今朝起身太眼訓
所以冇去食早餐
訓多半個鐘好過

第一站係去魔鬼魚皮革店
入面除左有d手袋銀包賣外
仲有橡膠造既枕頭賣
李生李太又出招啦!!
我同emily就只係買左d鍚造既鎖匙扣咋

十點幾我地已經到左食lunch既餐廳
真係第一次咁早食飯
好彩導遊一早講俾我地知
所以唔食早餐都冇問題

食完lunch就搭車去機場
大家都好攰
所以一上車就訓晒
去到布吉機場又要搞一餐
行李寄倉呀
check in呀...
同小楊同金姐講byebye之後
我地就入閘啦
搭一個鐘度機去曼谷
又再轉機坐兩個半鐘返香港
曼谷個機場真係大d靚d
不過都係覺得香港o個個靚好多

返到香港已經7點幾
攞返行香
又辦下入境手續
差唔多8點離開機場
因為買得太多野
所以d行李好重....
真係辛苦...
上到巴士
有幾個大陸人講野勁大聲
好嘈呀!!!
落車已經9點啦...
返到屋企又整下d相咁
野都未執呀...

好享受布吉既寧靜
返到黎...
突然好唔慣...

今朝去左慈恩寺
一個好大規模既佛寺
仲見到隻佛寺收養既狗仔

之後又係購物時間
去左一個蜂蜜場
介紹d蜂蜜呀, 蜂王漿咁...
雖然唔算好貴
但係...前兩日我已經買晒d錢啦
所以冇得買
見到李生李太勁買...
真係有d驚

之後又去碼頭
坐d艇去食lunch
好有特色既餐廳
仲有一隻鷹!

食完飯就去攀牙灣
坐住橡皮艇
載住我地去睇鐘乳石同埋其他奇形怪狀既石
好好玩呢!
上岸之後我仲開心到連tips都唔記得俾呀!!!

下一站就係占士邦島
我地就o係呢度逗留左20分鐘
影左好多相

大自然景點之後
又係購物團
先係土產店
再到寶石店
不過...都冇用
我都冇晒錢囉

夜晚去左FantaSea食自助餐
FantaSea有布吉迪迪尼樂園既稱號
好細
不過都好多野睇
食飯o個度就更加金碧輝煌
勁!
好似去左皇宮食咁
我地成枱都有食魚蛋粉呀
好彈牙呀!
好味過香港o個d

食完飯行左一陣影下相
就去睇表演
保安真係好嚴謹
所有相機/手電都會收起
唔俾拎入場架...
有大笨象表演
好叻呀
估唔到動物都識得做戲呀!!!

返到酒店已經12點啦
仲要執行李聽日返香港...
好眼訓呢!

今日係自費去哈哈島玩
一早起身見到露台就知禽晚落雨黎
個天都黑黑地
已經擔心去唔成
食早餐時仲落出雨
我同emily都諗會唔會取消...

好彩最後都如常舉行
導遊小楊陪我地去玩
同禽日一樣
去到碼頭搭快艇去哈哈島
可能因為落雨
勁大浪呀
隻艇好搖
落船之後個人都暈暈地
有d反胃既感覺
要抖下先玩得
唔知係咪因為落雨
有好多大隻既紅螞蟻走晒出黎
成日都爬上我地身
emily仲俾隻螞蟻咬左一啖呀!!
好驚呀!

第一次玩香蕉船
首先係emily同一對couple玩
佢地玩左一個圈
最後o係近岸既地方俾人整反左
之後到我同李生李太
好正呀!!!
仲有李生教路
叫我地死夾住隻船
唔好俾佢反
因為我地諗住唔反
可以玩多一個圈嘛

之後我地就著住救生衣去玩浪
游到好出
等d浪湧埋黎
咁樣拋黎拋去真係好好feel
突然個天黑晒
有一舊好大既黑雲
我地就游得好快咁返上岸
之後沙一聲就落大雨...

我地唯有坐到食lunch
今日既lunch好豐富
不過就好多炸野囉

回程後
兩對couple去做spa
我地就返酒店沖涼訓覺啦
好攰
5點幾
有車黎接我地去食dinner
今晚食sabu sabu海鮮自助餐呀
都幾好味喎
我地六個人一張枱
都食左好多野呀!!!

食飽之後就去行芭東夜市
o個度好似蘭桂坊架
因為有好多酒吧同鬼佬
我又瘋狂買手信啦
銀包仔, candle, 涼鞋, t-shirt
買到有個團友問我地:
你地香港冇衫著咩???
呵呵
真係好搞笑!

今朝一早起身
先o係露台睇下海景吹下海風
之後落餐廳食早餐
個餐廳好有原始feel
又有雀仔o係側邊飛黎飛去
好正!
不過團友李太就慘d
因為佢好驚雀仔...

之後我地就坐車去碼頭啦
搭快艇去甜蜜島
我地仲坐艇頭
好正呀!
好似坐過山車咁
可能係快艇
所以我冇暈船浪喎!
叻叻
去到甜蜜島
都ok靚喎
我地o係度影下相
踢下水咁囉
本身可以玩獨木舟
不過我地驚唔知爬左去邊
冇人救我地...

o係甜蜜島食lunch
仲有孔雀一家三口陪我地
我地就覺得好好玩
李太就...噢...

之後我地又坐快艇啦
向鳥蛋島出發
真係好靚呀
可以話係水清沙幼呀!
陽光仲好靚呀
搞掂晒之後
我地就拎左d方包去餵魚仔
好得意呀
d魚仔游得超快呀!
想玩下水浸下水
不過...超級大浪呀!

o係鳥蛋島走左之後
我地就返到碼頭沖身換衫
之後我地, 一家四口, 兩對couple一齊去做"波地馬沙池"
正宗古法泰式按摩
真係好正!
第一次俾佢lock勁同lock腰
好舒服...

按完之後車左我地去腰果廠
勁買手信俾屋企人同同事
真係買到發癲呀!

夜晚去左文化村食dinner
都係清淡既一餐

今朝晨早就揹住行李
登上機場巴士
開始向我期待既布吉出發
去到巴士站等左好耐都冇車
差d遲到呀
去到機場報到好
就去左大家樂食早餐

成團人有兩個大家庭
一個四人家庭
兩對couple
原本諗住識返個靚仔團友
但係泡湯了...
上到飛機
已經好興奮
望出去個天
真係好好好好靚
去到布吉既上空
就更加...嘩然...
靚到...想即刻跳落去
個海真係...綠色架!!!

布吉既入境手續好慢呀
可能counter少啦
又可能...泰國人做野優悠d
等左好耐
終於辦好晒手續啦

第一個景點就係布吉既shopping mall
central festival
都幾大
幾多野買架
不過我地冇買d咩
因為我地覺得價錢偏貴囉
去左supermarket
我地就買左d零食
準備夜晚返到resort食
o係central festival走時
我地換左架大車
架車好靚架!
真係VIP服務

晚餐前
導遊帶左我地去一個小果攤
我同emily就買左d山竹

夜晚去左一間中餐館食dinner
都可以接受既
d餸菜好清淡
有乳豬食
不過...大家都覺得隻乳豬唔好食
所以...食剩左好多

夜晚返到resort
ok靚架
好清靜
o係半山架
好舒服
我地入到房
發現...有露台架
出面有海景睇架
雖然已經係夜晚
睇得唔清楚
但係吹下海風
聽下浪聲
真係好正呀!
之後沖好涼
我地就睇電視
食小食
飲汽水