前幾日天氣報告都話今日會落雨架喇, 但係無諗到真係會落得咁大囉.....
由於幾個禮拜前已經plan定今日去迪迪尼, 又由於有4個人買咗專貴年票,
加上今年係香港迪迪尼5周年紀念, 佢地每人可以响指定時間內, 帶一個人免費入場一次,
今日係最後限期, 所以風雨都不能改~~~
兼且揸車去又有得免費泊車, 落雨都無有怕~~~
我哋9點出去食早餐果時, 都係好細雨啫, 但經過屯門公路時, 落到狗屎咁,
真係好驚去到果時都咁....>0<
好彩皇天不負有心人, 兼且我係皇后唔係貴人, 所以去到時細雨咗好多~~ 
入咗場之後, 梗係第一時間去攞我既生日禮物啦~~~~襟章一個 
帶咗之後, 真係好多人同你講生日快樂....好開心架!!!! 哈哈哈哈!!!!
跟住同美妮個牌影返張相先~~~ 
再去睇米奇金像獎(個名好似係咁, 是但啦!!) 
再去小小世界坐船仔兜返轉先~~ 
嘩!!!出黎果時見到2個靚公主呀!!!!! 
都係覺得金頭髮既公主靚d~~~
再去同亞Pooh打聲招呼~~~~
你睇吓亞Pooh見到我哋黎, 笑得幾開心~~~ 
雖然下晝已經無雨落, 但由於朝早天文台曾經發出紅雨, 原本取消咗既巡遊, 改咗做小型既小火車巡遊~~
真係超迷你喎.....得幾卡車載住d卡通人物响度揮手~~~ d跳舞藝員消失哂....
 點都好過無咁啦~~~
再去睇獅子王~~ 好勁呀, 貴賓即係貴賓, 我哋坐第二行呀~~ 
仲同到d靚女跳舞藝員握到手添喎~~~ 
睇完之後, 再坐船仔去森林探險~~~   
哈哈! 有人笑得仲開心過我bor~~ 
司機叔叔話：呢位先生, 你好似坐錯位bor!!!! 
連囚車都有??? 唔係掛!!!!! 
走去上咗一堂畫班, 今堂教畫亞Pooh, 畫得靚唔靚呀 ???? 
雖然好簡單, 但係唔準擦, 所以要好小心, 畫錯咗就無得返轉頭~~
時間過得好快, 眨吓眼又到黃昏, 但係煙花要成8點半先有得睇,
我哋又book咗枱响隔離迪士尼何里活酒店度食晚餐,
況且上次黎又睇過, 所以今次唔睇喇, 行多一陣就離開~~
  
  
 
哈哈! 食完飯時, 有人竟然玩Surprise....
當餐廳侍應捧個蛋糕出黎, 同响咁多人面前唱生日歌果時, 真係有少少感動到想喊架~~
 
|
