放左暑假啦
冇咁忙啦
但係個人都仲係好攰咁...

終於同d同事傾掂旅行既計劃
決定左去長隆樂園
暫時有五個人
我
積西嘉
威廉
Esther
Iris
唔知仲會唔會多d人去
希望人多d好玩d啦!

點解又要提起佢喎...
我唔鍾意你提佢
雖然明知你心入面只有佢
但係...
就係唔想聽到你講佢!
噢...

今日好多同事病假喎...
成個office都係病菌...
好危險呀!!!
幾時輪到我請呢?

今日終於冇咁忙啦
太好!
全靠Eric出手相助
終於KO左份功課!

食左一餐好豐富既晚餐
super sandwishes
yeah!
飽飽
耐唔耐要食餐好架
如果唔係個人點平衡返呀?

放學搭lift時
見到一個男仔幾ok架!
因為...係我鍾意o個種type囉!
之後一路都一齊走
(其實係咁o岩佢又係搭火車)
我地仲坐同一卡坐佢對面
真係火車上遇著他
嘻嘻!
呢種暗暗偷望既感覺...
好正!
最後...
我o係粉嶺落左車
佢呢...
應該係返上水!
唔知仲有冇機會見到佢呢??

今日中午
一齊去左金都食飯
慶祝安叔榮休
除左我地office人
仲有全部校工
仲有靚靚miss ling
大家都食得好開心

食完仲有禮物移交儀式
我地買左金俾安叔
雖然少少地
不過我諗佢係好開心
我地影左好多相
仲有大合照呀!

俾人偷拍左食野...
下次都係唔好俾阿Will拎住部相機
好危險!

今日著左條靚靚裙
終於有機會著啦!
雖然...
都係要加條牛仔褲

今晚約左太空人食飯
好耐冇見大家啦!
上次諗住去南丫島
但係天雨關係
見唔到大家
好彩今晚都約出黎食飯

放工出到旺角
見到有時間
先到電腦中心睇下d相機memory stick
睇過好多間
有平有貴
見到有間賣sony 2GB memory stick 35x蚊
真係平到你唔信呀!
不過打俾哥哥問過
佢覺得冇可能咁平
驚住個貨源有問題
我都覺得平得有d得人驚
所以...冇買到
最後
買左305蚊 1GB Sandisk
都ok啦
比我預期中貴左少少only
好叻呀
成功買到
其實一路行
一路好worry
因為...好多男人!
哈哈!
去泰國可以用啦

之後去雅蘭中心集合
先見到emma
後有旋...
上左去別府搵位
真係唔掂呀
俾張鬼咁難入既枱俾我地
我地有人著裙架嘛!!!
不過d服務同野食都唔錯
環境都ok架!
一人食左70幾蚊
比預期中平左好多架!

食飽又行下新之城同旺中
諗起...
我要買定多套泳衣喎
因為之前買o個套條褲仔...
細得滯
好似有d迫
其實迫都唔緊要
不過我驚...
著著下爆左咪大鑊??
都係買定多一套會穩陣d
肥...
真係麻煩!

又有機會同你獨處
係上天俾我既機會?
雖然...
同你之間話題唔算好多
但係呢種寧靜都唔錯...
可惜...
點解要提起佢?
無端端講起佢?
係想提醒你自己
你有個女朋友?
定係想提醒我
你鍾意既係佢?
好令人upset呢!

今日又出左柴灣搵哥哥
除左去佢個friend度剪頭髮+染髮
仲要拎部電腦俾佢幫我upgrade
同埋搞搞部mp4

去到柴灣就梗係醫醫肚先
o係哥哥樓下間cafe食
普通啦
我個長通粉又變埋意粉
哥哥就話佢個咖喱飯麻麻
整體黎講
可以接受囉

食飽就去剪髮啦
阿昌師傅都話我d頭髮真係長得勁快喎
你終於明白我既苦處啦...
佢好好人呀
幫我d陰做多次負離子
之後剪左個我好滿意既髮
仲做埋highlight!
真係一個好嘗試!
不過...
都有代價架
就係要由2點幾坐到8點幾
雖然而家個頭好靚
不過...
可能過多一兩個星期
就會變晒形
真係諗起都唔開心!

途中
哥哥o係屋企打俾我
佢諗住幫我整部notebook
不過...
佢發現少左樣野
原來...
我帶左插蘇
不過冇帶火牛...
整唔到
而家部電腦要放住o係佢度先
遲d再拎埋個火牛俾佢先整到
我...
真係好大頭蝦!

返到屋企
睇完大結局
再睇左周慧敏演唱會精華
正!
佢果然係玉女掌門人呀!
到而家都仲係咁靚咁fit
真係迷死人!