今日係國慶, 同上個星期一樣, 都係响粉嶺火車站等上車。
不過今日既人多咗好多, d旅遊巴一架一架不停咁上人, 我心諗, 死 la ! 今次重唔同人迫餐飽....
好彩今次係响沙頭角過關, 唔同上次响皇崗過關, 呢度少人d....
同埋今次內地既導遊係靚女一名  非常養眼.... 
過關咁順利, 仲以為一路都係咁順利添... 點知高速公路非常塞車~~
我地上次未夠2點已經到咗澳門新濠天地.... 今次我地成2點先去到食晏果度, 真係餓到腳仔軟.... 
去到新濠天地已經成4點, 遲過上次成2個鐘!!! 好彩上次睇龍騰show影咗video,
今次影相, 原來係好難影得清架, 影到朦查查, 祇係得一張影得好d, 就係呢條龍影得稍為好d....
上次無影到呢條响賭場入口個金魚缸既美人魚, 今次影番....
 
再落黎又係睇煙花la ! 原來放大d張相, 睇d煙花會靚d架....
所以今次放大d相黎睇~~
呢d係意大利既煙花：
跟住就係國家隊既煙花la ：
呢個係心形, 不過佢消失得好快,
我唔講你地都睇唔出.....
似唔似兩隻蜻蜓呀?
好似有三隻和平鴿....
一隻飛緊既雀仔....
似唔似d螢火虫响度飛黎飛去 ???
你地話今次d煙花好睇d丫, 定上次果d好睇d呢 ??
我就話上次日本隊嗰d好睇d la ! 不過係我影得唔靚啫 = ="
今次亞何生無俾錢我使呀, 仲攞番我少少添bor....= =""
今次間酒店同上次又唔同, 今次住帝濠, 不過今次d房好陰森,
無上次咁乾淨企理, 早餐仲差過上次~~
下次去旅行千祈唔好揀十一黃金週, 四圍都係人山人海,
今次我地連步行街都去唔到,
d旅遊巴車多到我地架車都停唔到埋去俾我地落車..
架車兜咗成大半個鐘都無位埋, 結果成團人都話唔去,
早d 歸家好過la !!!
總括黎講, 今次無上次咁好玩, 上次就輕輕鬆鬆 , 今次就趕頭趕命...
仲有呀! 間死人大利來要加二添呀, 以後都唔鬼使旨意幫襯佢....
真係趁火 , 你估食咗你塊豬扒識飛咩.......
|
嘩! 小朋友生日, 竟然有人帶酒黎 ???
!!!!
嘩嘩 ! D粟米係咪响非洲運黎架 ???
Queenie 出場吹臘燭la !
你地見唔見到我呀 ?_?
"
