今日係星期六, 亞邊個邊個都唔使返工, 佢話有d野要出新蒲崗搞, 叫埋我去,
由於我地個物理治療師要返國內飲喜酒,
所以下午 , 都唔知做乜好.....
e ! e! 去新蒲崗 !!!! 忽然靈光一閃,  亞邊個邊個咪有個兄弟住0係果頭附近o既!!!
即刻打個電話俾佢地先, 睇吓佢地得唔得閒帶團去布袋澳食吓海鮮先...... 
哈哈! 佢地果然在 , 又答應做我地既响導tim.....
我地响新蒲崗搞完嘢, 就即刻過去車埋佢地, 向布袋澳出發.......
弊la ! 架車行行吓有d問題.. 窒吓窒吓咁... 連清水灣都未去到喎....點算呀 
响呢個時候出問題!!!! 唔係呀 wa ..... 我唔可以放棄嗰wor....
好彩架車窒吓窒吓都去到一個免費停車場.... 真係一額
我地連埋團友甲、乙、丁5個人立即落車揾的士搭......
終於到逹目的地la.....
我都係第一次黎嫁咋.....風景唔錯掛:
   
唔 ! 第一味黎la : 炒蟶子 
第二味: 椒鹽賴尿蝦 
第三味: 薑蔥炒蟹 
三樣擺埋一齊: 
嘩嘩! 隻蟹鉗幾大隻 !!!! 
仲大隻過亞丁個電話呀!!! 
嘻嘻 ! 5隻鮑魚, 5隻扇貝, 數到啱啱好, 一人一隻, 唔使爭..... 
再加一碟炒飯同一碟菜, 仲有半隻雞tim, 不過碟菜同雞都太普通,
所以唔show出黎la !
埋單都唔算貴, 不過嗰度交通唔係好方便, 如果無車都幾麻煩!!!
不過嗰度有架專線小巴去到將軍澳(好似去到新都城), 半個鐘一班, 如果有興趣而又無車既話,
都可以搭地鐵去到果度轉車....
我地都係搭果架小巴出番去攞車, 而團友甲、乙、同亞丁就直接搭到去將軍澳轉地鐵番屋企....
驚咗亞邊個邊個架車.....
哈哈: 甲、乙、丁, 話你地知丫... 亞邊個邊個架車經過一輪休息之後,
果然精神哂, 都唔知幾快去到旺角呀.... 
原來送你地返屋企都No Problem.....搞到你地要轉車tim, 真係really 
不過, 過咗旺角之後就.......差d死咗火响西九龍快速公路, 又要駛埋一邊休息吓.... 
跟住又行得番lu wor.... 不過要慢慢駛... 過咗美孚之後都唔敢再行快速公路,
祇係行青山公路, 因為有d紅綠燈停吓, 俾佢架車休息吓, 咁就 No Problem la....嘻嘻! 
唔 ! 我地兩個都好耐無咁樣遊車河好耐la ! 
經過深井, 又話好想食燒鵝...
去到青山灣都成4點lor wor , 不如去食Mos Burger 丫, 
見亞邊個邊個無反對,就即刻call 埋二姑媽出黎, 點知二姑媽話今日食咗la !
我叫佢出黎再食多次law...當食下午茶....結果佢都話唔出黎...
仲請都唔到, 咁唔俾面~~ 唯有我地兩個自己食啦....
亞邊個邊個就食咗呢個燒牛肉rice burger....佢話都幾好味... 
不過我就唔鍾意果2嚿飯...
原來呢度都有奶茶飲架, 不過佢 話 not his cup of tea....
但係佢都乖乖地無出聲飲埋佢....
我就試咗呢個辣雞堡, 不過d雞唔辣, 麻麻地~~
嗰兩塊包好奇怪, 一塊大, 一塊細.... 
哈哈! 我今日終於cho齊5個印花, 換到呢個杯la! 
我對於今日既節目評語就係: 塞翁失馬 !
|
咗，呢個係意料之內........
竟然有人買番轉頭請我食....
