陽光明媚~~

嗄嗄~~

話說,

星期四,

測驗成績出左,中文,

毫無意外,

全班最高分,差兩分就滿分,(簡直虎入羊群^^"順便一提,星期一既畫圖都係我最高分^^"天才哇~~)

但係...

得到一個消息,

原來,我係百就唔需要讀E一科...

因為原來成績就太好...

走落去秘書處問,

居然俾條仆街串,

佢,你唔知你唔使讀既咩,伊家先尼問?冇俾信你咩?

我,冇...

佢,你冇填表咩?

我,有,一開始填左...

佢,咁你唔知唔使讀既咩?

我,填左,但你地時間表係要我讀,我米讀LO...

佢,作為一個學生,你係米有責任清楚知道自己做緊乜既咩?人地叫你讀就讀?人地叫你俾一百萬你係米俾呀?............................

我心諗...丟喇媽,你地自己冇俾信我仲咁大聲氣...

俾條友嘈左幾分鐘,之後佢先幫我睇下,

又講一堆廢話先放我走...

丟...

晒我七星期時間...

到尋晚...

業哥結婚...

我汁到勁正,

咁大個仔都未試過咁靚仔,

西裝骨骨走到去,見到班同事先知...

咩叫西施入臭坑...

個個都求求其其咁就尼,有T恤,有長袖睡衣,有格仔衫等等...

真係...

算了,不予置評,

早到左,6點未到就到左,

業哥屋企又或者係女方屋企真係好有錢,

銅鑼灣皇室堡9樓擺40圍,

仲有鮑魚同魚翅,龍躉...

再睇新郎,一身燕尾,內裡銀色恤,頸掛兩串金鍊,十隻手指有八隻有介指...

新娘...頸掛四條金鍊,兩手戴超過十隻金鐲,仲有金耳環等等...行禮前著紫色流水婚紗,行禮果陣又換左白色...

頂...痴線嫁...

有錢到...

最重要係,佢地拍左十年拖先結婚!

我咁大個仔聽就聽唔少,但真正遇到既就真係第一次...

十年拖...

真羨慕...

之後...成班友係咁賭,我都輸左80~_~"(拎左80出尼輸晒...)

攪攪攪,攪到9點4,終於開餐...

但係...

新尼新豬肉,個個都要俾臉,所以...

尋晚通常都係紅酒,其實紅酒好難飲,我寧願飲白酒,但個個都紅酒...

我只飲左六杯就訓低左,

平時梗係冇咁咩啦,

只係,第一,好難飲,第二,次次要我飲都要一次過飲晒成杯...

頂...神仙都唔掂...

最後,連鮑魚都未食到,就PK了,

要人抬入廁所,係廁所嘔左四次~_~"(全場第一個訓低既就係小弟T^T")

果陣廁所有一格維修緊鎖左門,其他又有人用緊,

我酒興起,唔理三七廿一一腳兜開左~3~"

廁所門把鎖同D螺絲俾我KO晒~_~"

最後係廁所迷糊左N耐,

十一點幾,媽打過尼,知道我訓低左

最後叫老豆過銅鑼灣接我,

我迷迷糊糊行出去,反而見到酒樓入面D燈黑晒,

原來酒席早就散左...有幾個阿姐勁驚訝咁望住我,

最後叫左兩條友扶我落樓,

落到去傻下傻下係街度行,

直頭直唔到腰,第一次感受到醉酒佬點樣行路...-.-

行兩步就搖一步,

完全唔知地鐵站咩方向,

最後見到對情侶,走過去問,

嚇親個女既,佢指指後面就即刻拉住個男既走左,

傻到去地鐵站口,差D又訓低左,

有接住左我...

老豆是也...

佢冇嘈我,扶住我周街搵的士,

呵...有D野係男人先會明...

返到屋企俾媽嘈到七彩,

人出酒你出命,E個係佢成日嘈老豆的,今日嘈到我身上了...

佢俾左衫我換,涼都冇沖,頭又冇洗,(我個頭整得勁靚仔,可惜醉左之後成個雞冠頭咁~_~")

就咁訓左~_~"

到今朝起身,傳說中既頭痛同宿醉出晒尼~_~"(今次係人生第二次醉,上一次係上年同炫姐飲果次,飲左四支伏特加訓低左,不過最後自己都可以搭地鐵返屋企,而且第二日就冇事,今次嚴重好多~_~")

好彩尋日同今日都放大假,唔係今日都唔知點返工...

平時滴酒不沾,冇練酒量,再加上之前同老豆朋友飲酒,一個贏晒佢地,信心爆滿,

結果今次英明掃地~_~"

第一次同同事飲就衰左~_~"

咳...

好了,唔打...