今朝起身
同雀仔沖完涼
打俾積西嘉
同佢傾過
因為有人將我張枱變左做貨倉
所以...要突擊佢

落街去睇西醫
醫生話我好返晒
仲寫左封證明俾我交返公司
之後我就即刻買左廿蚊齋
去拎埋苦茶
衝返屋企食野飲茶換衫
搭廿幾蚊的士返工
見到好耐冇見既同事們
好開心!!!
大家都明白我o係屋企有幾悶啦
因為...佢地見到我好bilibala

放工同埋eric, 積西嘉, will, dicky一齊行出火車站
我同積西嘉仲去左零食物語呢!

都係返工充實d!

今日依然係病假
起身睇完叮噹之後
又訓返
公司打電話黎
miss call左
打返去睇下係咪有公事要搵我
傳黎同事們深切既慰問
Esther
Will
Eric
積西嘉
小桃
之蛇
劉蛇
輸流同我傾呀!
好感動!
大家都好掛住我
其實我又何嘗唔係勁掛住大家....!_!
阿Will仲特登炫耀
佢地已經玩左大富翁
好衰架!!!
唔等我...
算啦...
咁我唔返去啦!
Eric仲話冇人陪佢行出火車站
冇計啦
等多兩日囉!

預計最快星期三
如果順利既話....

好想快d去唱K
好想快d去游水
好想快d去睇戲...
原來病左先發現
自己真係好多野想做
好想去玩!

終於打晒份notes
七十幾頁...
真係人都癲呀!

收到你既慰問
好感動
短短幾句
聽得出你有掛住我!
但係...唔好做d令我誤會既野...
期待再見你!
已經相隔左好多個秋啦...

今日係第二日病假
做既野都冇乜特別
食下野
探下熱
打下機
睇下電視
打下禽日KO姐幫我拎返黎既notes

夜晚阿清打過俾我
佢安撫我叫我唔好咁擔心佢
唉...
又點可以唔擔心呢
我唔想傳染俾佢
同埋佢個BB...
如果佢有事
我真係...內疚死!
雖然我冇心
但係始終都係因為我...
好擔心!

幾時先好返?
快d出晒啦...
希望聽日出多d!

好掛住大家...
同埋你!

繼禽日發現有出水痘跡象
今朝就好緊張咁去睇醫生
西醫話我係出水痘呀...
開左d抗生素俾我食
俾左d葯膏我搽
仲寫左兩個星期病假俾我...
一定悶死我
醫生話咁大個出水痘會好辛苦
而且都幾危險
腦炎
肺炎
肝炎
-.-|||
好驚喎...
咁多併發症
我...
會唔會死o係水痘手上?

我好想返工見我既同事
見你...

返屋企既途中
一路都忙住打電話
打俾秘書 (話佢知我要請假)
打俾妙姐 (星期五晚同佢地食過飯)
打俾芷茵 (話佢知我去唔到海洋公園)
打俾emily (同佢一齊去完布吉)
因為...
呢幾日都有同佢地接觸
唔想傳染到人
唯有早d通知佢地
等佢地留意下

第一個併發症出現左...
返到屋企樓下
突然...
唔記得左個密碼
試左三四次都唔o岩...
保安又唔開俾我
好彩有個阿伯出黎
我先入到去咋!
原來...
失憶都係水痘既其中一個併發症

之後要打返city
因為本來今晚要返去考試
而家考唔到啦...
佢叫我fax封信同醫生紙返去
咁我又落街啦
順便走去睇中醫
因為真係唔想食西葯呀...
中醫好驚訝我咁大個仲出水痘喎
之後開住兩劑葯先
佢話起碼要飲一個星期苦茶架...
噢...

成日乜都冇做
書又唔想溫
打左成日機
肚餓想食野
又乜都唔食得...
命苦呀!

之後同積西嘉傾傾下
諗到可以叫KO幫我拎d notes返黎屋企打
咁就可以做返自己既工作
唔好再增加同事既workload
因為...積西嘉已經幫我啃左好多工作啦
好返一定要請佢食飯呀!

6點時肚餓到死
終於頂唔順
走去整返今朝本來帶返工食既飯
唔知點解...唔好味!

8點幾終於等到KO返到粉嶺
拎左包野落去叫佢幫我拎返公司
我又拎左d notes返黎打
等我一陣裝埋個office先

冇得去海洋公園
冇得去南丫島
唔知好彩定唔好彩...
去完布吉先出

今晚約左可暉同事食dinner
諗住落雨
唔好出咁遠
所以就約左去沙田啦
我地去左食pizza hut
試左個新pizza呀
就係o個個咩"三文魚去左邊"
都ok好味喎
之後再叫多一個普通批
兩個意粉
加多一個飯
好飽...
之後一行七人去shopping
阿翟, chloe佢地買野買到遮都漏左
行到半路見到釘釘把遮跌左先醒起
即刻走返去拎返
到佢地行拎完返黎時
我地見佢地拎住個背囊
原來潘仔買鞋買到連個背囊都漏左...
真係好搞笑喎!
妙妙好奇問佢:你頭先點買野呀? 個背囊都漏低左
孟欣就話:佢個銀包o係褲度架!
(依...點解咁清楚既???)
之後佢地仲意猶未盡呀
繼續去睇衫
臨走我地就去左滿記食糖水啦
我同妙妙叫左一個芝麻糊豆腐花
同一個楊枝甘露share
好heavy
不過潘仔請喎
肥d都要食呀!!!