尋晚唔係好訓得著，所以很夜訓
踢完波成日都係咁
我可能唔適合踢比賽
打FiFa算

發了個夢老細又要pitch job
但和平狗們(!?)每人要俾個layout老細
個個都好灰諗唔到
我就心情麻麻去扭扭蛋，中左中意的款！很開心的
找天畫它出來！
現實好似唔覺有

起床又唔覺得四肢好攰
痛的地方繼續痛（好煩（唔知點搞
而仍是諗起比賽的畫面
點樣可以好D，一直在諗
（其實今天一直都在諗（無限上槓

主日查經
每次都想聽個總結
睇得出領者的睇法
也從他的內容去思考是否解得通

被擄的人生
能否發現耶穌的同在
有時思想都會把自己擄走了

下晝領導動力小組

飯後打了陣機
還清潔了屋企（尋晚無時間

P.S.黑面的爛仔

因為夜晚要比賽，唔落街踢波了
逼自己訓晏d、唔玩手機、唔打機
希望自己精神好一點
唔食辛辣麵，費事夜晚絞肚痛
想個人正常點去比賽

小組心靈refreshment
由早上已心情緊張
因為晚上要比賽
（太耐冇踢（擔心很多野（怕連累隊友（怕會猝死
我是做不了用開心的態度踢波
或者認真地踢才是我的開心
如果球品和球技一定要2選1我會揀球品
最後兩樣都有球技有一點都不錯架喇

穿上10號球衣
今晚的比賽我唔知自己踢乜
比賽前對自己有少少期望，好像隊友也對我有點期望
結果我覺得自己就係拖累了大家
這是我加入球隊最大的考慮
現在心情差得想喊

插曲：對手有位港隊的親戚
入了個罰球在我們後備席面前做些挑囂手勢
咩料啊！！！！！！！！！！！！！
無我地kick中你你有罰球射咩！！！！！！！！！！
無罰球你都入唔到波啦！！！！！！！！！！
入到我地波好巴閉咩！！！！！！！！！
完場就懶係野拉個小朋友出黎同我地握手！！！！！！！
無用的，她的壞印象已在我們心中！！！！！！！

我對人要求真係好高
我寧願同無咁叻無咁勁甚至會輸的做隊友
都唔想同這種人做隊友

P.S.外在係需要，但內涵比較重要

被撞跌了幾野扭親少少手
又少少抽筋

我一定要練下腳肌力

尋晚發夢見到5導師和牛丸要回內地短宣
仲要係嚴峻的環境
個夢咩事

由於今天請半天假
又係要摩打手做野
竟然
老細記得我要請假！！！
好少可啊！！！感動的
但係就係咁叫我改野…改到痴筋
亦有種灰心的感覺
好煩啊，點改

同家姐lunch

下晝開cell
人多人少都係咁
老師成日覺得不好意思
只剩一個同學都無問題
甚至只剩下老師把內容變成關心的聊天，有咩問題

突然收到通知球隊已完成註冊…
即係我可以正式比賽了？！
我突然好緊張…
好驚成為隊友的負累

晚上上堂
因為攰…盡能力記下和寫下筆記

P.S. Cell@6D

最近有種感覺：有那麼一兩個人，不捨得佢談戀愛

時間過得好快，不知不覺到了11月

5年前的今天，係老豆過身的日子
無聊睇返果日既日記，我有點眼濕濕
如果老豆仍在，住在現在這個裝修後的屋企會怎樣？
我諗我會經常鬧爆佢
11月好特別，除了是我中意的number，也是我生日的月份
第一年掃墓時才發現原來二哥都係11月生日
他的生日竟然在他過身後我才知道
這三年都無去到掃墓，找天買花去望一下安靜一下

好煩
改layout好苦惱
天花龍鳳咩
搵唔搵到相黎key又係一個問題
救命啊

很準時放工

無乜胃口食晚餐，想食零食都唔得添
講起黎，最近愛吃雪條，我要買雪條食！

轉天氣我的鼻都有點敏感
然後老媽咳到肺都就飛出黎
仍是不當一回事，給她1萬個服字
真係需要整佢個肺
毫無危機感

前晚的Friendly竟然有錄到片
邊食飯邊睇下自己踢得幾渣先

太夜做運動個腦會係咁run
所以尋晚我訓唔著明明攰到痴線
今朝好唔想起身
眼睛都開唔到咁濟

今天工作比較閒
只有一點點的工作
lunch又在偷閒3人一齊玩mario party
可唔可以玩耐d

放工前6：59俾野我做
我極速做完佢

放工回教會開會，傾小組內容
回家又在吃零食
果然，胃口回來了

看到有些人大安旨意習慣了有人服侍和付出
望到我就覺得嬲嬲地
我點解要為呢D人付出
很討厭

聽到一個經歷
有人為朋友準備了生日禮物
但對方無收
如果係我的話，人地唔收，我應該會好唔開心
至於收的話，人地送點可以唔收，拒絕有時都好傷害
不過我而家都好少送禮物

P.S.3人