我地今日出左旺角行街,同埋諗住同樂樂睇下聖誕燈飾,點知今年海港城D燈飾冇乜特別!唉...真無癮!好彩係尖沙咀行街都有D收鑊,我買左幾件衫,陳生買左兩部車仔,仲有係旺角買左件褸比樂樂,另外見到有間鋪頭裡面放左好多mini bilk,都同樂樂影左兩張相,一相坐係架綿羊影,另一張坐係架街車影(見圖),個老細仲同我地講天水圍有個場玩mini bilk,我地好出奇咁同佢講:係咩!我住天水圍都唔知既,係邊到呀?原來係"有叉用"燒烤場.咁近,我地諗住得閒都會去睇下人玩既.....hehe!!                   

一早起身為左樂樂倒瀉水就同陳生鬧交真無癮.都知道佢係屋企冇野做幾日就會咁,都唔係第一次,試過好多次一冇工開係屋企對得多就係咁,都唔知係咪佢都好似女仔咁有更年期?

聽日接完樂樂放學後要幫手傾整學校攤位活動D野,仲有梁老師已經選擇左我地屋企比小朋友黎參觀,仲有參觀果日要我幫手照顧小朋友,我諗依排都會比較忙喇!

琴日同樂樂行街,咁緊係係街食埋飯先返屋企喇!食飯果時佢話要飲豆漿,咁咪叫比佢飲囉,話晒都係有益既野黎.佢一句話鍾意飲就做死我,點解?咪就係返屋企果陣買左兩斤黃豆係今日整左豆漿比大少飲囉!不過都係果句,健康冇所謂喇!麻煩D都冇計啦!鬼叫係我個仔咩....!

今朝六點幾就仆街,點解?咪就係陳生攪攪震囉!事關佢前兩日整左個新鏡櫃快鏡係六點幾就跌左落黎,我以為係樂樂間房跌野,一時心急,地下又滑咁咪跌親囉!仲整親隻手添.仲有呀!個洗手盤都爛左,咁次又唔知唔見幾錢喇?

今日晏周我地出左元朗行街,自己都冇買野比自己就使左幾百蚊,唉....依家使錢真係好似倒水咁,"咋'一聲就使左,仲好似唔知買左D乜咁,拎小小野返黎就幾百蚊!唔知幾時先可以發達呢?發左達咁就唔使煩囉!仲可以開開心心過活添!真係希望可以夢想可成真.....!