依舊去飲茶^_^

姑媽姑丈佢地好熱烈咁討論去邊玩好,

最後佢地去左廣州,

我地去浸溫泉^0^

又係勁多人,坐到我patpat痛,

因為屋企離龍門有d遠,

自己揸車都坐左2個鐘!!@@

去到人頭湧湧,

大陸更衣室真係好精彩!@0@

(雖然我已經去過幾次...但係依然仲係咁覺得...)

依舊浸左幾個例牌池,

真係太多人,頂唔順,

之後就走左啦,

去左好有風味既酒樓(?)食飯,

好多人都係岩岩浸完溫泉,

點知佢地冇人理,冇得食...

好彩我地早去到姐....如果唔係冇得食既一定係我地!

好味道!!!!!!

返屋企又坐2個鐘,

攰到唔識郁,

好快手沖完涼就訓lu,

又一天^_^

朝早都依然係俾d炮仗聲嘈醒...

琴晚又訓得唔係咁好喎,

搞到成個人好攰>~<

飲完茶返左屋企hea左陣就去左姐姐婆婆到拜年,

阿詩又係咁拉住我跑,

又左行右行咁,有d攰...

阿睛真係好得意,

雖然係驚人,不過要好耐心咁同佢玩,

俾佢拒絕10幾次左右啦,

佢就會肯同你玩嫁啦^_^

玩左都幾耐下就叫左傑仔哥哥車我地去百佳買BBQ既野,

每年初二例牌節目就係BBQ同燒煙花!

咁今年當然都唔會例外啦!

買完野就返去幫手整野lu,

我又串韮菜啦,

哈哈,我係專業人士XD

加埋舅母燒,就絕對可以出去問鋪頭啦,哈哈!!!:P

燒到咁上下就去放孔明燈,

一人一個,寫左好多願望,

我好衷心希望全部願望都可以實現到!!

同傑仔哥哥約好左我地要一齊入poly讀酒店系!

我一定要做到!!!!!!!>v<

望住寫有自己願望既孔門燈放左上天,

果種感覺好神奇^v^

我下次又要放呀!!!!因為我仲有好多願望XP

之後燒煙花lu,

我地好po,成箱煙花慢慢燒!!

好靚,睇到好開心^_^

今日全日都玩得好開心,

我仲記得傑仔哥哥教左我一個好簡單既魔術!

真係笑左!~~~

有個好難忘既年初二:D

好可愛既阿睛(k)

左起:細佬,阿哥,姐姐(堂姐),我^0^

阿詩同我^_^

姐姐,阿詩,我...有冇笑得咁開心先,哈哈!!

我既孔明燈^_^

一個接一個:):):)

左起:傑仔哥哥,細佬,哥哥,阿哥,姐姐,阿詩,我^_^

^_^

新年快樂!!!!!身體健康!!!!!^0^

琴晚燒完炮仗玩左陣之後就訓左啦,

一訓落床,我同姐姐就即刻訓著左啦,哈哈:)

一早就俾d炮仗聲嘈醒,

勁大聲囉!!一響就嚇醒左@@

此起彼落咁...想訓返都好有難度!>~<

9點幾去左飲茶,好多人呀!!

飲完就歸家去lu!!~

見有d無聊咁咪同姐姐上樓做功課囉,哈!!!

我地兩個好勤力,初一都係到做功課去玩XDDD

哎呀!!!我d功課幾時先可以清得晒呢?!

5點幾6點未夠就開飯啦,

早食飯都幾好呀,

睇下電視大家又傾下計咁,

仲打左陣波,好有滿足感!XDDDD

打完波就同阿哥,姐姐踩住架單車周圍逛!

好好玩,都好少踩單車,加上好耐都無係屋企附近行下...

夜晚沖完涼突然好乖咁用手洗晒我地d衫,

踎到勁攰囉!

仲有d頭暈@@

手臂好痛,因為好難擰乾>_<

11點幾就訓左lu,勁難得!!!!

舞獅來我家^_^

我和我最愛的爸爸!^0^

左起:哥哥(堂哥),細佬,阿哥!