今日9點幾嗰時同媽咪去大埔補領回鄉證, 搞咗

超耐, 12點幾先整完, 仲要喺5號先有得攞。跟

住同媽咪行咗陣街之後就去m記食野, 點知有啲

麻雀友打電話俾媽咪, 叫埋媽咪一齊去打牌, 之

後我地就嗱嗱聲咁食, 食完之後就一齊搭的士返

屋企, 不過媽咪返屋企攞完啲野之後就去啲麻雀

友既屋企打牌, 係得我一個喺屋企打機~ 超無聊

、超悶...

今日, 3點幾嗰時我打電話約咗呀媚喺碧湖度等,

但我又遲到, 唉~ 俾呀媚話 -_-" 不過玩得好開

心, 我地行咗幾個鐘, 超攰, 7點幾就返到屋企啦

^^  呢幾日好開心哦~

係啦, 咁多個既blog友, 我想遲啲約晒你地出黎

玩下、癲下哦, 請你地留低個msn俾我呀, 又或

者請你地加入我連絡人啦, 我既msn係:

[email protected]哦, 希望你地願

意大家出黎一齊開心咁玩番下啦, msn係用黎同

大家連絡既, 仲有呀!我打咗3篇既野架, 一定全

部都留言呀^^

今日夜晚, 我地成家人同埋我呀妹絛仔一齊出去

食飯, 雖然只係去咗間好普通既餐廳, 但係我地

食得好開心, 由7點幾至到8點幾, 有講有笑咁超

開心, 我地食飯之後行咗陣街, 仲買咗雪糕食添,

跟住就返屋企啦^^ 今日真係好開心哦~

前日同今日都約咗我呀妹、佢絛仔、燕虹同埋呀

媚一齊去上水(前日)、粉嶺(今日)既游泳池游水

, 玩得好開心哦 ^^ 不過就... 返到嗰時照鏡見

到自己變咗個「黑白人」, 成塊面都紅晒, 當場o

晒嘴喎, 單單只係游咗兩日就搞成咁, 唉~ 到宜

家都仲有啲紅咗既印喺度, 呀~~~~~~~~~~ 

超慘呀 T^T

因為尋日失眠, 訓得唔係咁好, 超眼訓, 搞到今日

都冇咩精神, 本來都唔想返學架, 但係為咗張成績

表, 唔想返都要返。返到學校見到啲fd s, 唔知點

解就精神返晒, 仲傾計傾到好開心添, 但之後燕虹

同我講:「今日8點9先返都未遲啦, 點解咁早就返

黎既」當時我o晒嘴, 自己竟然唔知道呢件事, 仲

早咗成半粒鐘返學校, 唉~ 真失敗呀T^T 之後冇

幾耐就去早會, 講咗成半粒鐘, 又攰又熱, 超辛苦

喎, 我都唔明, 都最後一日啦, 都仲要早會既, 真

係呀... 差唔多完嗰時, miss chan搵我, 叫我放

學之後去音樂室, 話開大食會喎。上到去課室, 呀

sir hea咗陣之後就開始派成績表, 派到我嗰時一

睇, 啲班、級名次都唔同晒, 上次睇嗰時係全班第

7、全級46, 但今次係全班第3、全級40、全年全

級係43, 有啲o嘴, 同上次完全都唔同, 可能佢嗰

時未計好分呱, 不過都好開心, 比我預期好, 超開

心呀! ^3^ 派完之後, 呀sir話可以走啦, 10點幾

咁就走得, 真係有啲無奈... 跟住就落咗去音樂室

開大食會, 都唔錯, 算係幾開心啦 ^^