萬眾觸目既意大利 vs 法國
經過90分鐘法定時間 + 30分鐘加時
依然都分唔出勝負
兩隊都打得好好
雖然未算比 巴西 vs 法國好睇好多
但係一定唔差過
雖然最後都係射十二碼輸左
但係都冇計...
意大利既十二碼真係好靚
最莫名其妙我諗都係施丹個頭鎚
佢鎚人地心口...
究竟係咩事令佢咁勞氣呢?
無端端鎚人心口...
咁就紅牌出場啦
係咪已經好辛苦唔想踢落去
但係教練又唔換人
唯有...出此下策?
真係god knows

因為只係訓左好少
今朝真係好眼訓
好多同事都有睇波
office多左好多隻熊貓
lunch出左去飲茶
收爐宴...
有成五圍喎
都算多啦!
今日靜左d呀
冇平時咁bilibala
可能大家都眼訓掛

好不容易捱到收工
返屋企啦
仲要係衝o個隻喎!

做乜咁既眼神呀...
做乜對我咁溫柔呀...
有冇諗過我會點諗...
好想再證實一次
你...會唔會幫我挾餸?
我應該知足嗎?
你
只會令我唔想離開...

禽晚捱更抵夜
睇左世界杯季軍賽
德國 vs 葡萄牙
德國果然不負眾望
2:1
太好啦!
德國果然係厲害左好多
係全靠奇連士文?
完全感受到球隊既上下一心
完全感受到德國國家上下一心
好令人感動!
希望奇連士文留任
希望由佢改變球隊

而家等緊法國 vs 意大利
真係希望法國會贏

今日約左emily去旺角
一齊買野去旅行呀

出旺角之前
去左火炭拎返本特區護照
果然係好快手呀!!
五分鐘左右就已經完成左個過程
之後就向旺角出發

出到旺角
因為emily未放工
所以我先o係新世紀行下先
睇到d狗仔puzzle
細細幅
有d衝動想買黎砌
但係...
差唔多100蚊先得108塊
好似幾貴喎
唔係好捨得...
最後決定唔買住!

再去大眾書局
真係發現自己有舖買書引
明知自己冇乜時間睇書
但係又死都要買...
今日又買左兩本呀...

作者係比我更左撇既左撇子
書入面一d情節對我黎講都好熟識

食飯同人打交已經習慣啦
仲有用刀, 剪刀等都一定係左手
聽電話一定要用左手拎住, 用左耳聽
揹手袋一定係揹左邊...
真係多到數唔晒
好彩我用右手寫字
可以平衡下...

同emily o係新世紀食完飯
就向旺中進發
真係勁多人啊!
幾經辛苦
我買左一個手袋, 泳衣, 同沙灘褲
emily買左一個手袋同一條沙灘褲
好開心!
下個星期六去南丫島已經可以用!

睇緊香港先生...
真係...好唔掂喎
呢期都算幾經典啦!
真係求其搵個同事去參加
都拎到冠軍...
唔通香港d靚仔死晒?
阿媽講左一句好有point既野
媽: 唔怪之得你家姐嫁唔出!
絕對正確!

去yahoo拍賣場睇下d太陽鏡鏡時
見到一張好得意既圖

好可愛

經典騎呢一:

時間: 全個office hour
地點: 我後面個位
人物: 全office既同事
事發經過:
K同事今日成日開巫啟賢演唱會
猛咁唱太傻
救命呀!!
真係頂佢唔順
佢真係冇諗過自己會影響到其他人
又唔知自己把聲響
唱到成個office都聽到
下次又唔知開咩演唱會
受夠啦!
好多謝IT同事肯收留我
如果唔係
成日都要聽住佢既太傻
我一定癲

經典騎呢二:

時間: 5點多d
地點: 我後面個位
人物: 我, Eric, Will, 威廉, 積西嘉, 南
事發經過:
做做下野
突然聽到Eric"哇"一聲
然後呆左咁望住我後面個位
我又八掛走去睇下
見到枱底有個小風扇
我: 係呀, K話今日lunch去買部風扇返黎
Eric: 好熱咩個office?
之後就引左積西嘉過黎八掛
之後到威廉
到Will
一直睇住各位同事既反應
最好笑係威廉同Will既反應
佢地好突然既樣好好笑
最後仲引埋南老師黎睇
佢嚇到掩住面呢
好可愛
南: 冬天呢度會唔會有暖爐呢?
好好笑
之後佢地仲開左部風扇試下
威廉同Eric話真係幾涼架...隻腳
(因為放o係枱底)
佢地仲猛話如果吹起左條裙會點呢?
我: Eric, 你就好啦, K開左風扇, 你咪好涼囉?
Eric: 如果係阿清或者Esther坐呢度, 就會好涼. 但係呢個係K, 一滴風都吹唔到出黎
真係...搞笑
最後嘻嘻哈哈咁又到放工
我地應該多謝K
係佢將office既同事拉埋一齊
大家一齊玩佢...個風扇o個陣
真係好熱鬧好融洽
好溫馨既感覺
好似一家人!

晨早返到去
就已經忙到想死
真係有種
"你搵把槍殺左我好過"既感覺

10號食收爐宴
全公司一齊去
12號david請我地食飯
雖然同佢唔熟
不過大家都去
我又一齊去玩下

兩個副校睇閉路電視搵人
呢鋪真係好經典
全日冇見過某老師
懷疑佢簽左到就走左
睇電視睇到佢影踪
見佢o係學校游黎游去
最後打到電話俾佢
原來佢去左睇醫生喎
不過連秘書都唔知佢走左囉
真係人間蒸發咁呀!

普通話測驗
算順利啦
仲可以早放!