今日中一收生第二日
雖然黎註冊既學生少左好多
但係依然仲係好忙...
忙到...癲!

今晚返學唔知點解
勁攰
勁眼訓...
可能返工太忙啦
差唔多成晚都冇聽過書
冇醒過...
連我自己都覺得過份
不過冇計
對眼成晚都好似睜唔大咁...
老師
對唔住啊!
後尾摸下額頭...
好似有少少燒
呢d係咪叫辛苦到病呢?

動搖啦
究竟...應該去邊度整頭好呢?
好煩呢...
究竟...應該幾時去整好呢?
聽日?
下個星期?
煩死人!

好鬼大風呀
真係屋都吹塌呀!!
驚驚!

晨早返到去就冇停過
雖然下午先入禮堂做註冊
但係成朝都有新生要考入學試
就係咁
地下...3樓...地下...3樓...
真係行到傻呀!!

今日著左條好靚既連身裙加白色外套
大家都讚我...條裙好靚
係呀
我都覺得
條裙著去飲都仲得呀!
佢地個個都好驚訝我今日著得好靚
可想而知
平時返工我係幾不修邊幅
但係佢地又好奇怪喎
明知今日係收生
又係佢地話衣著端莊嘛
咁我咪端莊囉
端莊又要咁驚訝!
不過...
條裙真係好靚

最近佢地笑我同Eric...
我地係friend左姐
但係人地都有女朋友
咁就唔好亂講野嘛
雖然我都知自己係好女仔

下午食完lunch
走左入禮堂收生
噢...
只係講解o個份入學須知
已經講到喉嚨痛啦
我諗...
應該有講左30次...
王子一號都o係禮堂做野
佢仲望住我笑呢
不過亦都因為入左禮堂做野
所以冇乜見到王子二號

收左檔之後
又有人黎做註冊...
我地都執好晒野啦
不過算啦
幫佢註冊埋
再講解多一次份入學須知
office既同事聽到
可能覺得我好勁
叫我背一次出黎
佢地都傻既
我都就黎啞啦
仲講多次?

今晚msn見到阿翟
佢話可暉祖sir同黃老師今日讚我做得野
又話我會主動諗埋佢地諗唔到既野
又話好難搵到做到野既人
其實連我自己都唔知係咁喎
佢地太誇獎啦
我都係做返本份姐!
當然
走左成年
佢地都仲記得我
仲會讚我
我都好開心!

mp4 detect唔到?
噢...
又要麻煩哥哥啦...
今次魚蛋粉一定走唔甩...

今日NET teacher DAVID請我地食飯
估唔到係請我地去飲茶呢!
20號係佢生日呀
到時已經放左假
佢唔駛返黎
所以我地買左個蛋糕同佢慶祝
個蛋糕好靚
亦都玩得好開心
DAVID仲kiss左Iris一啖呢
都係Eric囉
叫DAVID揀個女仔送個BD kiss俾佢
DAVID就揀左Iris啦
我地仲幫佢地影埋相

做左實驗...
今日都有一次呀
係你有風度...
定係另有原因呢?
好想知...

買左防晒
細細支都成六十幾蚊...
之後又買衫
救命
呢d叫越窮越見鬼

好多野做呀!!
救命呀!
快d放假啦
再係咁...
我會支持唔住架啦

最近...
d記憶好亂
明明係禽日既事
又以為係今日
明明係禽日既事
有d又好似好耐之前咁
d日期...亂晒
究竟發生咩事呢?
係太忙搞到乜都記錯晒?
定係...有病呢?

聽日又去飲茶啦...
唔知有冇機會做實驗呢?
希望...係我期望既答案

High tea...
遲到都抵!

放學之後...
哥哥拎左部mp4俾我
佢真係太好啦
特登拎出黎俾我
不過...
窮晒...
買完mp4
又要買memory stick啦...
之後要預返1000旅行用...
快d出糧啦
不過...已經等唔切
唔好再買野啦...

第一次同你o係公司外既地方獨處
只有我地兩個人
好舒服
只有同你獨處
先會覺得緊張心跳
想笑就笑
想講就講
可以唔顧儀態
天南地北都可以講一餐
溜冰
K同事
去外國留學...等...
知道比唔上佢
但係...見到你開心我都開心啦
就算keep住呢種朋友既關係
我都覺得幸福...
呢種感覺...
就收埋o係心
我自己知咪得囉
永遠記住delifrance

一直都有個疑問
你...好少提起佢
亦都好似避免提起佢
係咪我諗得太複雜呢?
唔知你有冇發現
我...都唔會問你關於佢既野
因為...我唔想聽到你提佢...

每望你一眼
心就跳一下
喜歡的感覺就是這樣
喜歡你的感覺也就是這樣

我享受
我的心情被你牽扯
我享受
偷偷望你的那一刻
我享受
與你談天說地的時刻

你也一樣吧?
與我的感覺一樣吧?

還是...
我感覺錯了?