12點幾同媽咪食完野之後,

就去左屈臣氏睇野,

當我地行緊去睇d明目藍梅素既時候,

有個姨姨無啦啦走過黎介紹喎~~

佢話有個客係有近視散光既,

食完呢個藍梅素之後,

冇晒d近視喎!!

邊有可能呀...............

你唔好當我低b先得嫁~~

佢介紹完之後,

我地都未買住,

跟住佢又話俾d單張我地返去睇喎!!

我攞左d單張之後,

佢仲再講左一大堆野,

媽咪又已經走左出去喎~~

跟住佢入返黎叫我話:走啦!!

所以我就唯有出返去,

果個姨姨講緊果堆野既時候,

佢d口水其實已經噴晒落我隻手道,

哎呀.......諗起都想反胃呀!!

之後返到舖頭,

2點3就去左練一個鐘琴,

係琴室入面凍到我痴線,

起晒雞皮,

之後3點半返去補習,

miss又教新既野,

一樣都係咁難計,

補完習返到屋企,

作左一篇文,

但係仲有一篇文未作,

要作埋果篇先完成晒所有暑期功課,

淨低果篇係我覺得最難作嫁...........><

又食左個杯麵做早餐,

之後就開電腦玩左一陣,

到左十點左右,

我就落去舖頭同媽咪食d野,

我出門口既時候,

見到個識既姐姐,

出到去,

我問佢行邊邊,

佢話行呢條路去過馬路,

跟住我答佢我行商場喎~~

佢又答我,

你去寶林喎~~

行馬路咪仲快,

行商場上左去要再落返去,

等姐姐陪你過馬路啦!!

跟住我答佢,

有人陪我就行馬路喇!!

落到去舖頭休息左一陣,

我就去左地鐵站等我個fd一齊去學Jazz,

我地到左中心之後,

等左miss一陣,

佢終於到左,

但係佢開一開門,

舉一舉手,

講左d野,

佢話:我到左喇~~但係等我一陣,

佢講得好得意..........

之後佢入到黎,

話俾我地知,

星期四因為佢要排野,

但係我地呢一班時間冇改,

下一班先要改,

跟住我睇到miss除左頂帽,

佢梳起左d陰,

個樣勁cute,

個樣睇落去冇咁惡,

仲好似後生左tim,

我地熱完身拉完根之後,

就要跳返上堂教果d舞步俾miss睇,

好彩我都熟熟地,

又跟得到,

所以miss今次冇話我,

仲叫左我同我個fd企黎前面tim,

佢話因為我地識跳喎~~

跳左好多次之後,

miss又教第二首歌既舞步喇!!

講真,

呢首歌我真係跟唔到,

不過我諗我同個fd練多幾之應該待既,

臨落堂之前,

miss仲講左話下堂就跳呢兩段俾我喇!!

跟住我就諗,

你既意思究竟係自己一個出黎跳呢兩段呀??

淨係我地成班學生一齊跳呢兩段呀??

果刻我淨係覺得好驚,

要自己一個跳兩段舞,

唔好玩我啦!!

自己又唔係跳得好喎!!

所以落左堂之後,

我又去左我個fd道練左一陣,

都算熟左小小既,

起碼都記到d動作啦~~

我仲諗住3點半要返返去補習,

但係3點3我返到舖頭,

又未食野,

所以我都係選擇唔返去補習喇!!

之後我就食左小小野,

跟住玩nds,

到左5點左右,

我就同第二個fd一齊去左一粥麵道食野,

食到我勁飽,

之後我地返舖頭睇十兄弟,

睇完又再玩nds,

跟住又教佢跳左d舞,

又可以等我練熟d,

一舉兩得,

你話幾好呢!!

所以我覺得今日事事都好順利囉!!

跟住出黎一邊食野一邊睇電視,

電視播緊金曲挑戰站,

之後12點幾同媽咪出左去,

我地去左銀行入錢先,

入完之後就去左慧安商場道食野,

我地入左去一間叫做嘉年華既酒樓食野,

食到我好飽,

有d仲食唔晒要攞走tim,

跟住返到去舖頭一陣,

就去左琴行練琴,

練左一個鐘之後,

到左三點半,

我約左人去佢屋企練舞,

去到佢屋企,

我地就開音樂練喇~~

雖然已經跳得好左,

但係都有d跟唔到,

因為佢果一段都唔係好跟到,

練完之後,

我地玩左好耐nds,

我部機仲玩玩冇電,

自動熄左機tim,

咁我就係佢屋企差電啦!!

因為我個fd都有nds,

跟住到左6黠幾,

佢地約左人去會所游水,

所以我就跟佢地出門口,

我就返舖頭,

點知,

出到街先知道,

我部nds放左係我個fd屋企差電,

唔記得左攞返,

不過唔緊要,

聽日我地都仲會見面,

聽日比返我咪得囉!!

食左個杯麵當早餐,

之後就睇下電視同玩下nds,

到左12點,

電視播美女廚房,

所以我就去睇喇!!

跟住1點我去叫家姐起身,

2點同媽咪去食野,

之後聽到家姐話今日要出差,

所以返唔到學,

我聽到之後,

就諗,

唔怪得知今日食完野都仲會返屋企啦~~

平時食完野,

陪我地買完餸,

就會去返學,

原來要出差所以先咁,

我地買緊野既時候,

睇到Oral-B牙刷既展覽,

媽咪話都想試下呢隻牙刷,

所以我地就去左萬寧道買,

我、媽咪同家姐都買左一枝,

之後我地返到屋企,

我就開電腦玩,

跟住我就一路玩電腦,

一路同家姐傾計,

家姐講到今朝佢係房瞓緊既時候,

聽到我笑得好大聲,

所以我話俾佢知,

果陣我睇緊美女廚房,

好好笑...................

笑得大聲左,

之後我去左沖涼先,

點知家姐已經走左喇~~

因為家姐仲瞓緊覺,

所以冇得入房玩電腦,

咁我就玩左陣nds喇~~

之後同媽咪食完野,

返到舖頭,

到左三點,

我就去左學琴,

仲擰左張yes card,

係twins既銀簽card,

仲係打橫影嫁tim,

佢係我第二張打橫影既yes card,

學完琴返黎,

我肚餓喇~~

所以就攞左今日人地派宣傳單張派俾我果d M記優惠券,

去買左個套餐,

同個fd孖份食,

之後悶悶地,

所以我地走左去文具舖睇野,

睇到個層層疊,

我地又想玩,

之後就買左返舖頭玩,

玩得勁刺激,

到左8點,

媽咪放工喇!!

就返屋企睇兒歌金曲頒獎典禮喇!!

哈哈.......................^^