期待已久既南丫島游水團終於都去得成
之前訂好o個日天氣唔好
唯有要忍痛等咁耐先去
好彩今日既天氣真係唔錯
又唔太晒
又唔太熱
(邊度似大暑呀!)
一早就差d遲到
都係自己唔好
越執越多野要帶
搞到遲左少少出門口
好彩我同fanny都係趕慣返工既人
所以...極速出到中環碼頭
去到又極速食左隻熱狗頂下餓先
上到船
唔理三七二十一
梗係眠一眠先
防暈船浪既最好方法
去泳灘途中見到...
有家人養左好多隻好可愛既貓貓呀!
我地仲同佢地影左好多寫真呢!
第一站係盧鬚灘
水清沙幼既沙灘
冇洪聖爺灘咁多人
亦冇洪聖爺灘咁污穢
幾好
真係遠d都抵呀!
首先就梗係換泳衣啦
我地個個既三點式泳衣出動啦!
yeah!!
雖然我地都冇游水
但係o係灘邊浸下水都已經好透心涼呀!
重點係...
我地影左好多靚相呀!
游完水
換返晒衫
個袋...就重左好多
可能係因為d泳衣濕左水
好重好重
重到好似行唔郁咁
我同佢地講
下次一係要搵個近d既灘游
一係就要搵個人黎拎野...
大狗: 一係你就請個人, 一係就搵個男朋友
我: 咁虐待我男朋友???
我咁錫我男朋友
又點捨得叫佢幫我拎野喎!
第二站係阿婆豆腐花
上次太多人
冇晒凍豆花
今日終於可以一嘗啦!
正!
落到市集
又係睇精品
其實個人已經好攰
可能個袋真係太重
(下次都係揹返背囊!>_<)
個人已經冇乜心機行
加上最近冇錢
所以購買慾大減!
6點半就回程啦
我地仲可以睇到日落呀
好靚!
大家今日都好攰啦
返去早d休息!
右手好酸軟
禽晚拎完電腦
今日右邊膞頭揹袋
攰死! | 
