有股燐火在心中燃燒,久久不熄,
終於令我上尼呢度打一打...
呵...
每星期我都會發生好多事,
有時發覺自己人生真係多姿多彩,
幾年前忠少講既一句說話:乜尻野都可以發生係你身上
直到現在仍然岩用,
就如8月24日,為承諾係五個鐘內畫左一幅畫送俾姍姐,
8月25日,係工作地點既客LIFT內同某師傅救左一個大律師,令佢及時等到救護車,之後佢點就唔知了~~
又如9月8日,工作中出現一個差錯,我自己根本唔知做錯,係警報響左我先醒起,好彩冇人發覺,但其實防火閘系統已經失靈,防火閘亦壓碎左客人既天花,
當時冇人知點解,冇人估到係我果PART錯左,以為係意外,就咁草草收場,當時既我好驚,驚我既職業生涯就此完結,
於是,趁大家收晒隊既時候,一個人帶住架撐偷偷摸摸去返原來的工作地點,迅速摸黑更換左一個新既零件,
我果陣個心跳得好快,因為我知道,只要有人巡樓巡到我果度,又或者D師傅或同事發覺我唔知去左邊而悉穿我,又或者過左尼搵我的話,
一切補救變得毫無意義,我除左被炒之外,可能仲面臨一大筆罰款,因為我果PART做錯左,仲要冇申報出尼,再加上壓爛左客人既天花,大家都仲以為係意外...
呵...更換後迅速落返機房,一切完結,然後同師傅上去同客人解釋,話係意外...就這樣...一件大事化了小事...呵~
9月9日,科文請去迪士尼自助餐,帶埋個女尼,於是,在場中同科文最FD既我只好擔起責任,同科文一齊湊佢個女,
呵,未結婚就變左湊仔公~不過我經驗都唔少,我有唔少表妹,其中我阿姨生左4個女,當中有3個我都湊過一段時間,
所以今次成功令科文個女唔抗拒我~呵~就咁同佢玩左一晚~~冇錢收的~~
9月11日,去油塘探大姑媽,大姑媽心情好差,亦係我地面對係咁喊,我知佢點解喊...但我無能為力,只能叫佢睇開D,
命運一直玩佢,令佢受左幾十年苦,但...呢個命運亦係佢自己攞尼...我同鳳儀表姐唔熟,所以我亦唔知講咩好...
9月14日,同同事一齊係機房睇屍殺列車,
呼...
最近,同一個網友傾野傾多左,係跑識的XD
一直異性緣真心不錯,至少每年都識到幾個,
但傾得埋又持續有聯繫既真係料之又少,呵...
今次呢位跑入面叫蝦條妹,
現實中叫曾思敏~(又一個思敏...-.-)
其實我叫佢曾妹妹或者蝦條妹,
因為佢仲未講我知佢個名,
所以不拆穿佢了~~
呢一星期突然好似多野傾左,
然後關係好像近了,
一D奇怪既話題亦有傾到,
呵~~
今日我絕對係痴左線XD
早上,突然就...向佢表白XD
其實我都唔知自己發咩神經XD
可能經歷多某些事了,
就發覺有些事還是直來直往怩較好吧...呵...
於是不意外地被拒絕XD
我還以為會被刪除呢,
然後談了幾句關於變態的話題,
再加幾句好像沒什麼營養的說話,
很快就結束話題了~~
然後...我又痴左線XD
居然唱歌XD
用歌尼回應之前個話題,
雖然唔知佢聽唔聽得明,但覺得自己真係好KAI~~
佢都問我咩料XD
今日真係痴左線XD
仲有樣痴左線既係...工作...
今日絕對係半年尼最攰既一日...
亦發生好多...
最失落既係...我辛苦做左一日,
臨到最尾緊急維修果陣,對手同對腳好似唔係自己既咁,脫左力,
拎住架撐出唔到力,
因為係最後關頭,於是我就被人屌了一1輛,又話我冇食飯,又點點點,
頂你個肺,我做左成日,你班仆街淨係識大部份時候睇戲咁睇,
今日出左好多意外同埋無用功,冇人想,
心情本來就燥,你老味仲係度嘈,鬼唔知最後關頭咩!
冇左力就冇左力嫁啦,
呢兩日蹲多過企,
對腳幾乎唔係自己既,仲想點...
真係小喇叭...
天日又一堆野做...每年最忙係2月,4月,8月同9月,10月同12月...
真係...
麻差煩...
天日...唉...好彩,後日放假...呵...
|
