我都好耐冇打日記lu，今日要勤力ｄ喇，今日我訓到好晏呀，因為我尋晚成１點半先訓，尋晚毛毛返黎我屋企，我姑姐唔要佢喇，因為佢生左個ｂｂ，怕佢有鼻敏感喎．．咁又比番我地喇，佢前日拎走左，之後比番我地，但係我就冇唔捨得喎，我冷血架 ，但係毛毛唔係度，我一聽到腳步聲就以為係佢，一定望落地下，但係ｅ家見到既係．．．．一隻腳 ．．．

咁訓醒左，點都要做吓ｄ作業既，就做左一陣，做做吓聽到怪聲．．．原來係我個手提響喎，係（佢）呀，ｅ排好似生疏左，最衰都係佢阿媽啦，如果咪就可以日日傾喇 ，咁同（佢）傾左一陣佢就要收線lu，我就努力做功課喇，做左一陣，覺得好悶，就唔做喇，去左打機（爆懶），同波子一齊打阿給，打左２粒鐘就要去補習喇，我唔想補呀，但係都要補架啦，一陣比人打呀，咁去到，今次補英文，咩前置詞喎．．．．．都幾易既，教教吓又講波，好搞笑，成日教教吓都講其他野，咁好快就過左ｅ個咁既魔鬼時間喇．．．．．一返到屋企梗係打比波子打機啦，咁又打左陣，係咁同陰陽留言，重要唔係用我地自己個名喎，自己作ｄ名落去（想睇自己上去睇），勁搞野．．．．．咁一路玩，一路玩，就去到１０點喇，走左去睇（小魚兒與花無缺），幾搞笑，我覺得好睇過妙手仁心囉，妙手仁心好鬼悶，講黎講去都死人，有冇一次冇ｅ死人架．．．．．．．咁就妙手仁心，ｄ人死晒．．睇完就打ｅ個日記，一陣做功課，做淨左成板呀．．一定要做呀，加油呀∼我支持你（自己）呀．．．！！！