| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2010 年 8 月 21 日 星期六  |
Japan Tour Day 8 回程日  |
分類: 未分類 |
今日要check out la, 所以唔可以訓咁晏。
我8點幾就已經起咗身, 搞惦哂就叫亞邊個邊個起身。
跟住就食埋個自備早餐, 大約10點左右就check out ~~
由於我地book咗酒店既機場巴士, 所以d行李就放咗喺Bell Captain嗰度...
然後就出咗街作最後大血拼, 由西口行到去東口, 算係有少少收獲咁啦....
 仲俾我見到木村 tim wor~~~ 你地見唔見到呀 ???
跟住又再由東口行返去西口... 一直行到12點幾, 之後去食午餐。
返到酒店1點幾, 見到家姐已經黎咗, 姨甥重一家大細黎埋送行添,
哎吔! d細路咁細, 點好意思呢....
跟住我地就搭機場巴士去機場.... 真係唔捨得走...唔捨得d野食...唔捨得好多嘢....
 明明d野已經pack 哂落筴重寄埋艙架啦....
都唔知點解响機場行行吓會多咗一大袋o既..... 真係令人費解 
返到香港, 打電話俾我地原先約咗既的士司機, 點知佢話之前3次有客班機delay咗, 佢接唔到,
所以被罰停賽一星期, 所以接唔到我地, 又幫我地揾咗d 同行黎接我地....
真係咁啱得咁轎, 架車個車牌又係 168 .... 唔通真係整定我地會 "一路發" ???
哼哼!!! 同我地打牌既人...你地真係要小心~~ 哈哈哈哈 !!!!!!!!!!!!!
|
Japan Tour Day 7  |
分類: 未分類 |
尋日過東口揾食, 本來係想揾呢間食蟹既地方： 蟹道樂
明明話响歌舞技町附近嫁嘛, 又話認住隻大蟹就揾到0架啦,
點知硬係就揾唔到, 攪到亞邊個邊個一路行就一路0係度抱怨,
話我唔揾清楚地點就話黎, 攪到佢行黎行去, 結果就求其揾間野塞住佢把口先啦!
我越諗越唔忿氣, 我帶哂書同地圖去0架嘛, 點知都無提到,
所以尋晚返酒店就即刻上網揾地圖~~~
原來就係响伊勢丹後面, 我地就一味响前面揾隻大蟹~~
重要佢隻大蟹原來响8樓咁高.... 
等我重以為隻蟹响門口添~~ 唔怪之得揾極都揾唔到.... >o<
 連筷子座都係蟹.....
我 order 咗兩個會席(即係兩個set)....
 先黎一碟熟既凍蟹腳 + 一碟生既蟹腳同蟹身刺身~~
唔.....熟既好鮮味, 生既就好鮮甜....
 重有一碗蟹肉絲燉蛋.....好好味呀~~~
 再黎就係炭燒鱈場蟹腳, 重有人服侍埋添...
真係成個大爺咁款, 坐係度等食... 哈哈!
 哎吔 ! 亞邊邊個放埋佢嗰嚿蟹肉刺身落去燒呀...side哂d嘢 >.<
 就黎食得la !!!!!!!!
 唔.......O-i-shi 呢 ........
 跟住就燒蟹膏~~
 蟹腳天婦羅~~
 你睇吓佢食得幾滋味.....
 再黎一個蟹火鍋~~~
 點解會有炭火燒同火鍋兩樣0既 ???
就係我地叫咗兩個set, 一個炭火燒而另外一個係火鍋, 因為我想試吓邊樣好味d .....
而我就認為火鍋d蟹鮮味d~~ 而且d湯煮完蟹之後特別鮮甜, 好好飲~~ 
 嘩!!! 火鍋裏面d豆腐好滑呀.... 我响日本都唔係第一次食豆腐架啦,
點解今次d咁滑0既, 簡直係好似食緊豆腐花咁.....
 再黎蟹肉壽司...
食完哂上面所有嘢之後, 嗰位待應响我地面前將d飯倒落火鍋d湯度煮,
煮到咁上吓, 佢就打隻蛋落個碗度, 然後攪雲佢, 再倒落d飯度, 變咗蛋花湯飯~~
 呢碗就係蛋花蟹肉湯飯la !
本來係有好多葱加落去既, 但我唔係咁鍾意食葱, 所以我叫佢唔好落... 味道 i-chi 棒 ~~~
 呢兩嚿雪榚就係飯後甜品, 咁即係話我地個餐, 已經完畢la ~~~
 連雪榚都要用蟹形既墊黎墊住...真係有心思~~
 呢餐食咗兩個鐘頭既大爺式款待, 盛惠1萬3千多円~~
總括黎講, 同上次我地响北海道間蟹將軍相比, 我覺得呢間既招呼同食物質數係好好多既.....
 食飽飽落到樓下, 發現到對面原來對面係一個神社...
 咁就順便入去參觀吓啦....
 見到佢個貓樣咁靚, 少不免要入去參觀吓la !
跟住就去咗銀座博品館度行吓....
 嘩 ! 呢度好多龜呀......
 你睇吓亞邊個邊個幾咁大細路....
 捉住d龜係咁玩~~~
 
