天水圍的夜與霧 ---茶餘飯後大小事                                                   2009 年 5 月 25 日  星期一       因為同事送左兩張"天水圍的夜與霧"戲飛比我，於是走左去睇。(近排好似睇左好多戲....) 好寫實既一部戲，可能自己住係屯門又係元朗做野， 見到呢d 情況真係有好多好多。 或許，住係天水圍的新移民家庭中，前路就似被大霧籠罩著，睇唔到未來。 唯一咬牙切齒既係裡面個社工，不斷重複果句"要維持家庭完整性下既傾談"， 好晒氣，明知男主角買刀， 明知已經試過short short地用刀恐嚇老婆， 如果真的做得岩，至少慘劇唔會發生。   近排都搵緊一d 野學，去學溜冰又想學跳舞， 不過一切都要等6月既定案， 我其實唔係真係好驚，只不過害怕等待，亦擔心之後善後既野。   愛上左睇韓版"花樣男子"，飾演道明寺角色果個好得意 (韓版唔係叫道明寺，不過我唔記得叫咩名) 我認覺得一個有吸引力既男人，唔一定要靚仔， 不過一定要夠tough，但對住自己心愛既女人要霸道又溫柔，最好加少少可愛啦。 其實劇情來來去去都係咁， 只不過配音同d 主角表情好好笑。