從未想過自己是那麼的幸福
或許...是時候認認真真的感恩
常說自己辛苦
常怨自己命苦
這些悔氣說話真不可以再說了
辛苦不及別人辛苦
更有人生來就命苦
那麼他們怎麼辦?
自問...
我有一副健康的身體
沒病沒痛
吃得睡得

我有一份不錯的工作
雖然有點忙
但忙得開心
至少同事們都是好人
對我很好
已經比很多人幸運
一直都工作順利

我還有機會唸書
雖然要花好多錢
也要下班後再上課
但...至少我還有錢唸
還有精神
辛苦一點
但有意義!

我有一班好朋友
一班愛我的好朋友
一班我愛的好朋友
雖然大家都忙著
沒很多時間相聚
但即使分隔很遠
心卻很近!
大家都疼著我
鼓勵我
幫助我

雖然沒有完滿的家庭
但至少仍算齊齊整整
至少...仍有幾個家人愛著我
這就足夠!

說到這裡
我還能怨什麼嗎?

最近學生都放半日
可能因為咁
個學校靜左好多
工作量都變相減少
(因為唔駛服侍d大帝)
同事們既心情都因此好左好多
大家都有講有笑!
Eric都活潑左好多!
今日我地仲一齊去玩魚
Iris帶左條鬥魚返黎
佢好衰
成日都嚇兩條紅劍呀!
阿鴻話佢屋企o個條都係咁
佢就擺塊鏡o係佢前面
佢一見到自己個樣
可能以為係第二條魚公
佢就發惡
仲會撞埋去
咁我就做左個實驗
攞塊鏡照佢
佢真係發惡呀
仲谷起晒個腮
好搞笑架
就係咁
我, Iris, Will, Eric就o係茶水間玩魚...
Eric仲話想買返條鬥魚返黎同佢打過!

今晚約左哥哥出旺角
諗住睇戲
但係...
MI3已經落左...畫
冇得睇
我地既計劃打亂晒!
終於我地就四圍行
去左大家樂食飯
行下女人街
咁就10點幾
我同哥哥聽日都要返工
所以早d走
(其實都係好夜訓)

好多野要買喎!
買野一定要搵哥哥
佢真係...乜都有得賣
好似超級市場!
DVD錄影機
mp4
仲有手提電話喎...
全部都係我想買架...
但係有一樣野係佢幫唔到我
係...我想要錢!

決定左聽日過去柴灣度剪頭髮
終於敵不過哥哥既誠意
雖然遠d
不過試下囉
唔好下次就唔去
反正我個頭長得快
剪衰左都好多長返
唔駛驚
(自我安慰中)

星期日去屯門既沙灘玩?
好呀!
喜歡原因一: 想去沙灘玩
喜歡原因二: 同至愛既朋友們去玩

今日真係得閒...
冇乜特別野做
所以o係度上下網
整靚d我個日記呀!

為左響應世界杯
o係我個日記度加左個世界杯賽程表同賽果

好想剪頭髮
而家個頭都唔知似乜
但係唔明點解阿媽同阿清話冇野
哥哥今晚仲問我去唔去柴灣剪
佢話介紹我去佢個friend度剪喎
佢真係好落力咁叫我去呀
仲笑得好奸
都唔知係咪收左commission!
諗下先啦
等我聽晚問下佢覺唔覺我要剪

聽晚去睇MI3
因為我同哥哥都未睇
所以趁聽晚老師唔得閒上課
突如其來既off night
去睇下戲都好!

見到人地個blog有段wild day out片
有隊唔識既band蘇打綠
睇完佢表演
覺得...
主音把聲好特別!
一隊來自台灣既band
好清新既歌!

禽晚第一次睇3點場
英格蘭vs瑞典
身為瑞典既fans
我一定要捧場!
捱住眼訓
終於等到3點
上半場瑞典踢得唔係咁好
俾英格蘭狂攻呀!
真係擔心死人!
上半場完場仲要輸一球
諗住輸梗啦...
點知到左下半場
好似完全唔同晒咁喎
瑞典仲好積極咁去搶攻!
仲有好多次射門
做得好!
終於追返1:1
當諗住1:1完場時
英格蘭又入一粒
噢...
2:1
冇機會啦!
就o係我心灰意冷等完場時
瑞典又追返2:2
好叻叻呀!
冇左10號果然係唔同d!
瑞典既高波果然係勁!!

今日請左半日假
返下午
(因為禽晚夜訓)
返到去發現阿Will都請左一日
佢都係睇波啦!
冇乜野做
因為已經清晒
就o係度整下個日記板
換左個新留言板
好Q
仲有整左d新歌仔!

legal translation
好悶...

Iris話不如搞次camp
一齊去玩下
plan下啦
又唔知去邊度好玩喎!

快啦快啦!
成功啦!
我就黎可以清晒手頭上既工作啦!
好快可以自由啦

呢個世界有兩種人既說話係唔可信
(1) 男人
(2) 老闆

多謝你既餅乾
究竟係因為食唔晒所以請我食
定係...每次食餅都會諗起我?
有你請我食餅
好滿足...

今晚轉課室時
去完toilet出黎
竟然見到少茵...
佢o係度等lift
我知佢今晚都要上堂
不過冇諗過8點幾都會撞到佢
哇
我地真係有緣呀!!
好朋友果然係唔同d!

究竟佢返黎做乜...
咁唔滿意不如唔好返黎啦
反正冇人想見到佢
救命
大大聲話唔返黎
最後咪又係...
哼!
鄙視!

又搵到一個好得意既時計
係少茵至愛既狗仔
將隻mouse指向隻狗
佢會叫架!
好得意!!!