都唔知自己攪咩,休息左成個禮拜都唔記得寫番d日誌,不過依兩,三個禮拜都去左好多地方玩,but唔係日日都出街,7月7日之後開始休息,7月6日家樂仔叫我去飲野,果日收左工本來話食完野先飲,點知即刻走左去飲,真係激死我,果日由7點幾飲到差唔多十點就走,因為大家聽日都要返工,第二日d酒氣未清都返左工,不過比起平時都遲左1個鐘返,果晚就約左Louis同ka wing打麻雀,本來Louis話係雀會打,之後又改左去佢個friend屋企,果晚真係難頂,成晚我先食得三支煙,平時我返工都唔止食咁少喇,更何況打麻雀............所以依次之後我都唔會再同Louis打.係14號晚,我同思思,亞yee上左大陸玩,我地又去食小肥羊喇,行街,按摩,又去左收手同電眼節毛.本來佢兩個都話唔買野,點知大家都滿載而歸.

         hehe......今日開番個日誌網黎睇.....ee,都有成廿日無寫日記喇!都唔記得做過d咩添"""""""唔......都可以大約寫番依廿日有d咩大事發生既,不過日字係邊日就寫唔到嫁喇!我記得唔知係9號定10號終於出左部新電話,之前成日話唔捨得,但係有一日我發現用舊電話既時候,景然meet左十幾個call,你地係咪都覺得跨張呢?所以我終於忍唔住要轉電話,都幾肉赤嫁,另外係14號終於都做左做小手術,係做手術前一個禮拜都幾驚嫁,不過到左14號又唔係太緊張咋喎!做手術前係到諗,死下死下咁!

        講返做野先,係7號已經返工做左個新job,不過一個禮拜多d就已經做完500個訪問,真係有史以黎廣東話job最快完既project,好彩休左幾日係21號又有另外一個job開姐,如果唔係都唔知點算囉!

         阿May星期二打比我,話應該5號返工,but......佢琴日都冇打比我通知我星期一返幾點,我諗都未返得住囉!好悶...好....悶呀!就黎悶死喇!幾時先有得返工呀!無工返又無錢喎!依期等錢使呀!救救我喇!

         嘩!上個星期落雨落到依家,仲要落到幾時呢?攪到d衫洗完又無位"浪",好煩呀!到有位又要"浪"幾日先乾,好彩有乾衣機,如果唔係都唔知要洗幾多機先洗得晒d衫.但係下期電費單都唔方平囉!唔使返工日日係屋企唔知做乜,晚晚兩三點先訓,第日無12點都唔起身,真係覺得好廢人feel,都唔明點解陳生個而甥女可以到依家都可以咁樣過,我過左幾日都有d想死,都唔明d雙失青年日日係屋企點樣過. 

          琴晚有12個人打波呀!好似咁耐都未試過嫁!攪到琴晚打唔夠喉添,不過無所謂喇,大家係到吹下水笑下都開心既!不過估唔到打完波去食糖水見到我媽咪喎,都好,起碼又見多佢一次呀!佢同我講阿哥就黎生日,我話係呀6月1麻,佢話唔係,端午前一日,我問唔係6月1咩?佢話新曆係,舊曆就端午前一日喎!我話:鬼知舊曆咩!就係咁傾左一陣佢就走左喇!

          今日同陳生D車友去左葵芳唱lunch K,話時話都好耐無去過卡啦OK喇!唱左三個鐘,夠就真係唔夠嫁嘞,不過都好過冇呀!唔知下次幾時先會再去呢?hehe.......好似講到卡啦OK好難先去到咁!!不過講開又講,我同舊愛through MSN傾計時,我問佢幾時再見面,佢同我講:等你得閒先喇!我話我幾時都得嫁喎!我問佢點解咁講?佢話:你有仔有家有老公......哈哈哈!!我之後就同佢講:依個都唔係主要問題,最大問題係我住得遠呀!我終於都明我d朋友點解約親佢地都話等我得閒先囉!我諗大家都覺得我個家攪到我無時間.唔......!!等我係到同大家講句:我好得閒嫁!約我出街喇,唔該..........

         4980個job已經做完喇,所以星期四,五可以放多兩日假,星期一開新job,啊...思思琴晚打比我話我知靚仔番返工喇,我唔使返果時佢就返黎,真係同佢無緣,不過依個都係事實,因為佢同我都已經結左婚喇麻,哈哈哈......!

          星期四出左陳生個朋友到,佢朋友要佢幫佢整野,咁我地就去買埋個Osim uZap,因為佢朋友有折購咭,第一日唔知係咪玩得激過頭,攪到個肚鬼咁痛,好彩個uZap唔用係肚到都可以用係大裨同pat pat,玩完第一日覺得怪怪地,覺得個肚仲鬆左,連行路都覺得個肚震下震下咁,唔知其他人係咪會咁呢?其實個uZap聽四個用緊既人講,都係得一個話唔掂,所以我先放心買,同埋陳生個肚真係越黎越勁,所以個uZap今次都可以話係為佢而買!希望有好成績見到喇!!