每種興趣都有特種的燒金之路。想一想自己現在的興趣，幾乎每樣皆可敗家，當中有平亦有貴。

　　先說些便宜的活動。

　　羽毛球：一塊數百元的球拍已可滿足中階玩家的需求，雖然羽毛球要不斷購買，但價錢不高。

　　上網：有交上網月費和電費就夠了。

　　唱歌：幾乎是零成本。

　　乒乓球：球拍加乒乓球都非常便宜。

　　跑步：只要一雙跑鞋，即使是天涯海角也可到達，想將成本壓至最底，甚至可赤腳跑。

　　健身：便宜的可以買一雙可加磅數的啞鈴回家鍛鍊，即使到健身房玩，月費亦只需百多元。

　　以下是較燒金的活動。

　　魔術：道具，學習光碟，導師費，每樣都是金錢。

　　電子產品：電子東東更新的速度。。。想跟上的話，曬金錢吧。

　　單車：與一班踏著數千元單車的朋友遊車河後，第二天便會跑到單車鋪換車。

　　釣魚：看見旁人用數萬元的釣具，滿載魚獲，而自己握著數百元的魚桿，連魚毛都無條，改天又會跑到垂釣專門店更換裝備。

　　樣樣都燒金，最錫錢包的方法莫過於什麼都不做,即是在家HEA。

　　不過在家HEA的機會成本，可能已經足夠抵消上述任何活動的花費，自問生產力高的人，甚至錯失一次賺大錢機會。

　　所以啊，最燒金的活動竟然是在家HEA。

　　自從買左架比代步車高級少少既單車之後，每日都踩住佢黎四圍去。尋日新車落地，車都未踩熟就整甩左個鍊餅脾，搞到要推住返屋企。

　　今日仲摸黑去左大埔，海濱公園個夜景又真係幾靚。

　　雖然我通平都係車群中最慢果個，感覺上拖慢哂佢地既行程，不過踩單車唔一定要追求速度既，得閑欣賞下風景仲好

　　哩個幾月，開始習慣左晚晚同朋友開CHAT ROOM傾計，次次都傾到黃朝白晏，所以上床果陣，個天已經開始變白。

　　夜訓當然會搞到遲醒，當起身已經係2,3點既時候，意味住以往既生活習慣已經被打亂。

　　想食早餐？兩鐘勒喎，老細。

　　食午餐？唔好意思呀，頭先叫你唔醒，無留到你飯

　　想跳去食晚餐又無咁早，想正餐就死心把勒。

　　所以成個晏晝就極饑餓咁渡過。

　　溫書？無精神喎。睇書？無心情喎？做運動？無氣力喎。訓覺？覺夠啦！

　　夜晚狼吞虎嚥食完一餐。諗返成朝都無做過D乜，不如上網睇下新聞先。

　　上上下網，無意識咁見到MSN個可愛人像圖示，似乎有股抵受唔到既魔力引誘你去按佢，一輪掙扎後，鼠標都係點左落去。

　　ON左無耐，又比人拉入去CHAT ROOM••••••

　　多麼充實的一天。

　　與人交際哩樣野，有樣好重要既事要記住，就係唔好講人壞話，無論係當面講，抑或係私底下同朋友”分享”都好，都應盡量避免。

　　隨住網路世界日益發達，私底下講人壞話既範圍竟然擴展到blog。如果某某係工作上受氣，放工後係blog度打幾句粗口發洩下情緒，不幸地，又比公司同事睇到，立即匯報比上頭知，恭喜哂，某某將會有更不幸既事情蒞臨。

　　所以呢，下次講人壞話，發洩情緒，都千祈唔好打係blog度呀，寫日記算勒，怕比人偷睇日記既，咪乾脆唔好講囉。

　　八月至今仍未過半，發生的事倒也不少。

　　襯著這段空閑時間，將它記錄下來，免得幾天後所有記憶喪失殆盡。

七月三十一號：

　　嗯，係可愛的Joanne生日，夜晚相約去年北京團，加上今年上海，蘇州團的團友到銅鑼灣一樓上cafe慶祝。

　　再會幾個一年沒見的朋友，感覺份外親切。真的，大家相處的日子不過廿日，但友情已像老朋友般堅固。

　　雖然。。。聚會地點，時間都不利於我，不過大家盡興便是了。

　　Joanne，祝你第一個二字頭過得充實快樂。

八月一、二、三。四號：

　　印象開始朦糊，看來，生活中豪無刺激的話，人生就沒有意義。

八月五號：

　　前篇已述，一班麻甩去睇《醉爆伴郎團》，完全係對號入座，睇完都覺得一大班飲酒左既男人真係乜事都敢做。亦都因為2日之後既事，同片中內容不謀而合，依家要為哩套電影追加返d評分。

　　之後去k lunch，果日唱k既目的之一係聽光哥既神音，一聽，果然夠神，但係點解可以唱得咁hea...

　　下午到夜晚既一段時間，去左網吧打發。全日最驚險的時刻在此發生，話說當日天雨路滑，連樓梯也蓋上一層淺水，當我心有餘悸地走下樓梯，突然腳下一滑，然後做出個人體向後傾斜45度姿勢直滑十多級樓梯。我走在最前，其他人都反應不及，更不要說施以援手。生日果然福星高照，在最後一刻，下滑沖勢驟然停止，不過心跳由此時加速。。。

　　晚上到某酒樓打邊爐。旺角果然是旺角，特別多MK仔/妹。

　　更要多謝當天出席的三位女生，不是你們的話，就要變全男團了。

八月七號：

　　米奇妹生日。

　　對我來說，當天認真大開眼界，首先是飽覽一眾 公，再見識到豪氣萬千的有錢仔，最後更遇上百年難得一見的毒男。最重要的是，見識到醉酒的自己。幸好當晚有肥泰做我的扶手才能撐回家。

　　不過也多得他，我的衣服多了不明來歷的蟲卵，某屋村魚池的錦鯉有變種的危機。

八月九號：

　　知道自己酒量後，飲酒技巧又提升一個檔次，當晚即找他們報仇，我們隱藏著另一個目的，就是灌醉光哥，套出他的情史。可惜最終彈藥不足，只能把他灌至半醉，可謂功敗垂成。

八月十一號：

　　祝偉哥順利升上中六，當晚在粉官中一已經相熟的四個男生再走在一起，在上水粉嶺打轉，閑逛。