| «‹ April 2015 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | |
|
| 2006 年 2 月 25 日 星期六 |
 | |
everyday have a nice dream
成日打仔 |
唔知點解我覺得樂樂越黎越唔聽話,依個禮拜佢比我打左好多次,起碼一日有一次,唔知係咪對左佢幾個月開始有D"敏憎",鬧黎鬧去都係鬧果D,鬧到把聲都就黎傷晒,一D都唔改,真係想唔要佢,如果有工返都想返呀!真係唔想再對住佢,我開心時佢又開心,佢又唔使再比我打,你話幾好呢?啊......!唔知三月有無得去泰國呢?我依排睇過D自由行套餐,機票連酒店加早餐,再送120分鐘古法按摩都係$1099,真係低呀!陳生話等佢起埋貨先決定喎!!其實今次都係同番上次班車友去,佢有個車友已經拎左假嫁喇,因為我地上次去完台灣之後已經講今年一齊再去泰國,不過陳生話要留返D錢買牌費同"燕梳",我又要留返D錢交保費,哎......有錢咪唔使煩囉!如果真係有機會去既話,咁就可以行下果個sanday market,食餐三百蚊既鮑魚燕窩餐,又可以食法國餐,係香港就無乜機會用幾百蚊食一餐可以用刀叉食既鮑魚同法國餐喇,如果有得去就好喇@_@因為果個sanday market 要執笠重建,唔去就無得再行嫁喇,聽人講果到D野超平,個market又大,有成六個維園咁大,行成日都未必行得晒,最岩就係我同陳生,因為我地行親街最少都行六個鐘,如果果到個場真係夠大,D野又平,真係岩晒我地兩公婆囉!不過如果真係有得去既話,到時樂樂又要搵人幫我湊,都唔知有無人"很".連佢姑媽上次湊完佢都話煩,真係唔知到時可以搵邊個囉?
|
| 刊登時間︰2006-02-26 12:03 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 2 月 19 日 星期日 |
 | |
everyday have a nice dream
行街食壽司 |
|
早幾日落左兩日雨,好彩今日無姐!琴日陳生兩點幾就放工返黎,我問佢做乜咁早,佢話見攪點D野咪早D囉,其他野又唔趕住做.之後晏D佢就陪我落街買野.嗯......琴晚我地已經係到諗今日去邊到行街,之後陳生話要去深水步買巴士買lego買擦膠喎,我話乜你咁有錢買巴士呀!你都好大口氣喎,當然...緊係講笑喇,係買Q版鐵車仔姐,不過都唔平嫁,佢想買果架款係懷舊巴士,要成$88,比佢平時係80M果間玩具舖買果D貴成一倍有多,其實佢都唔係太捨得買嫁咋,因為佢都覺得貴,不過我同佢講:算喇!依個款都唔係道道有得賣,你咪當佢咁樣所以直錢囉!之後我地就搵埋佢家姐同細老一齊行西九龍喇!去到西九龍其實我地一家自己行,因為佢地睇D野同我地都唔同既,本來諗住行完一齊食壽司,點知佢地自己行行下就去左椰林閣食下午茶,咁我地一家咪行完自己食囉!其實都好,因為如果一齊食咁多人等位會好耐嫁,所以都係一件好事,食完野之後我地再行多一陣先返屋企,本來我一路都無買野嫁,但食完野再行既時候就開始.......唉!始終都係打破唔到出街唔買野.唔知係咪因為一至六都係係屋企,難得星期日先出去行下,所以一睇岩野就想即刻買左去囉!(一)廢事下次買唔返(二)唔知幾時先再會行果道,所以我每次出街買野都係正常既!hehehe...... |
|
| |
| 刊登時間︰2006-02-20 01:43 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 2 月 14 日 星期二 |
| |
everyday have a nice dream
情人節......悶 |
| 今日係情人節,我同陳生都係係屋企過,因為覺得依D節日好似唔關我地事咁,事關結左婚又有個仔,話晒情人節緊係同情人過喇,無理由帶埋個仔嫁麻,你話係咪先.不過如果有人幫我湊住個仔,等我地兩公婆溫馨下又唔區呀!好攪笑.....陳生放工返黎比左一萬蚊我,我同佢講:我幾幸褔呀,人地情人節收幾百蚊扎花,我就收現金,仲要成皮野喎!仲唔羡慕死人........哈哈哈!都係講笑姐,其實佢每次出糧或者做完自己接既野,又或者一有錢就比晒我嫁喇,就連我屋企人都話佢咁好仔又唔賭,又唔滾,我嫁著依個老公真係拾到.其實好多時一家唔知一家事姐,表面睇我好,唔好果D你地又睇唔到嫁姐.不過講到尾做人最緊要睇得開,唔好乜都同人比較,如果唔係辛苦既係自己. |
|
|
|
| 刊登時間︰2006-02-15 12:12 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 2 月 12 日 星期日 |
| |
everyday have a nice dream
行街飲茶 |
今日又同D車友去左飲茶,其實冇出車之後我地D活動都健康左,唔係打羽毛球就打寶齡,再唔係就約埋去下旅行,燒下野食,出去食下飯咁.或者個個都開始大同有小朋友既關係,所以攪活動都要老少佳宜,都好....起碼會少左因為車既意外先呀!諗返我岩岩生完仔第二日陳生就炒車,果時真係比佢激死.果時好彩冇事,如果唔係我都唔知會變成點.不過依家都過左去,總之將來無事就得嫁喇.係喎!講返今日先,除左同佢地飲茶外,今日我地飲完茶之後就去左shopping,陳生就買左D衫同一條衭,我就買左兩件衫,一條衭同一條裙,女仔買衫真係低過男仔,我買咁多野既價錢都平過陳生,你話做女仔幾好呢,D衫又平又多款式選擇,就算買左著一季唔再著都唔會覺得"晒"錢,又可以不停轉款,總之就係做女仔好喇!我都不知幾想樂樂係女仔呀!哈哈哈...... |
| 刊登時間︰2006-02-13 02:01 AM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 2 月 10 日 星期五 |
| |
everyday have a nice dream
家長日 |
唉...........已經好耐都無聽過家長日依D野喇!真係唔認老都唔得喇,今日係樂樂學校家長日.我要返學校聽佢老師對佢返學D評價,其實就係等如我地舊時見家長拎成績表差唔多,因為佢地幼稚園無考試依D野,所以就講下小朋友返學表現.其實我覺得都冇乜意義,老實講呀!咁多小朋友D老師記得幾多呀,何況短短五至十分鐘講得幾多野你聽呀!所以我覺得攪咁多野都係多舊魚........不過講都有講既好,起碼佢平時返到學校做乜都知道下. |
| 刊登時間︰2006-02-13 01:32 AM [ 訪客留言(0) ] [ 編輯日誌 ] [ 分享至FACEBOOK ] |
« | 2 | 3 | 4 | 5 | 6 | 7 | 8 | 9 | 10 | 11 | ... | 19 | »
|
