越黎越想去玩呀!
南丫島
南生圍
海洋公園
如果有得去玩
我一定專登請假去
反正我d假都冇乜請過...
噢
滿腦子都係玩玩玩!

唔好再咁望我啦...
究竟係我錯覺?
係我諗得太多?
定係你真係...
唔係唔係
一定唔係!

今晚o係名都撞到結晶呢
冇見一個月
佢真係冇乜點變
佢仲讚我靚左瘦左呢!
好開心!
我要繼續努力!

禽晚訓得兩個鐘
唔知點解完全訓唔到
訓下又醒下
真係訓著我諗都差唔多6點
原本仲諗住早d起身做下運動
不過訓得咁少
幾大都係訓到夠鐘先起身
終於8點又要起身返工
有一刻衝動想請假
但係諗諗下...
都係算啦

返到工
呆呆滯滯咁
仲要冇啖好食
lunch食杯麵咋
冇得訓
冇得食
突然覺得自己好慘喎

入SAMS入到頭暈
係因為攰
定係肚餓呢?

最後都係跌左
"唔係你既
始終都唔係你"
就算我留住佢俾我既野
個天始終都唔會成全我
或者...
係時候要諗通啦!

睇到有套片
講一隻猩猩帶住隻豬仔去買蜜瓜
隻猩猩好搞笑
加埋d配音真係好掂!

パン＆ジェームズのおつかい大挑戦！

最搞笑係小猩猩食辣椒o個幕
勁爆笑!
吐都吐唔切
之後仲要發癲
成隻king kong咁!

今朝返左半day
好彩冇咁忙
仲有時間食個三文治餐
唔知係咪最近慣左食得少
食左半件三文治已經好似好飽咁...

夜晚去左chloe度燒野食喎
幾好玩呀
又有好多野食喎!
臨走仲幫chloe執返好d野
同埋清潔好!
幾乖乖!

玩icq見到少茵online
傾多兩傾就知o個個唔係少茵
懷疑佢個icq account俾人盜用左
咁我當然即刻同佢理論
叫佢唔好用人地個account啦
佢唔聽仲要辣慶我...
我仲用粗口鬧佢
後來少茵話返俾我知係佢細佬偷用佢部機黎玩我...
噢...
好無奈!
呢d年輕人真係要教育下先得!

少茵返到香港啦
可以一齊去玩啦!

同旋旋既名句:
(1) 明明企o係砵蘭街, 但係o係度扮淑女
(2) 我鼻哥"lung"插唔到5隻手指喎

呢兩日都喉嚨痛
今朝返到去就更加冇心機做野
同阿Will傾開
原來佢都有喉嚨痛
真係同病相憐啦!
不過唔知我係咪工作狂
做做下野就冇事啦喎
定係因為飲左一杯康鈣C?

今日終於續左約
見到份合約
眼都突埋
因為加左人工
仲要加左幾多喎!
返工既日子不變
除左一至五
照舊隔兩個星期一次長週
唔錯啦!
真係實在太驚訝啦!
仲要係一個我唔敢諗既數字
好多謝同事幫我fight到咁好待遇!
10月頭o個餐我既!

仔仔同當當又黎我屋企搗亂

究竟...
去唔去得成泰國呢?
真係好擔心喎
好想去
但係究竟有冇人陪我去呢?
想去既朋友
快d報名
誠徵好玩癲喪團友

禽晚聽收音機
大彈達文西密碼
話電影冇小說咁好睇
咁就...
打消左我要去睇電影既念頭啦!
都係等出碟算啦!

今日d人發晒癲
係咁入黎醫療室
係咁早退
大佬呀!
你地偷懶
我要做野架
我地招呼你地好辛苦架...
而家d年輕人真係唔生性
唔想返學就請足一日假啦
返黎幾個鐘又話要走
加上聽日放假
有好多野都要今日清
真係忙到發癲呀!

又發癲...
次次辛苦就發癲...