本來上星期已經約好一班擦友响今個星期到呢間响長沙灣福榮街既飯店試吓新嘢....
點知星期日晚响樟木頭返黎, 一踏入門口, 就收到擦友陳來電, 叫我開電視睇無線,
原來曾志偉正在介紹緊呢間飯店既餸菜.....
佢話佢會即刻打電話訂位, 如果唔係, 節目出完街, 呢間嘢實會好旺, 好多人....
所以就促成咗我地今晚既飯局la ! 
呢味係"炭燒奶豬", 要訂先有得供應... 我覺得都係一般啫, 食落無乜特別~~
呢味係"鐵板黑椒豬手" 個汁味道唔錯, 不過唔係好入味...
炸大腸: 都係一般貨式...
南乳吊燒鱔：呢個極好, 連我不嬲都唔食鱔既都俾佢吸引到...
個皮好脆, d肉好爽, 一d都唔似食緊魚咁..... 好好味~~
清蒸花甲： 點一個酸甜汁, 幾特別... 不過d花甲稍嚴有d un....
蒜蓉蒸勝瓜：好香蒜蓉味, 勝瓜又甜.... " Pass " 合格
菜心炒牛肉： 非常普通....
呢條友仔個食相真係好核突 = =" 食到連骨頭都 lam 埋....
呢個煎韮菜餃：完全唔惦...
鹽焗烏頭：估唔到一個看似簡單既做法, 原來食落一d都唔簡單...
食係好好味, 連我不嬲都唔食烏頭既, 都不停咁夾黎食....
嘩嘩! 唔係呀 wa ! 我話好食啫, 都唔使咁快變成咁ga ! = =""
琵琶豆腐： 一般
蜆芥鯪魚球：都係一般
冰鎮鮮鮑魚：非常鮮味, 不過稍為冰得唔夠, 所以唔夠彈牙....
一人一隻, 唔使爭.... 一睇就知我地幾多個人去啦... 哈哈! " 9 男女"
本來仲想叫曾志偉推介既冰鎮竹節蝦, 不過事頭婆話菲律賓打風, d貨運唔到黎,
所以無得食~~
呢餐總括黎講, 期待既嘢, 就有d失望。
但係d無期待到既嘢, 竟然就有超水準既佳作.....
|