 由於銀座係一個有好多名牌集中既地方,
而且價錢亦比香港貴, 如果唔係有人叫我幫佢買d野食, 我通常都好少過黎呢邊。
 原來呢度都有間蟹道樂, 而且隻大蟹招牌重响正大門口咁易揾,
真係激鬼死~~ >0<
最後, 我地都係返到新宿度食我地既晚餐, 因為今晚係我地最後一晚住呢間酒店,
所以就早d返去執定行李。
 差d唔記得講, 我地又買咗一抽巨峰呀 !!!
不過呢抽無尋日嗰抽咁貴, 祇係要1,050円啫, 都幾好味, 但係食完個口好鞋,
而尋日嗰抽就無呢種感覺。 如果要求唔高, 都不失為一個好選擇~~~
而最後兩篇日誌, 都係我返到香港先有時間打~~ 並唔係我失咗踪.... |
| 2010 年 8 月 19 日 星期四 |
| Japan Tour Day 6 |
分類: 未分類 |
其實有時都唔知點解d人可以訓得咁多0既, 亞邊個邊個又訓到
11點幾, 今日又慳到番早餐錢..... 成12點先出門口~~~
 係路上面經常見到呢d標誌... 真係幾好架, 唔使好似香港咁, d人一路行一路食煙, 我地d跟住佢既人就一路食緊佢地d二手煙....
 唔係講笑0架, 真係有人捉0架.... 你地睇吓....呢度嗰兩個人就係捉人响街度食煙0架la....我地啱啱先睇到佢地捉到一個人食煙, 不過我唔知佢地罰咩嘢??? 都唔知佢地講乜~~
黎咗咁多日, 今日終於過咗黎東口... 呢度就係出名既歌舞技町.... 我地過黎做乜呢??? 無錯la! 就係揾食la !
 
就係食咗日式既西餐 la !!!
 杯奶茶亞邊個個話好淡茶味..
 日本d西瓜真係古靈精怪....連心形都整到出黎~~
跟住就過咗東京車站度行吓... 睇吓有無收獲 !!! 結果都買唔到d乜野.... 跟住就去咗上野手信街買手信la!!!!
 睇吓車站出口個名...叫做不忍口喎, 其實我話佢應該叫做不 忍手至啱....見到咁多野買, 點會忍得到手先得0架.....
 呢條就係上野最出名既手信街"亞美橫丁" la .....
 都幾多人黎買野.....
 同埋買野食架~~
 你地睇吓佢食小籠飽食得幾滋味~~~
買完野抽住一袋二袋, 返到新宿都7點... 亞邊個邊個話好攰, 於是响小田急超市買d野返酒店食 , 唔出黎食喎... 所以佢就揀咗以下兩樣野la !
 而呢個蟹肉便當係我揀既~~
 重有呢個芝士蛋榚...係我獨自擁有, 因為亞邊個邊個係唔鍾意食芝士既.....
所以買咗個細細盒返黎自己嘆~~~
 非常鬆軟可口.... 又買咗一抽巨峰提子... 唔平架, 要成2,625円架... 得嗰一細抽~~ 不過真係好味過任摘果 d ....
 重買咗2個白桃, 叫做川中島白鳳喎, 長野縣出產...1,050円, 不過重未食, 食完先話俾你地知好唔好食....
|
| Japan Tour Day 5 |
分類: 未分類 |
旅行既日子真係過得好快, 咁又話第5日la !!!!
真係唔想咁快返香港~~
今日亞邊個邊個真係訓到好晏, 成12點幾先肯起身~~~
而我就8點幾已經起咗身, 梳洗完差唔多9點, 見佢未起身, 我就打埋前一日既日誌啦,
如果唔係就好容易唔記得架la ! 因為前一晚好夜先返, 亞邊個邊個又同我爭電腦上網
睇香港新聞....唉 !! 敎識佢都唔係幾好, 又多一個人爭~~
結果load 完相都已經好早.... 成3點幾~~ 唯有訓覺先啦, 所以今朝繼續打埋佢...
 今日好慳呀!!!無使到早餐錢 ... 哈哈哈 !!!
午餐又0係尋晚果度食牛舌, 原來午餐係平過晚餐好多過喎....
亞邊個邊個就叫咗個好似牛腩咁既鍋.... 味道都OK啦....
跟住就過咗東南口既高島屋幫人買嘢....
 不過响呢度都買到少少嘢0既~~~
 又將亞Paul食咗落肚.... 咁就唔算空手而回啦~~
 我地好叻呀!! 竟然由原宿行到去渉谷呀....
果時已經6點幾.. 嘩 ! 你睇吓車站果度幾多人...簡直係人山人海 ....
 你地有無聽過秋田犬"八千公"呀?? 佢就係la !!
聽講佢日日响個車站度等佢個主人返黎, 等到死咗~~~ 因為佢個主人都係死咗, 返唔到黎~~
 車站門口放咗個火車頭响度展覽....
 靚女就梗係要影架啦~~
 跟住我地就搭山手線去池袋駅東口...
行咗一陣 Sunshine 60通~~~
 行到8點幾,. 今次終於可以食到我响往咗好耐既....無敵家拉麵 la~~
今次真係要多謝亞邊個邊個唔响Sunshine 60通果度要入去果間中華料理咋...真係抺一額 汗~~~
 你地睇吓....真係好多人排隊0架~~
 响網上DL咗2張coupon 落黎, 可以每人送一隻蛋....
 
