星期六又去左打波喇!咁次仲見到個好耐都無見既車友,雖然今次多左人打,不過我都可以打到三場,都好開心呀!唔知今次會唔會好似上次咁,打完之後果幾日痛到隻腳好似斷左咁呢?希望唔好案件重現,因為真係好痛架!!啊......!聽個車友講復活節去泰國要$3000,我覺得好貴,因為諗番我同陳生01年去果時計埋導遊費都係$1500,嘩!!$3000可以去兩次囉!不過我地淡季9月去既,所以依家咁既價錢都算合理,but......如果我去就一定選擇淡季,因為平呀麻.hehe......

咁又一個禮拜喇!唉.......18號星期六竟然無波打,真係激死我喇!攪到我E幾日無所事事悶鬼死左,人地一心諗住keep住打波,點知攪禍晒,最慘無節目又要係屋企悶.希望黎緊唔好再咁喇!啊...樂樂又開始乖返D,食野又好左D.不過唔知又可以keep到幾時呢?我同陳生都想去玩下,去大陸沉下溫泉都好呀!不過......都係果句...樂樂無人湊.你話無小朋友幾好呢?鍾意去邊就去邊,或者做個有錢人都好,請番幾個工人做下家務,湊下小朋友,不過我知發夢就有機會...!!算喇,等樂樂大個D先再諗去旅行喇!!

琴晚出左去打波,今朝訓醒成個人散晒,不過都累得好開心,啊......!唔知點解個人大左開始好想做番D運動,唔知係咪因為覺得自己成日都無離神氣,成日都死蛇爛善咁,所以好想自己健康D有番D活力,做運動就係一個好既方法,所以呢?黎緊我都會keep住去打波.希望現時D年青人都可以有番D活力,做番個健康青年喇!!

琴日陳生既小學同學上左黎我地屋企,其實依個朋友仔係上次新年初五先見番,果次因為二姑媽要入黎放底我姪仔去我阿叔到,咁果日咪約左我阿叔係我屋企傅近飲茶之後再去我屋企打麻雀囉.係茶樓到咁岩佢朋友就坐係隔離張抬飲緊茶,之後就傾左一陣再話遲D探下我地同參觀我地間屋,就係咁佢朋友琴日就黎左我地屋企坐,聽陳生講個同學都好耐冇見,起碼二十年,你話依個香港幾細,就連我都見番一D工業學院既朋友同舊boy friend 既朋友.所以就算將來同朋友變得唔好既話,千祈都唔好變成仇人,如果唔係見番都唔知會發生乜野事.所以古語有云:今日留一線,日後好相見!