究竟...
幾時先可以脫離呢度?
對住一個咁既人...
太討厭
最衰自己唔爭氣

今朝又唔知醒
廿幾蚊的士錢...
貴左咁多
係咪司機呃我架!!

無驚無險又過左一日
好鬼悶...
d同事猛餵我食野
齋燒鵝
阿Will既半包威化餅
大家開始為食啦!
都係范sir唔好
買左咁多野食俾我地
搞到我地成日掛住食

搞錯呀!
人地放工就唔落雨
我一走就落狗屎...
唔開心呀!!!

又去同妙妙食飯
食泰國菜
兩個人食左三碟野
唔貴喎!
仲有糖水送!

真係估唔到我原來咁緊張...
只係一粒種子...
原來對我黎講可以咁重要
本來都諗住跌左就算
但係諗諗下...
呢粒種子係你俾我架
係你有意無意間俾我...
如果跌左
就連唯一屬於我同你既野都冇埋...
好彩執得返
期待佢長出幼芽既一日

貓貓用佢好誠懇既眼神望住我...
但係我唔可以拆散佢一家...
好想養晒佢成家
但係...
咁樣我會破產

好擔心肥哥
希望佢快d好返
至少...
唔好咁痛
唔好影響到佢生活...

好一個星期日
又係o係屋企無無聊聊咁過...
冇人陪既日子...就係咁
落足一日雨
咩mood都冇啦

聽日返工...
真係唔知有乜做喎
好似...
乜都清晒啦喎

聽晚有冇得去睇達文西密碼呢?
好想去...

好嬲呀!
今晚冇得睇王子變青蛙
做公益金
都唔好睇...
搵埋d唔識唱歌既人黎唱
又學人拍廣告...
我阿媽睇到訓著左...

今日同細佬, 表妹出左尖咀
行街囉...
仲要上到火車先記起今日pre-reg
咁都出左門口上埋車囉
冇計啦
唯有求救
最後好彩有簡簡同少茵拔刀相助
順利完成!
再一次證明city既server係勁cheap!!!

得個行字
又冇買野
想睇達文西密碼
又冇晒位...
得返10點場
睇完都12點幾
唔想咁夜返屋企
而且表妹要自己返去
咁夜好危險...
反正我遲d睇都得

行去美麗華時
見到封左路
d警車走黎走去
好多警察企o係條街度
一度懷疑會有槍戰...
返到屋企睇新聞知道有劫案...
好彩冇撞正d賊
容乜易做左人質架

第一次食元氣
都幾貴喎!
不過我細佬減緊肥
表妹又細食
所以三個人都係食左一百四十幾蚊
但係就唔算好飽
返到粉嶺仲要食多杯手作之店ice-cream

睇左電車男
覺得愛瑪仕真係好靚喎
好高貴
好甜
如果...
我都可以好似佢咁就好
要努力培養下d氣質!

悶悶悶...
快d放假!

我既路應該點行?
厭倦左平淡既生活
究竟...
呢個世界係點?
已經唔再滿足於睇向世界出發
好想真係親自向世界出發
但係...
錢係一個問題

今晚睇新聞透視
濕地公園就黎開幕
好似好靚喎!
好想去睇下...
下個星期六去下先!

長遠目標...
烏魯木齊
不過首先要儲錢...