今個星期因為靚仔老師唔使返工,無人座係隔離同我傾計,所以好悶好悶呀!唔知靚仔幾時返工呢?有少少掛住佢添,唔好誤會,我係想有人同我傾下計玩下咋.本來星期五約左兩個舊朋友飲野,點知有一個話唔舒服,所以取消左,啊...聽阿May講講東話job會忙到十月,聽到之後好開心,即係黎緊幾個月都有工返啦,唔驚無錢使喇!哈哈哈......

       琴晚又出左去Play badminton,打到好累,不過有運動做下都不之幾開心,因為依家打波當同d車友見下面吹下水,笑下講下又過幾個鐘,大家可以keep住友誼關係,都幾好呀!不過收到個bad news,其實早幾個星期已經知道,有對車友有可能會分手,今次大家都覺得個女仔自私,個男仔都幾慘,希望唔好有依一日喇,因為都覺得可適.

        哈哈哈!依排返工都好開心,或者真係有個靚仔座係隔離既關係喇,呀...!座左係靚仔隔離咁多日都越黎越了解佢,原來真係同佢平時好唔同嫁,我覺得佢都算係一個幾花弗既人,因為我好多時聽到佢講電話都好陰聲細氣,以為佢同老婆傾喇,點知我問佢:咁sweets同老婆傾完電話呢?佢竟然話唔係,之後我用d好而惑既眼神望佢,佢就問係咪我講野好溫柔呢?我話係呀!所以我以為你同老婆傾電話囉!唔係我一個覺得佢花弗嫁,原來我同我個同事講番,佢都話覺得佢係一個好花心既人,因為我同事講,原來佢開頭入黎做果時,見佢都會同d女同事食飯,仲唔只一個,仲要亞靚仔都知道d女仔鍾意佢嫁喎,但係果時佢無提過自己有未婚妻,所以我同事話佢唔知諗乜!唔.......大家心照喇!!

        呀!上個星期都無去打波,所以聽日一定要去呀,星期一返亞嬤到打麻雀又輸左$300幾,好彩有工返姐,唔係就死喇,琴日公司攪左個寶齡比賽,每隊都要著d有特色既衫,見到有冷氣維修工人衫,有著修女袍,有啦啦隊制服,有睡衣等等......亞威佢地改左個隊名好攪笑,佢比我睇問我知唔知點解,佢係咁寫RAY Holland Orange,我講英文,佢就話中文點讀,我話威,荷蘭,橙.....之後就大家一齊笑喇!你地自己諗下.......好笑呢?之後我問佢地係邊到打,佢話黃埔,之後我就打比我老公個車友問佢今晚會唔會打波,佢話會,所以我就叫佢打去問下係咪有人包場,廢事佢落到去無得打就無癮喇!跟住個車友打番比我話,包到10:30 p.m,我話係呀!佢好攪笑咁問我我有無位讓比佢打?我笑住答,我都唔玩既,何況今次公司Full Time員工先有得去.就係咁喇!之後收左線,等到五點幾就收工,咁就過左個short -weeks!

         he he返左工咁多日我都已經學左唔少英文,因為我係返工第二日就座左係個靚仔隔離叫佢教我,不過大家放心,個靚仔已經結左婚,而我都係,所以大家唔好亂諗野,其實公司都好多max都識講廣東話,點解我會選佢教我呢?唔係因為靚仔呀!係好多人都覺得佢靚仔,平時又好靜,所以攪到我都想了解佢個人有乜咁特別.座佢隔離都one weeks 有多,發覺佢個人都幾健談,唔似我地所諗,不過自己都覺得自己八卦左d,又問佢點樣識佢老婆喇,又問佢諗唔諗住生小朋友等私人野,不過佢又全部答我嫁喎!d max 真係開放.

          講番星期五呀!真係難過囉!事關係星期五我放工返屋企既時候,係屋邨路口斑馬線發生左一單交通意外,本來我以為係小事,點知......係一個女教師唔小心撞到個小朋友,架車仲壓住佢個頭添,個小朋友緊係救唔返喇,但我覺得個教師都幾慘,事關車死人喎!你話會有咩感覺呀,很定個教師要搵人付導,幫手平服心情,我諗佢下半生都幾難度過.

無返工都有成三至四個月,放完個悠長假期之後,係十八號既下午就係我黎緊辛苦既日子,因為係果日之後我要兼負兩職,日頭返工,放工之後就要返屋企煮飯做家務,其實陳生都會幫我做家務,不過我嫌佢做得唔夠整潔,因為我都算係一個鍾意乾淨既人,所以寧願自己辛苦D都自己做返.

好開心呀!我係返工依幾日發現自己已經成功戒左煙,因為我依幾日係公司就算悶到發霉都完全無諗過要食,講真!其實我本身都係可以食可以唔食既人,對煙依樣野唔算瘋狂,不過要返工既話就難講囉!

琴日最期六出左去打波,啊......!都唔明上個禮拜冇打一場姐,點解今次打番隻手又會痛呢?我都連繼打左都有個半至兩個月喇,點解仲會有咁既情況出現呢?真係唔明呀!琴日打波前出左旺角賣左一D已經爛左同唔會再帶既金器,本來我都諗住依世人都唔會賣我D金,點知係星期五收工前聽到個同事講D金價又升左,所以先諗住賣,不過真係估唔到我果小小金都賣成差唔多$7000,我D金器大多數都係亞嬤同埋D朋友送,所以我都唔知果D金實質幾錢,不過我都有估過大約有五千零蚊,所以話收$6800都賣囉!另外陳生有條十年前用左$4400買既手鏈都收成五千幾,計過都賺成千蚊,所以都賣埋Lu.琴日有個波友講,佢細老係銀行做,話D金有可能升到八喎,所以我諗升到七幾我都會賣埋我另外D金器!哈哈哈......

係四月五號係叔仔到拎左隻古惑仔之義打之後,攪到平時D生活時間亂晒,最慘又未返得工住,又話要過完個復活節假先,咁咪攪到有覺唔去訓囉!如果要返工我就會早D訓,同埋要我再打game都要放假先會.唔知過完個假開得工未呢?就黎窮死喇,下個月保險要交保費喇!再無工開就無錢交喇!不過話時話都好耐未試過為錢擔心,希望今次擔心快D過喇!