今日返工自己一個坐冇人同我傾計不之幾悶呀!不過都好,可以靜靜地.

仲有今日叫陳生幫我買聽日既早餐同整返個洗手盤佢一樣都冇做到,都唔知成日係屋企做乜?

另外想講都唔知係咪國良話得我岩,我係犯賤既人,都唔明,佢返工我返工返得我咁辛苦,佢放工返黎就乜都唔使做,我就要做餐死,我問佢點解,佢仲要話我犯賤添,真係比佢激死!

私人記錄: 4243hkg   (ups)   10:00~18:00   total:7 hrs 2份

今日同樂樂去軒軒生日會,之後我地就去左尖沙咀既玩具反斗城行下,點知就出事喇!一入到去樂樂就一支箭咁標左去,你知啦星期日實多人嫁麻,走失左點搵呀,咁咪即刻叫住佢囉,之後一路行就一路玩佢放出黎D玩具,點知佢一見到thomas車就玩到唔願走,要我睇住佢玩足半個鐘,陪佢都冇所謂喇,點知真係要走既時候,佢仲要發皮氣,咁我咪鬧佢囉,最慘屋企又唔係冇喎!你話下次我仲點敢同佢去D有野玩既地方呀!

樂樂比我打呀,都唔知佢個腦用離裝乜架,係咁既,今日我發現佢整唔見左幾支玻璃油彩,咁我咪問佢放左係邊囉,因為佢琴晚攪過黎,咁正常你琴晚玩完都應該記得放左係邊嫁麻,點知佢又答唔到我,咁我咪叫佢四圍搵下囉,我都有幫手搵嫁,佢真係好聽我話,叫佢周圍搵下就真係周圍咁搵,大老呀,你玩完記得放係邊架麻,使乜周圍搵嫁!真係比佢激死,我睇到佢咁我都知佢唔記得放左係邊架喇,咁我咪越諗越嬲囉,咁咪一路打住佢黎鬧:你個腦裝乜架,琴晚玩完都唔記得放係邊,有冇攪錯呀,你搵唔到唔好叫我呀!就係咁我搵左半個鐘,卒之係我間房既床邊搵到,都唔知係咪老豆唯傳D失憶症比佢,兩仔爺一樣,就黎比佢兩個激死!

斗左三個月今日第一日再返返工真係有D唔習慣哦!今日見返D同事,又係例牌講果句:long time no see喇,但出奇地見到一個好耐冇見既同事(高波),佢同我講左一句攪笑野,佢話我地又係時候出現喇!我問點解?佢話又到x'mas麻,之後我地兩個一齊笑左出黎,(因為每年公司都攪party,通常要近兩個月有返工既同事先有得參加,唔使再講你地都明點解我地會笑喇)

私人記錄:  4243hkg  (ups)  10:00~18:00  Total:7hrs  1份    b~10:00~10:45     test~10:45~11:45

問卷內容: 對亞太區未來經濟及中小企徑爭睇法,用1-5做評分

休左三個月,終於又要返工喇!咁橋國良岩岩起貨我先有得返咋,我仲係到諗國良又冇工開點算,好彩時間岩岩好.呀....冇返工咁耐唔知點呢?仲有呀,公司減左人工,得返$60個鐘,再計份數錢,真係有D唔慣.一路都抱住做又三十六,唔做又三十六既心態,特然改左真係唔知點算囉!