今日起身乜都未食就做家務,做完已經點幾鐘,之後沖埋涼就出街.第一站就係去葵芳飲茶.,因為琴日打完波已經約好左,之後就搭地鐵出左銅鑼灣工展會,本來諗住行完工展會就上山頂同樂樂坐下欖車睇下夜景,點知一行就行到十點幾,行到人地關門都仲唔想走,不過唔願走都唔得,都唔明D人點解會咁準時收,想睇多陣都冇野你睇.我記得對上一次去係兩年前,果時仲要用"咩"帶"咩"住樂樂,我仲記得果年有煙花睇添,果年就好似冇乜點買野,今年就唔同喇,竟然用左五百幾蚊買左D食既野,玩具同家品等,我仲同陳生講:如果亞芝去都會買好多野同不停試食試飲.哈哈哈......!

今日九點幾就起左身,本來諗住放假可以訓晏D,點知慣左返工早起訓唔到,你話係咪犯賤.不過都好,都可以比平時訓多左一個鐘,好過無!今日係平安夜,我決定唔留係屋企,我地一家人兩點幾就搭車出左旺角行街,本來八點幾就諗住搭車返屋企,但係諗諗下又唔想咁早返歸,之後決定去打波,最後攪到成點幾先返到屋企,都唔知為乜!哈哈哈.........聽日聖誕節,我買左部新既MP3送比自己,本來想買電話,不過最後都冇買.唔知點解!我覺得係一D特別節日買野,或者做D特別事,我會覺得有回憶價值,因為我覺得如果幾年,或者幾十年後再過同樣日子既時候,起碼記得有一年係點樣過,咁樣會覺得過得有義意D!

唉.......!都唔知D天氣想點,琴日朝仲鬼死咁凍,今日又暖返咁多,真係想玩死人咩.今日返工又食蛋喇!我打親電話去一係話唔方便呀,唔得閒呀,老細唔係到呀,一係就話負責人出左trip,返左大陸廠咁,都唔明講英文D人點解做到嫁,好彩今日都有D娛樂,如果唔係又悶死左喇!啊.....!我今日先發現自己都算係一個幾專心既人離,點解?因為今日我由10:00幾玩個砌數字遊戲玩到差唔多收工,真係好專心咁玩左好耐,連lunch時間都要玩,玩到唔願放低,都覺得自己有少少誇張,不過唔係咁既話,D時間就唔會過得咁快,咁舒服咁又過一日.

私人記錄:4243hkg     10:00~18:00        Total:7 hrs    0份

嘩.....!今日返到公司樓下差D吹跌,好大風,好凍呀!hehe咁今唔食蛋喇,仲做左兩份添,好開心呀!有一份仲係我琴晚做唔晒果份,本來以為比人做左,點知最後都返返黎我到!

私人記錄:4243hkg      9:40~17:56   total:7.25 hrs   2份