嘩 ! 叉燒拉麵d叉燒好好味呀, 又焾, 都算係我去過咁多次日本食叉燒拉麵之中,
最好食既一次, 連北海道果d都無得比呀.....
買完嘢就去咗原宿... 都係幫人揾嘢, 順便自己又睇吓有無嘢啱~~
結果要揾D嘢既顏色樣樣都係.Sold Out..... 又或者d款太舊, 唔再出~~
無計啦, 佢地又唔鍾意第二隻色.... 幫佢地唔到...really sorry !!! |
Japan Tour Day 4  |
分類: 未分類 |
相信今日係呢個行程之中, 亞邊個邊個最早起身的一次。
因為我地今日參加咗一個Local Tour去山梨縣度玩.....
有d咩玩 ??? 睇落去你就知：
集合既地點响新宿西口附近, 好彩就响我地間酒店後面啫, 如果唔係就要更加早起身....
集合既時間係07:40 , 即係香港時間06:40~~ 不過我地已經响07:25已經到咗集合地點，
兼買埋早餐等上車之後先食...... 因為要坐成差不3個鐘先到第一個景點~~
我諗全團都有40幾人, 不過我無數過.... 但係香港人就連埋我地有8個....
佢地揾咗個識講普通話既職員黎同我地幾個香港人溝通.....佢講咗佢個名個中文譯音俾我聽,
不過我聽極都聽唔到係乜名, 唯有問佢個日文名la...原來佢叫做Hada San...
佢d普通話真係比普通嗰d普通話更加普通....我識聽6成, 佢識講6成,
加埋就溝通到3成6左右la.... 你話死唔死!!!!! 不過都好過無咁啦~~
 呢度就係第一個景點：化粧室是也。 幾大都落黎化番個靚粧先....
D日本人真係諗得幾周到, 天氣咁熱, 佢地就响屋上面噴d水蒸氣落黎俾人消暑...
 跟住就到咗我地第一個目的地之一：明野
 明野有d咩睇 ???? 就係睇向日葵花田la~~~`
 
靚唔靚呢 ????
 
 兩隻小蜜蜂呀...飛入花叢中呀....
 大合照~~
 跟住再坐個零鐘頭車去清裡食我地既天然食品自助午餐... 初時我重以為食齋添..... 好彩唔係, 都有肉既, 不過d蔬菜真係幾新鮮....
又有叉燒炒飯.... 亞邊個邊個都好滿意~~~
 原來呢度係俾帶寵物黎食野既, 不過要坐室外.....
由於呢度屬於高原地方, 唔俾太陽曬到既話, d風吹埋黎好清涼....好舒服....
呢隻狗唔知係乜野品種呢 ???
食完午餐之後, 就去咗一d乜野紅酒廠呀、珠寶廠呀之類既地方參觀...
之後大約4點零鐘, 就到我地今日既戲肉la !!!!!!!!
 嘩! 好多巨峰呀... 呢度係叫做勝沼既地方~~
 好大粒呀.... 
 顧住食, 唔得閒影食相呀....你地自己想像吓la .....
不過嗰兩抽我地都食唔哂, 實在太大抽la ! 貪心得滯.....
食唔哂唔可以帶走, 可以俾番佢... 有d人就買走, 不過我地無買....
老實講丫....呢d都唔算好好味...雖然平d, 但都係上次我地有4個傻人响小田急超市度等人閂門前減價, 等極都唔減嗰d好味...嗰d真係好味好多, 香好多架... 成2千1百円一小抽... 到而家都重好回味~~~
另外嗰2個傻人, 唔好恨呀... 我地無食錯架, 真係一分錢, 一分貨架~~~
 食完提子, 跟住就食桃la ....
 不過d桃就麻麻地.., 都唔係自己摘0既...
又俾d唔係咁靚既出黎俾人食..... too bad~~~
食飽飽之後, 就打度回新宿, , 原本預計7點返到去, 點知塞車, 返到去都8點幾,
食完飯成10點幾11點先返到酒店。
 至於晚餐...今次我地食咗燒物, 有牛舌, 牛肉同雞肉...
都係離唔開牛....同牛有仇???? 哈哈哈! 不過呢d好味好多..... (比起吉野家同松屋)
|
« | 9 | 10 | 11 | 12 | 13 | 14 | 15 | 16 | 17 | 18 | »
|
