考完DSE那一段時間咬牙切齒說要遠離自修室

現在無無聊聊結果又回到自修室渡日

畢竟沒有壓力的「自修」比較過癮

只是不習慣在自修無需自我束縛

就算睡著也不打緊 狂禁電話也沒有所謂

真的不太習慣 嘻嘻

如果有一日我能夠大方的走到你面前與你對話

如果有一日看到你不再僵持原地

那就證明

你對於我已經成為過去

　　放榜，想必是人生一個重要的轉捩點。

　　在放榜前的幾日，甚至到坐在禮堂等的時候，沒有半點的不安。

　　連日以來，教會、小組的弟兄姊妹都不斷為ＤＳＥ的我們禱告，倒是我自己卻沒有太耿耿於懷。只能說，禱告的帶有能力的吧。由始至終，我知道神的平安一直都在。即使是前一晚，我亦能一覺訓到天光。我知道，神一定會有所預備。

　　認識我的人都知道我是會臨場淆底的人，我清楚知道，我靠的不是自己的能力，靠的是神的能力。

　　記得我一向都好淆中文說話，因為今時今日的人真的很癲，有同學搶不到發言，等於把中文十幾分雙手捧送。但考中文說話那一天，打開題目，我沒有半點的緊張，甚至，我能把文化的詞語、例子一下「倒出來」。其實在朗讀一部分，我是讀不完的，理應扣一些的分數。但當我收到成績，中文說話５＊＊。這個不懂言辭的人也拿到這個分數，只能說是因為神。

　　最後整體成績不算特別好，但如無意外應該入到理想科目。

　　在遇到困難的時候，不能照著自己的意思一味做，要先去尋求神。

　　這個成績不是因為我坐幾耐自修，溫幾耐書，因為如果沒有祂，我什麼都不能。

　　主每當我軟弱無力，你的恩典夠我用。

韓國之旅 Day2 仁寺洞+明洞+東大門

一朝早首先搭到仁寺洞

仁寺洞的觀光中心可以3000韓圜試韓服,上網見到話係平靚正既最佳地點!

其實仁寺洞成條街都好岩feel,可能係遊客區,連地下都係好有特色既石路

直行轉右好易就搵到觀光中心,話明係觀光中心,入面既人當然識eng la

而且佢仲幫我地著上韓服,又搵下d頭飾幫我地帶,真係好nice!!

雖然佢話限15mins但佢唔會真係限住你啦:p

因為人太矮所以挑了細碼穿

試完之後沿路行番出大街個邊,路的兩邊都係唔同類型的手信,不過唔係太睇得岩就冇買到

之後當然要去旅遊書大推的 星星茶坊 食野la

係樓下好容易就見到個招牌,就係佢la!

星星茶坊自從某套韓劇係到拍攝後就一炮而紅丫!(其實我都唔知個套咩黎)

但吸引我既係間店夠special

每個黎食野的人都會寫番張紙,然而隨意係求其一個位掛起,睇下幾壯觀?!

唔單止係咁,四圍既裝橫都好可愛,

連menu都好用心好qq架

我地食左圖中6000韓圜的鐵飯盒,雖然望落去冇咩特別既食材

但食落口又好對胃,所以我鍾意 (可能食埋個環境la;p)

可惜之後天有不測之風雲,本來諗住去埋安國站另一邊既北村,但實在太大雨了所以轉戰明洞

係人都係明洞係化妝品的天下,點解咁多人去韓國呢?因為真係平很多!

不少都係香港價的一半!遇到一些打折的店更可能有三分一或四分一的價錢

相信所有去完韓國買化妝品既人唔會再想係hk買

行到累見到旅行書中推的smoothie king

smoothie king係歐洲牌子的飲品店

可能因為本身好有期望,所以有d失望 lo

價錢係starbucks價,但飲落去卻完全唔覺得有咩特別,我飲左個草地沙冰(書中推介的) um其實就同街邊買冇乜大分別la- -

夜晚有時間就到東大門行下

要注意喔,東大門一帶的店都是8:00 pm才開,所以唔好咁早去la!

唔少人都話東大門係買衫的好去處,老實講我有所保留

因為東大門一帶的衫要不就是太貴買不起,要不就是我覺得太醜,唔值呢個價

我覺得如果去東大門平個幾個商場買野,都係番旺中開心d

走之前係東華飯館食左個炸醬面

未入去見到間店冇人有d驚,但食落又幾好食,一d都唔辣的,好對胃

係我會想翻食之一

食完咁夜,緊係番hotel la:)

韓國之旅Day1- 汗蒸幕+永登浦

早上到南大門的hill house hotel寄放行李,hill house hotel環境ok但地理位置在半山

要走上好幾條斜路,實在有點吃力,但hotel爆滿都冇計

另一樣發現既係韓國人會用幾多米黎講距離(香港多數用時間為單位)

事實係我根本計唔到自己行左幾多米lo好冇

之後就搭車到酒店個人推介的Dragonhill spa汗蒸幕

汗蒸幕是韓國特色,人人都話未去過汗蒸幕唔好話你去過韓國

既然講到咁非去不可,我當然要一試

去到問左價之後,原來係12000韓圜,budget之內,於是就入去了

um...老實講如果唔係特別有興趣的人,我唔太推介lol

對我黎講就等於平時係屋企咩都唔開咁訓

就係咁訓係到唔郁....其實對我黎講有d無聊

不過我諗d鍾意訓晏教既人應該ok ge...

除左汗蒸幕外,dragonhill spa當然仲有spa

不過你要預左同大家肉帛相見,係落去spa條樓梯前就要脫光光(當然只有同性)

接唔接受到就睇你la

本身都冇乜ge,但韓妹身材實在太好,令我無地自容,喊出來,當我是未發育的小朋友好了T^T

落到樓,有都OK多不同浸浴,牆上還有說明功效和溫度

BTW我唔係太慣個種水壓,浸左一陣就頂唔順,MAYBE成日游水既人是OK的

咁HEA但洗左成12000老實講我有D唔甘心= =

之後就番南大門個頭食定食

真係好多碟,其實係食唔曬既LOL不過咁擺出黎真係好壯觀XD嘿

下午CHECK IN後就出發去永登浦

永登浦係我上網見到人講必行既地下街,其實唔多人知,有D似葵芳咁

但係一條街室內的街直去咁,係去買衫的好地方

不少店都由5000韓圜起!(大概港幣$30) 但係咁質素卻等於香港的$100 T!

我最貴個件都係買左15000韓圜,姐係大約港幣$100

因為如果買太貴既野咁就唔洗係個到買了:P

另外有唔少賣飾物的店,不少更是1000韓圜(HK $7)

實在太平,而且韓國飾物的質素真係無得頂

即使唔夠10蚊仍不會偷工減料,太正點了!

« | 12 | 13 | 14 | 15 | 16 | 17 | 18 | 19 | 20 | 21 | ... | 46 | »