,每一年做得最差卷三同卷五,今年因為各種因素,會同樣係最差...

唉...

悲哀...

考完,玩完-.-

好了,考完,

個女仔淨係拍拍我膊頭,俾返鉛筆我...

我X你,唔該或多謝都冇講到!

雖然施恩莫望報,

但唔該你呀,多謝你呀,再唔係俾我笑容我都好呀...

嘟你個街,

就咁俾返我就繼續汁野...

令我好有一種"我係傻仔"既感覺...

傻仔係真係會互相感染...前面傻仔,後面傻女仔,攪到中間既我都傻仔埋...

苦笑一下,唉...

為女死,為女亡,為女補褲浪...

我抵死,我瘋狂,撼頭向牆撞...

希望今日只係我濕滯,我時運低-.-

希望第日遇到D女仔唔會咁-.-

希望...兩份卷都可以合格就笑死我-.-

唉唉...

好了,這些過去了,

有些事,準備又要面對了,

希望一切安好吧...

每年四月,總要在我身上發生些大事,

這是我幾年來感觸最深的...