下定決心了
要把這個板板升格
記錄的還應只是日常的點點嗎?
其實早就有升格的想法
可是自己總是把期限一推再推
我就是這麼優柔寡斷!
對所有事也如此...

換過板面
就當是升格的開始

而我...
也要開始升格!
不可再讓人小看!

又黎到學校大日子
環校跑
咁就發現
自己黎左呢間學校做已經成年...
光陰似箭呀!!

今年我地office都冇派隊出去比賽
因為唔夠人
Iris又去左camp喎
呢男仔又好似唔想跑咁
不過威廉同dicky就幫左老師隊跑囉
我原本5點度都諗住走架啦
不過走之前又走左去睇比賽
睇睇下就唔願走
而且葉sir又搵我幫佢影相喎
所以...
最後睇埋威廉同dicky跑先走

臨走
katherine miss走入黎話有女同學o係toilet暈
我同佢就即刻衝去廁所扶佢出黎
威廉就拎輪椅
好多老師關心佢呀!
呵呵
個個都圍住佢問佢有冇事
家倫老師後尾仲o係office睇住佢
真係好好!

今日如果唔係你叫我過去一齊睇比賽
我一早就走左
企得好近
好似一對咁...
我又諗得太多啦...

7:45先走...
之後又走左出沙田
拎返支mask...
攰...

今晚約左阿牛同KK去沙田食飯
我地都好耐冇見啦
原本連今晚都冇得出架
因為小如囉...
又話唔得閒囉
不過我諗住橫掂都預左出去
所以就同阿牛KK出囉

o係等佢地既時候
我差唔多行晒個新城市啦...
又洗左好多錢...
勁傷!

大家都想食平野
所以就去左食表哥
話就話算平
但係我都食左成45蚊...

一見到佢地我就發癲
講左勁多白痴野
好耐冇試過笑到肚痛
(1) 橙汁先生
(2) 好cha
(3) 些屎

睇下你地個bbq約成點!
呵呵
靠晒你地呀!!

點解少左支mask架...
聽日又要出多去一次...

今晚堂bilingual editing幾好玩
教我地整cover
唔錯喎
好過平時齋講書嘛!

肥死
返到黎又食左成碗飯...
救命!
下個月開始跑步
(希望我真係堅持到)

原來蒙羅麗莎生完仔先俾逹文西畫
而呢幅畫就係達文西送俾佢既禮物
所以蒙羅麗莎的微笑唔係外界講咁
係達文西既自畫像
而係一份禮物
噢...
唔再神秘啦

禽晚同哥哥傾完
心情真係好左好多!
多謝晒哥哥...
已經諗到哥哥所講既無謂野...

今朝返工勁眼訓
真係坐o係度對住部電腦都訓得著
最後支持唔住
諗住沖杯咖啡飲
好彩有阿智拔啡相助
後尾美美見我咁眼訓
仲仗義幫我沖
飲左佢杯愛心咖啡之後
成個人醒晒呀!
精靈晒!

下午叫外賣食
間野鬼咁衰
明明約佢12:45送黎
佢夠膽死1:20先黎
真係餓到我頭暈暈腳仔軟喎...

食完飯冇耐又話食糖水
今次係阿南老師做老細呀!
好味!

我要堅強堅強
唔可以o係呢個時候崩潰...
冇任何野俾自己更重要
無人錫
就自己錫自己
無人愛
就自己愛自己
只要...做返自己
只要...開開心心
就夠啦!

玩樂計劃
(1) 去奧海城睇化石
(2) 去將軍澳睇爬蟲展
(3) 釣魚
(4) 睇戲
(5) 行山 (好友大狗去行山的話約埋我)