唉....!一轉天氣就煩,因為好多時天氣一凍樂樂就傷風咳,依家樂樂已經中左焦,佢差唔多一個月就病一次,都唔明佢身體點解會差左咁多,點解我咁講...?因為佢一歲前都好少病痛,係搬左入天水圍住之後身體就開始差喇,其實都唔可以話係居住地點影響佢,因為好多人都會講:小朋友開始大個抵坑力就會減,同埋讀左書就好容易病.我信嫁!讀左書真係易病D嫁!

其實琴晚都唔係整到好夜,係自己唔願訓,攪到成五點幾先訓得著.唉....!做一個家庭主婦真係唔容易,日日都有家務做,雖然今日唔使煮飯做少一樣野,但就要做另外一樣,就係廁所大清潔.點解每日都要清潔嫁呢?有無人可以發明一D家庭用品可以方便比我用呢?(我意思係淨係岩我清潔時用既自動電器.)咁我就唔使日日攪到手軟軟,又可以多D時間用,如果有你話幾好呢.....!

今日成日都好得閒,不過我指既成日係至到23:00.因為11點後先係我忙碌既時候,因為陳師傅今日整埋佢上次未做完既手尾,而我就要做埋佢做完手尾既善後工作.......就係"大清潔"喇,唔知今晚幾點先有得訓呢?不過今日聽到隔離左右街方講左D野都想寫底埋,就係........有個街方講你間屋咁靚仲要裝修呀!陳師傅就講:唔係整多個櫃姐!另外一個就講:嘩.....!又整野呀?我答係呀,之後講完就入左屋睇,睇完之後就話:唉....佢識整咁多野真係好喇!

琴晚差唔多成四點先訓,今朝早天氣又凍喎!仲要起身湊樂樂返學真係好累呀!陳師傅今日唔使返工,一齊係屋企無所事事,都唔知做乜好?又想出街行下,但係又唔知行邊樹好,最終我地都係係屋企各玩電腦,咁又過一日喇.....!

今日無乜特別咁又過左一日,不過又唔可以講無特別事發生喎!因為我屋企又比人攪到好污糟,事關陳師傅又新添左一D家具,攪到我又要大清潔,抹到我鬼死咁累,如果依家有人幫我按摩就好喇!