禽晚上完普通話返黎
沖完涼
食少少野就等睇波
法國對瑞士
唔知係場波悶
定係我太眼訓
睇左半場之後就訓著左
最後頂唔順熄機訓覺

今日返工又對住部SAMS機一日
真係入data入到想喊
入完課外活動
仲要入獎懲...
之後入分...
我諗我未到7月都唔駛旨意脫離SAMS機魔掌
噢...
我終於深切體會到學期尾既恐怖
人地就得閒到死
我就忙到死
吹水都唔得閒呀!

今晚上legal translation
好悶...
唔係要砌夠credit我真係唔想讀呢科...
一個星期四晚...
9月之後依然係一個星期四晚...
想喊...
同學仔都畢業啦
我呢
仲要捱多半年
救命!

今晚冇波睇
因為12點場唔吸引
3點場又太夜啦
如果聽日唔駛返工都可能會睇

頭先返到黎食左碗粥
而家要抖下先訓得
如果唔係...
會肥死!

黎緊有幾套戲想睇
(1) 四條腿拯救隊
(2) 鬼馬bu bu車
(3) 搞乜鬼終極奪命雜作
搵個星期六睇左奪命雜作先!

呢兩日都o係SAMS機度玩自閉
勁多data要入
連我都變埋IT部門
呵呵

今日為左入data
戴左副眼鏡返去...
聽日都係戴返con
因為戴眼鏡個樣勁白痴...

阿will走時
見我一個人o係SAMS機做野
好似好寂寞咁
佢就借隻毒葯妹妹(???)公仔俾我
多謝晒!
有佢陪我
我唔lonely啦!

今晚開始左summer term
又要過一個星期返四晚既日子
好辛苦呢!
成晚乜都冇食
只係食左d粟米片
飲奶
同埋一隻奇異果!

今晚有法國對唔知咩
睇埋先訓
3:00有巴西對克羅地亞
睇唔到啦
聽日要返工

下個星期請假好唔好呢?
有兩晚既波好想睇喎...
3:00...
睇完一定返唔到工...

睇波先!

禽晚世界盃揭幕戰
德國對哥斯達黎加
好彩亞視有直播
(無線無, 勁cheap!)
雖然唔算好精彩
但係都有兩球射得好靚喎!
4:2
都ok
不過之後o個d球賽就冇得睇
因為我冇有線呀...
而且又要返工呢...
d同事有提過話搞個睇波團
返學校禮堂睇
不過都唔知係咪真...

今朝起身出左去馬鞍山
個死人頭成日都長得咁鬼快
真係頂佢唔順
一定要剪啦
成熟既男士又幫我剪左個令人滿意既頭
下個月再見!

之後去同妙姐食飯
等佢既時候o係新港城行左陣
又係勁買野囉
一件外套
一件背心
一個手袋
一條腰帶
一隻膠錶
好多野呀!!!
今日先發現原來馬鞍山咁多野買架...

同妙姐&Nick哥飲茶
食左唔係好多野
最後Nick哥請我
多謝晒!
下個月我請返你啦!

今晚有英格蘭呀
想睇...
but冇得睇!

個天又玩野啦!
落雨都唔緊要
我都諗住搭的士
但係我出門口又唔落喎
等我諗住慳返廿幾蚊
走左去搭小巴
點知咁就出事啦!
去到上水就落雨落到塌天咁
落車行左兩三步
就已經濕晒
搞到我要摺起條褲黎行
不過摺起都冇用
過埋條隧道
就更加冇瓦遮頭...
突然發現原來行返工條路係咁遠
返到去學校
有種"我終於返到黎啦!"既感覺
仲有威廉,桃姐,阿鴻,家倫sir迎接我
好感動!
多謝威廉同家倫sir既關心
叫我搵風筒吹乾條褲
多謝鍾姐借對拖鞋俾我
好舒服既拖鞋
威廉仲好羨慕咁問:點解你有拖鞋架??

今日真係忙死人呀!!
又要整監考簽到紙
又要整個黑雨
搞到勁多電話打黎
又要安排d大帝放食飯
因為黑雨
佢地冇得出街食
食完飯
又要整理d專題研習
哇...
冇停手咁做到放工

終於的起心肝
走去拎返張身份證
好少人
所以好快
張相比想像中靚d

行過永安
拎左d泰國團資料
都唔係我想要o個團黎既???
我上網睇中左o個個團有兩日去海灘架喎!
得閒要打去問下先得

下個星期
好多野做呀...
突然有想死既感覺...
除左一份會議紀錄
仲有入WebSAMS
仲有收呢樣收o個樣
哇...
諗起都想喊!
$$$$$$$$$$$$
加油!

又係d女人病...
真係野都唔想做呀!
激死我!
又唔想Sick Leave...
聽日更加唔得
有野要做...

今晚冇乜食野
食左一個螺絲粉批
飲左一罐百事
之後就乜都唔敢食啦
因為已經好肥

終於傾掂旅行既野
暫時有我同emily兩個人去
但係希望可以搵多d人去
因為...人多好玩d
而且得兩個人去
就影唔到合照架啦!
要加油
問多d人先得!

魚魚話佢有個舊同事既朋友都係叫阿will
我地今晚仲用左幾個字時間黎研究
佢舊同事朋友阿will=我同事阿will?
當然係冇結論啦
如果係同一個人黎
咁就一定好得意!