各位親愛的粉絲們，真係唔好意思，好耐無update到個blog。
原因就係世界盃開鑼la! 本所長都係擁Tang之一，晚上睇完7:30pm，又要睇10:00pm。
如果遇著2:30am係自已喜愛既球隊，就更加要捧場啦!
由於我地無有線，要上網睇，所以個電腦就無時間俾我update個blog la!
d留言都係我有士啤時間寫幾句咋...
今日我心情大好，原因就係今日放假加上今早巴西又贏咗，不枉我半夜起身支持。
趁住今日放假，呢個時間又無波睇，就update吓個blog啦：
由於今日訓得晏，所以以下的兩隻糉就係我地既早/午餐la!
圖中上面嗰隻就係姑姐口中大老板送既超級大糉；下面嗰隻係大姑媽送既美心一品糉。 睇個樣好似無乜分別~~
打開睇吓： 上面嗰隻淨係得少少紅豆，少少蛋黃，仲有少少白色既肥膏，
其餘全部都係糯米，淡而無味。
下面嗰隻就好d，有成隻蛋黃，有冬菇有綠豆，有豬肉，重有d花生，
d糯米係有味既~~
0拿! 呢d就係食到最後既結果la：
|
