今朝飲茶
好味過西式早餐!

第一站係去左睇史路比
我地仲猛咁同史路比公仔影相!
果然係好有童真

之後就行過隔離詹園
好大呀
行下
影下相
仲買埋手信
臨走前仲睇左雜技同變臉表演
都幾精彩呀!

食完飯
我地就去水城玩水啦
玩左滑梯
按摩池
好攰啊!
沖好涼就上車返香港啦!
個領隊同個導遊都未上車
個司機就開車啦
好彩最後重聚啦!

好憎香港個領隊
乜都冇做過
講野都冇50句
收導遊費仲要唔講多謝喎!
"仲有邊個未俾?"
眼都突埋呀!
咁唔pro就唔好出黎撈啦!

全程車都訓覺
真係好攰呀!

返到深圳都已經7點幾
我地臨返香港前
去左羅湖商業城買野...
靜心!
送俾人架!
呵呵!

真係...好攰啊!
聽日仲要返工
悲...

今朝食西式早餐啊
普通好味

第一站去左蘆薈場
又係推銷
不過我都買左一支蘆薈膏
因為...
可以搽暗瘡
而且d同事上次黎買過
都話好用
所以買返一支試下先!

第二站係去參觀雲南少數民族
雲錦布衣
冇乜特別
都係去認識下佢地既生活
佢地仲請我地飲茶呢!
我...又發揮消費者既精神
買左一筒茶葉!

之後又係接觸大自然
去摘生果食啊!
初初又話任摘任食
去到咪又係唔係!
仲要摘幾多都好
一定要食晒先准走喎!
我地揀左去摘楊桃
我都係摘左一隻咋
太多會食唔晒
都ok好味啦
我地仲偷食左一隻mini火龍果
呵呵
都係紅色既火龍果好味d
甜d!

點幾鐘先去食飯
可能太勞動
好鬼肚餓
食左兩碗飯呢!

食完飯就去我地既重點行程
長隆歡樂世界
因為太多人
排隊都排晒d時間去
所以總共都係玩左四種遊戲
十環過山車
消防車
急流
仲有個隻艇o係好高度衝落黎 (唔記得叫咩)
十環好好玩
雖然第一次玩過山車
係幾驚
但係嗌嗌下又好好feel
之後消防車
全靠有阿杏呢個力王
我地先贏到威廉組
急流係排隊排得最耐架
成粒鐘都有
因為會濕身
所以我地買左即棄既雨衣
威廉o個件
一上到艇就爛左頂帽
最後...濕晒落船!
個樣...仲要勁無奈喎!
好搞笑!
玩完急流
見買左雨衣就唔好徒
走去玩埋o個隻好高衝落黎既艇
本來都預左濕身
但係諗住有雨衣
應該濕極有限
點知...
隻艇衝到一半
我頂帽甩左...
d水就...兜頭淋...
濕晒...
最後見有d時間
走去玩多次十環
正!
落到黎...
個頭乾晒!
等埋玩緊馬蹄鐵既Iris同積西嘉
就衝去睇長隆show

呢個show係馬戲黎架
好多動物睇
我覺得好睇過布吉o個個!
氣氛仲好好呀!

由於lunch之後都冇食過野
搭埋成個鐘車程返到酒店
放好行李
我地就出去食宵夜 (晚餐???)
5蚊一碟炒麵
幾抵呀!

返到房
沖好晒涼之後 (因為成身臭汗味)
又過去威廉o個邊玩uno
呵呵!
好緊張
draw 16
咁就玩殘左Iris
今次我叻
唔駛尾二!

三點先訓...
好攰!

今日同同事們返大陸旅行
8點15分o係粉嶺火車站集合
我地就約左7點45分o係"大家開心"度食早餐
我地一行六人
我
積西嘉
Esther
威廉
Iris
阿杏
四女兩男
perfect match!

上車之後
過完香港關
又過大陸關
真係煩死
去到深圳
又要等個領隊走去搵個導遊
都未見過有領隊可以掉低d團友
走去搵個導遊
佢唔驚唔見咁個架咩?
而且...而家唔係石器時代啦
有電話呢樣野架嘛!
打個電話叫佢行過黎都得啦

兩個幾鐘既車程...
都幾辛苦
加上又早起身
所以...
上開車
聽下導遊講下野
之後就勁訓!

第一個景點係水鄉一條街同埋蒲州花園
我地唔夠時間行呀
只係行左水鄉一條街
o係o個度食左碗薑汁撞奶
都ok好味喎!
之後好快咁行左過隔離既蒲州花園
影左兩張相就要上車啦!

lunch之後
我地去左花仙子夢工場
睇o個d叫"中國barbie"既公仔
噢...
好核突!
一d都唔靚

之後去漁夫之寶
又係d推銷既地方
咩湯料呀...咩小食呀...仲有消脂醋
d family就買得好開心
我地只係買左魷魚絲咋
至憎去買野
悶到死!

4點幾已經返到聚龍酒店
我地放好晒行李
就走左去按摩
100蚊兩個鐘
佢地話唔算抵
不過算啦
反正冇野做
o個邊又冇街行
唔通o係酒店訓咩?
頭一個鐘做足部按摩
第二個鐘我地做推油
好舒服!
雖然幾個女仔一間房
但係要除衫都幾尷尬
不過ok啦
反正又冇野睇

按摩完去左附近一個好簡陋既商場行
買左少少小食夜晚食

o係酒店附近既餐廳食完飯
有d團友去睇show
我地就唔去啦
因為Iris佢地已經睇過
而且...好似唔係好吸引
so我地返左酒店玩uno
我輸得好多
不過後尾...Iris直迫我
最後仲超前左!
所以...我穩守尾二位置

玩到11點幾
走左落街食宵夜
間餐廳黑麻麻架!
真係唔知自己食左d乜落肚
好暢快咁講某人壞話
仲話介紹阿杏俾佢識!
搞笑!

沖完涼
執好野
睇下電視
傾下計
又成2點先訓...

今日勁忙囉
就黎開學啦
所以...有排辛苦呀!

下午食完飯
幫呂太做做下野
秘書拉大隊過G03食野
o個時先知原來大家係幫我預祝生日
真係超級開心
我仲同大家一齊唱生日歌
又影相啦
真係好難忘架
最感動係...
積西嘉親手整左個蘋果批
好好味
雖然係幾肥
但係...好感動
肥死都抵
大家仲簽左一張好靚既生日咭俾我
封面寫住..."菠蘿油公主" <----我....
Eric話係佢既私伙黎架
感動!!!
大家o係入面仲寫左好多野呀!!
呵呵
大家真係好錫我呀!
仲要幫我慶祝都唔講俾我知
特登俾個驚喜我呀!

收工之後
同一眾同事o係校園度影相
我地office班底不在話下
仲有靚仔安喎!

已經約好10月去靚仔安屋企度燒野食
開心!!!

真係要好好珍惜
珍惜呢班好同事!

今朝返左city補考
差d又遲到
好險!
佢地俾左間房我自己o係入面考
果然係好似平時d功課咁...
但係我都唔係好識
算啦
都算做晒
應該pass既!

返到上水同積西嘉食lunch
去左仙茶居搵位
撞到miss ling同個好sporty既新阿sir
傾左幾句佢就走啦...

同積西嘉食完飯一齊返左學校
因為要拎魚蛋
而且要食積西嘉整既紅豆糕
本來諗住留一陣就走
但係見到大家都好忙
所以都係留低幫手
最後要成5點9先走得
eric真係好愛我地
特登等埋我同積西嘉先走
佢真係太好啦!!