勁頭痛
痛到木口木面
咩都唔想做

因為你
鬧情緒...
再咁落去
唔知會變成點...

eric最近好活潑
唔知咩原因呢?

我係老細既貼身電腦導師
今日坐o係佢隔離陪佢整powerpoint
原本我以為佢叫我幫佢整
點知原來叫我坐o係佢隔離
睇住佢整
等佢有乜問題可以即刻問
突然覺得好似私人教授電腦服務咁

一返到屋企
成屋男人!
我細佬帶左佢班老友返黎打麻雀
幾驚險

火舞黃沙!
正!
蔡少芬同林保怡既演技真係...
絕對實力派!
兩個人都做到o個種氣勢
o個種恨毒...
真係唔係個個都做到

又係超勁忙既星期六

今日細佬去我度考會考
所以特登早d同佢一齊返去
順便買個麥當當早餐返去食

一返到去已經唔停咁做
因為今日係教師發展日
全部老師都要返

本來順順利利都冇問題
不過到佢地break時
老細落黎又話要影呢樣影o個樣
最後我用左15分鐘
印左120份野
包埋釘裝同送貨
我都覺得自己既效率都幾高!

放工已經好累
返到屋企食完飯
就同我d衫改裝啦

好頭痛
個頭痛到我睇完電車男
涼都冇沖就訓左...
噢
dirty...

今日食完lunch
同阿Will洗完飯盒返入office
清清好驚訝咁話:
點解你兩個今日咁襯架?
又係著黑色衫
連條褲都一樣色?

我好尷尬
唯有話:
eric都係咁著
我特登襯返佢
今日呢套係制服黎架嘛!

乜真係好襯咩?
嘻嘻!

又同你一齊行呢段路
仲一齊搭火車
唔知
你係咪因為我先搭火車呢?
再次發夢中

今日真係事幹多多
食完飯返office
聽到d同事話有個女同學
俾拍落黎既board整到
割到個腳跟好似少左忽肉咁...
哇!
好恐佈!
阿清清即刻同佢急救
之後同學個家姐黎接佢去醫院
好似流左好多血
好彩我見唔到...
如果唔係又嚇死我!

一波未平一波又起啦
o係清清急救緊同學既時候
有同事打電話落黎
話又有個女同學o係三樓後梯暈左
之後我地就兵分兩路
威廉推輪椅搭電梯上去
我同阿Will就先跑上去睇下個情況
雖然我唔識急救
但係暈o個個係女同學
我上去幫手扶下佢都好
(始終男女授授不親嘛, 得阿Will上去唔係咁好)
上到去原來有同學扶緊佢
但係我地企多一兩分鐘
個同學已經唔係好掂
冇晒力
我要同另一個女同學的住佢兩隻手
正當阿Will入家政室拎張櫈佢坐既時候
威廉同輪椅到啦...
等佢休息左陣之後
就推佢落去醫療室
我地學校既服務幾好
三個人衝去救個學生
嘻!

今晚考埋英譯中啦
唔算好難
不過俾個字考起
spam...
我用o個本字典...
好廢
竟然查到spam=午餐肉
可能佢o岩
不過譯o個篇野係關於IT...
咁又點會係午餐肉
好彩後來我睇上文下理
估佢解junk mail
即係垃圾電郵
不過我覺得我d同學譯得好d
佢地譯做濫發電郵
好聽幾多
不過唔理啦
解o岩個意思就算啦
兩個鐘譯兩篇
係咁上下貨仔啦!

唔可以再咁落去...
刹制刹制...
究竟你係咪同我一樣感覺?
我地之間...
怪怪地...
定係我諗得太多?

今晚學長笛
唔知點解成日都吹唔中個位
一係就冇聲
一係就唱唱下冇聲
嚇死我
次次大合奏都係吹到頭尾兩個音...
勁無奈
曾經一度懷疑自己支笛係壞既
但係好明顯呢個諗法係白痴既

吹左大半堂都唔係好成功
唱一個音冇問題
唱多幾個就唔太掂
吹吹下冇左聲
一路吹
一路同隔離個同學仔訴苦
後來...
佢發現左...
我個手勢有d問題
佢教我右手要高返d
等對手可以托返起支笛
我即刻改返
果然好好多
d聲穩定好多
要繼續練...

練下氣先得
好似成日都唔夠氣吹咁...
名副其實既氣弱柔絲