8:30就起左身,為既居然係7仔特別版公仔...

之後就去左飲茶,

公公身體突然之間差左,

第一次見公公面色咁難睇,

成身都陣晒...真係好仞人擔心....

飲完茶公公好似好返左少少,

媽咪就同公公去睇醫生,

我地就返屋企執野返大陸啦,

知道公公情況之後就返左去啦,

今年...好冷清,

少左姐姐,因為嫁左出去啦ma...

以前每一年返到去就個個幫手整野嫁,

今年唔洗lu...因為已經整好晒...

5:45食飯,好早好早"

食完飯沖完涼,睇電視!

差唔多12點準備燒炮仗!

每家每戶都係差唔多時候燒,

真係好大聲,好熱鬧!

燒完就同屋企人拜年,新一年啦,

希望大家都健康!開心!平安!^_^

I love my family, I hope everyone can be happy ^0^

LOVE YOU ALL!!

2011年第一篇qooza:)

6:15am起身,7:00到天瑞食個早餐,

真係辛苦晒阿win等我地咁耐...

m記d咖啡真係苦到...:s:s:s

同maggie食唔切,拎個包上車食,點知登到想反胃>~<

期待左好耐,我地係poly學生!!XDDD

去到真係好凍,d風真係好勁...

要等好耐,同個學生大使阿tim傾計,笑死左B-)

其實有d失望,因為去唔到自己想去既學系到睇....

同yan.maggie分開唔同組,好彩同阿win一組!唔洗自己一個;p

第一站:土地測量及地理資訊學系(LSGI)

真係太犀利!!! d儀器勁到唔識形容!!

聽落又會覺得呢科幾得意,

但係絕對唔岩我XD

印象最深刻既係部laser scanner,

掃立體既野,佢會用一點一點係電腦show返出黎,

係3D圖!!成個人企係到scan都無問題!只要唔係望住部機!

真係好勁!!之後去睇電腦野,

好中意個地球張相XDD

測量唔知咩我真係笑到暈,

佢地講解得勁好笑,

重點係只有天恩一個唔夠高睇XD

其實唔係想笑佢嫁,係佢要人地整低d比佢睇:D

第二站:poly環校遊!

d時間係非常緊逼,佢地係咁要叫我地行快d,

我同阿win永遠都係行最前,哈哈!!

真係幾大,(雖然我覺得中大同科大係大d...)

去左好多地方睇(其實係門口XD)

佢地全部都好搞笑,哈哈!!

睇完真係好想自己係大學生!太多福利!

第三站:大草坪睇開幕禮

因為佢派左一個環保袋俾我地,

入面有:大水一枝,file一個,通告3張,有d零食

真係拎左半日係勁重,我自己仲有水拎...更重...

睇魔術真係令人好無言....

校長比我想像中年輕,

企左都好一陣,仲要幾百個中學生影大合照...

差唔多2:00終於去食飯,

真係勁餓...我好想去新can><

其實大學canteen冇咩特別,哈哈

成班排隊拎飯,都幾壯觀!

食飽飽繼續行!!

第四站:建築及房地產學系

首先去lab,真係估唔到個lab係咁...

好勁...睇左好多實驗,

向工字鐵加壓,要睇下佢可以承受幾多力,

超聲波,測下超聲波係水中傳送既速度,真係好快@@

用雷達,測石屎牆入面邊到有鐵,

用紅外線,測d牆有冇空心,空心既地方係會熱d...

個教授係咁講爛gag,笑左!

之後聽下簡介,似乎呢科前途都唔錯!

再玩遊戲!!

用50張紙整座建築物出黎,

睇下可以承受都幾重,

其實我地都唔錯嫁啦XDD

係有頭腦嫁!

最後一站:體育館

我地去打波XDD

講真嫁!!打籃球&羽毛球!

好玩,不過愈投入就愈熱,哈

做大學生真係好好!!

之後就走lu,

今日過得好充實!完全體驗到做大學生既滋味!

我發誓一定會讀好書,一定要入大學!!!

回程個個都訓晒,

真係好攰,又拎住重野...

期待我可以成為佢地既一份子XD(發緊夢)

好攰,訓先啦,bye~

p.s大學既7-11真係好正,名符其實開7:00收11:00 XDD

真係好靚嫁!

雷達

大學既第一餐XD

好大既體育館(好多層..)

 

8:45出現係安定輕鐵站,真係好早...

其實我仲係好眼訓>~<

先同miss去買野飲,miss真係...無言...

再去育智中心做義工^_^

聽個社工講解都聽左一個鐘有多,

聽完佢講先發覺身邊有個係弱智,有個係自閉XDDD

我地成10幾個去同8個4-6歲有自閉既小朋友玩,

其實佢地睇落都好正常,只係行為上有d問題,

好難湊佢地,好難同佢地傾計,

因為佢地唔會聽你講野,

有個肥仔東東開頭就同我&maggie坐,

佢係坐唔定,又好鐘意靠落人地到,

佢真係好重,成個壓住我,真係好辛苦,

教佢話咁係唔岩,佢又唔會聽你講,

仲伸隻手捏我條頸,係用力果隻!

真係痛,好彩後尾陳子聰同佢fd左,

慈父湊仔XDD

有個妹妹又唔講野,好靜,

同其他小朋友好大分別,

你同佢講野,問佢野,佢都只係用放空既眼神望住你,

又唔會出聲,跟住就會唔望你...

佢只會係好開心既時候拍手,笑,跳起,

其他真係好活潑...

佢地係得意嫁,只要比耐性同佢玩就得,

同我想像中有好大分別...

miss走既時候話佢冇耐性做呢d野 -_-"

完左義工去食飯,

見到三眼仔呀!!*0*

忍唔住要同佢地合照,哈哈XDD

再行左陣,又買乳酪食,太好味!:D

之後返去北江行,

阿yan就夠鐘學琴,

我同maggie係m記坐左陣就自己返屋企,

頂唔順,訓左陣,

點知起身既時候係5:15,我5:35要到琴行,

又即刻勁趕咁衝去琴行,

點知去到kathy同我講完晒演奏課!!!!!!!!!!!!!!!!!!

即刻呆左,我明明手冊係寫5:35開始...

我足足遲左一個鐘先去到....

原來係我寫錯左時間,

要對住gary sir,kathy佢地彈,

好彩大家熟姐,如果唔係我一定緊張死左....

好順利咁完成左....

明天要去長沙灣補琴課,

真遙遠...自己一個去係有d lonely嫁啦,

不過無謂拉埋佢地陪我啦,

咁遠,佢地又會無聊喎,

我係有良心嫁ma ^0^

頭痛左成日都係冇好轉,

千祈唔好感冒!!我唔想再病啦!!!

p.s我好鐘意呢張相,

今朝起身一望出去就覺得好靚,

特別係d光線^v^