今日輪到你發脾氣啦!
發脾氣既你...都幾可愛!
唔好勞氣啦!
反正你聽日放假
可以休息下啦!

放左工我約左emily同sirius去睇太古城冰雕
其實真係冇乜野睇
好細
不過可以影相囉
仲有條小滑梯玩
都ok啦
難得一次囉

不過我地好搞笑
一路o係入面影相
一路驚個相機會爆
因為...驚住太凍嘛
我連電話都唔敢聽...

睇完冰雕出返黎
check返個電話
原來哥哥打俾我喎
佢果然係早左放喎
不過遲左啦
我都行完囉
原本都諗住陪佢行多次
不過佢話有朋友陪佢啦
咁我梗係唔去啦
慳返廿蚊!

食麥當勞
傾下計
傾下讀書
傾下做野
好開心!

今日勁大雨
我都算醒
著條裙同拖鞋返工
返到去都濕晒
咁就換返牛仔褲同波鞋

上bilingual editing skill
學做編輯...
唉...
邊有咁易丫!
頭o個一個鐘我勁釣魚呀...
唔知做乜咁鬼攰
之後食個沙津同熱朱古力
成個人醒晒
咁就聽足兩個鐘啦!
叻叻

如果唔係趕唔到之前班車
如果唔係因為等佢先去o個卡
我就見唔到你
遇到你係一個surprise
唔知會唔會有更多surprise?

今日...終於冇發脾氣啦!
叻叻!

d工作都開始清晒啦!
又叻叻!

今朝六點幾出門口行返公司
好清涼...
一d都唔攰!
聽日會繼續行

今晚返到粉嶺
行到屋企樓下
見到一個背影好似威sir
仲要住我o個座
好奇心驅使我追上去睇下
原來唔係威sir
不過都有威sir咁上下型喎
我仲不覺意望左幾眼
我發覺...
我真係越黎越鍾意睇靚仔

唔...
開始要迴避你既眼光!

那天你突然問我:
將來想買怎樣的屋?
我回答你:
還早吧...還要儲儲錢
你說:要先想好嘛

你知道嗎?
我將來想要一所很接近大自然的房子
最好有山有水
還要有很多空間
讓我可以養小動物

但最重要的是...
屋內有你陪著我
這樣就是我想要的家
每天起來第一眼看到你
到屋外散散步
吃過早餐送你上班
之後打掃做做家務
和我們的寵物孩子玩玩
準備好晚餐靜候你下班回來
坐在你身邊陪你看看電視看看書
睡前輕聲跟你說聲:晚安

這就是我想要的未來
我想要的生活...

Love me?
Love me not?

手執一朵朵小花
迷信又老套地占卜著
占卜著你對我的愛
占卜著我倆的可能
占卜著我倆的未來

是太傻吧?
但...這永遠是女孩子會做的傻事
再堅強的人
總會有軟弱的時候
這種傻事或許可以撫平人的心靈

愛你
你不知
就用這種傻事
當作向你表白的方式

另一方的你
收到嗎?