哎吔吔! 今日鍾家既聚會, 竟然俾一個無參加既人捷足先登, 貼咗張雪糕蛋糕張相出黎!!!!  可惡 >0<

好彩我精啫, 影咗d佢支針影唔到既相出黎貼啫!! 呵呵呵 #^-^#

嗱! 左手邊果個藍莓芝士蛋糕佢無影到la !

重有呀 ! 個雪糕蛋糕後面有個pat pat 俾蜜蜂針緊, 佢又影唔到, 嘻嘻!!

呢度班人, 梗有一個係二五(仔/女), 快d 同我隊佢出黎~~

哈哈! 今日又係兩個姑媽輸錢呀!  都叫咗佢地唔好群埋d(輸)度架la !

都唔聽人講既...Hey~~

鳴謝啟事：原來嗰兩個蛋糕係Hilda Mama 同 帥軒兩個人坐亡命飛車攞黎既，真係唔該哂同辛苦哂。

聽MM講得咁好味, 我尋日終於買咗一樽榛子醬黎試吓啦~~

雖然同一個牌子, 不過睇個樣好似有d唔同, 我嗰樽係台灣出產既...

     呢塊面包就係我今朝既早餐la !

不過d醬好甜, 無乜榛子味, 好似食緊朱古力醬咁, 所以我加咗d練奶落去, 等佢有d奶味,

如果一個人食一塊, 都唔使食其它嘢la !   唔係唔好食, 祇不過係好"漏"。

下晝一個人去咗屯門行街, 竟然俾我見到MM話好好味既Mos Burger~~ 

唔知佢幾時開既呢 ? 早前都唔見架...

幾大到唔執輸, 嗱嗱聲走入去試返吓啦~~ 

都好多款式吓喎 ! 都唔知叫乜好, 最後都叫咗個 Mos Cheese Burger 套餐...

個包好味過麥記個Cheese Burger多多聲, 汁又多, 連片番茄都厚過人, 值得推介...

食到我lam lam 脷  

杯飲品叫做"Mango Lassi", 中文唔知有無記錯, 好似叫做"香芒西酪" , 好好飲...

再加一杯北海道牛奶雪糕......哈哈! 今日好滿足呀~~

  今日呢個滿足, 盛惠$46.- 大元........ 再加肥肉2磅, 係咪好底呢~~~

MM: 係咪平過日本好多呢~~

(請問有無人可以話俾我知邊款包最好味???   等我下次去嗰時再試過....)

我終於响23號晚放工之後，嗱嗱聲單拖北上修煉番2日。

可能神知道我夠神心， 俾MM影咗張雞相佢還神，兼响樟木頭再影咗一張打孖黎既雞相，

準備番黎之後貼上黎俾佢用。(今次唔係鍾記出品，所以質素係差少少，將就吓用住先啦)

原來好心真係有好報o架!!    幅相果然發揮作用，我竟然大殺三方。

不過董事長即係董事長，佢一毫子都無輸，而亞"邊個邊個"竟然仲有少少嬴tim !!!

咁即係證明我既修煉尚未成功，仍需努力。

MM：Sorry 呀 ! 暫時重未有豉油雞，等董事長整嗰時再影過。

鳴謝啟示：多謝喺樟木頭嗰三個亞姑( 媽 / 姐 )，佢地帶定好多輸(書)黎呀~~

都係有心進貢o架 la，感激不盡 !!!

Hilda Mama： 你做乜跟咗我姓呀!  你又話係"黎"小姐o既，  而家變咗"吳黎"小姐la !

唔....係咪好想食呢 ???    唔使驚...實預埋你果份既~~

已經叫咗人送外賣俾你架la !   

不過送外賣果個人唔知會唔會偷食呢? 就唔知la !

MM： 幅相果碗係你既，你慢慢享用la !

我已經遵照你吩咐， 俾董事長睇咗你旅行d相la !

今次佢好乖，本來已經嗌住要走架la !

我話你個孫叫你睇佢d旅行相呀~~

佢就乖乖地坐埋黎睇呀! 幾俾面你呀! 你好夠飛屎呀~~

由於今日世界杯盃暫停，所以本所長有時間update 吓個blog 啦 !

見到姑姐講起佢以前d貓貓狗狗，令我不期然又想起我以前細個d傷心往事~~ 

             喺我小學嗰時，我屋企有一隻貓又係好以姑姐嗰隻"老公"咁，不過佢無名既，我淨係叫佢做"miu miu"，每晚我一訓覺，佢都捐入我個被dou 入面同我訓，過咗都唔知幾多年之後， 突然之間有一晚佢無捐到入黎同我訓， 於是我就四周圍揾佢，點知我亞媽話佢病咗，爬唔到上閣仔，因為我係訓閣仔既，我當時見到佢病到連叫"miu miu" 聲都無力， 好可憐咁既樣， 但係我當細個，對於"生老病死"既事好無知，以為佢好以我地發燒咁，過一兩日就會好番，點知有一日我放學返黎揾佢唔到，問亞媽，佢話"miu miu 死咗，已經dum 咗，我當時成個人都呆咗，即刻喊咗出黎，唔識得收聲，我都唔知喊咗幾耐，因為我訓咗喺張床度不停咁喊，喊到訓咗覺，如是者每次訓覺嗰時都喊，喊咗幾個禮拜，喺嗰時我開始認識到"死別"既痛苦。

             過咗無耐，有人送咗一隻西施狗"Susie"俾我地，雖然我地屋企已經養咗幾隻唐狗看門口，但係我對"Susie"一見鍾情，日日放完學都同佢玩一輪先至做功課，而佢亦對我好好，每次返到屋企，佢都圍住我對腳轉黎轉去，我又會帶佢出田基度同佢一齊跑黎跑去。

              如是者又過咗幾年，有一次又係同上次一樣放咗學之後，返到屋企發覺"Susie"無出黎圍住我轉o既，當時我就覺得有唔妥，我就大聲嗌"Susie Susie" ，點知又係我亞媽出黎同我講 ，話"Susie" 食咗出面人地種田d人放既毒藥，佢已經灌佢飲咗生油，睇吓佢可唔可以嘔哂d 毒出黎，我見到"Susie"好可憐，扒係地下度，淨係識得嗚嗚咁細聲叫，佢對眼好似流緊眼淚咁望住我。我又攬住佢喊la! 不過呢次我知道"死別"既痛苦又將會降臨la! 不過今次我叫亞媽，如果"Susie" 喺我返學既時候死既話, 唔好Dum 咗佢，等我番黎。

        結果"Susie" 都係响我返學既時候走咗，我放學返黎見到佢已經凍哂，於是我將佢抱起，走出田基，我親手用鋤頭掘咗一個窿，喊住將佢埋葬咗。

        雖然之後我屋企都有養貓貓狗狗，但係我無都對任何一隻特別寵愛， 我唔係唔鍾意，我係怕嗰種"死別"既感覺，你感情越深，嗰種感覺就越強烈越傷心，再加上前兩年發生嗰種"死別" 既感覺，真係非常難受，令人傷心欲絕。

         所以直到現在， 雖然我而家住嗰度係可以養狗，但係我都唔會養，我就係怕咗嗰種感覺。隨著年紀越長，越黎越見得多長輩、朋友離我而去，雖然知道呢個係大自然必然既定律， 但係難免不捨。