自上個星期因為個話劇而一直在忙 到今個星期就一直為大測去忙....而且現在已經是星期四了 真的過得很快+_+"下個星期就正式踏入大測周了...希望大家都比心機啦~~

琴日就唔知點解同左王子去踏8號車~  點知見到杰杰喎~~跟住之後幾樣衰丫~ 架車踏到去鏡湖果陣我就落左..點知王子落唔到 (因為多人既關係) 要等到下一個站....跟住我都呆左唔知點好...走傻傻地走去追下一個站...其實我都唔知點解要去追...點知我追到過去果陣架車都走左好遠了...當時 王子都落左車 唔知行左去邊度了 ......但係就比我追到杰杰呢@_@ 點知佢唔返屋企 想同我傾下計咁~依家諗返起~我同佢上一次見面一齊吹水都係幾個月前既事囉~~我地就一齊行左去我屋企附近既海皮 穩張鄧就坐低左~我地傾傾傾傾左好耐~ 我都唔記得左由幾時開始傾囉~ 剩係傾傾下個天就黑左~ 原來係7點囉@_@

不過如果我琴日唔同佢傾過計我都唔知自己原來係 呢段時間發生左好多野 我都諗左好多野 杰杰說我成熟了 呵呵~ 長大了就可能吧 成熟就說不上了~彼此都說說大家的近況~呵呵 似乎都有煩惱呢~ 而且我再一次明白了 想得到幸福 真的是要靠自己去爭取的~ 可能吧~我都不敢去判斷了

哇哇哇...好忙丫 第一日返學個個都趕頭趕命咁抄寒假作業+_+ 我都唔例外 我都係今晚比較得閒先至打到BLOG炸..琴晚為左準備今日個歷史小測 溫到好夜呢 不過皇天不負有心人既...今日個歷史小測都識~高興的說 阿JOHN又話要默MEANING 但係佢似乎唔記得 ...好事來既 d理科都係咁上下.. 物理就訓教 數學就唔知佢講咩 歷史就訓下唔訓下咁 語文就係度聽個班主任係度聽佢吹水 英文都係咁上下 都係好趕

我既寒假好悶架..頭果一個星期 唔係打機都係訓教 係最尾果5日返左大陸 去左我大嫂的屋企~~ 東莞耶~ 果度係一個發達既城市呢~地方又大又靚喎 唔似得我地想像既鄉村地方咁落後架 有一日去左個5星級既半山酒店 哇~~簡直係超掂 由於佢真係半山既設計 所以好多天然既靚景 尤其係果度果個湖丫 簡直係清可見底也~ 

我係果度住左5日~果5日都無咩特別野做既..唔係同佢阿妹睇電視就係去佢d親戚到拜年 佢d親戚個個都好闊綽耶+0+ 今年既利事$都比我以往既多呢~ (至於幾多就不方便透露啦~~呵呵)  最奇怪既一樣野就係...唔知點解到左依家我都無法抽離係果邊既生活..=..= 你地會覺得好奇怪 唔係應該倒返轉架咩....應該唔習慣果邊既生活又係既架?  我自己都唔知呢 可能就係住左剛好5日..岩岩開始習慣到果邊既生活 岩岩搵到係果邊既生活方式  但係就要即刻返返來澳門  感覺上好多野都好怪..但係又講唔出係咩咁怪 返到學校又係咁+_+ 我都唔知自己痴左咩鬼線....可能又要住返三五七日適認返先得了-3-

呢幾日踏車既時候都遇到唔少熟人~ 有個仲係以前小學既tim~雖然話以前小6都係同一班既 但係升初一果陣我都唔知佢都係轉來ky既~ 我都係初二果陣先發覺到佢既存在 呵呵 平時係走廊到見到都係say 個hi 咁 不過係呢幾日咁岩係踏埋同一架車 都無咩話題講 可能大家都已經成長了吧 呵呵

哇...呢排D天氣都唔知搞咩 一時凍一時熱咁.....寒假前都仲OK涼爽 一來到大年初一就即刻凍左 仲凍到好犀利 屋企所有既大衣都比我著哂上身....

不過我相信除左呢個話題之外 我諗仲有一樣比較熱門既話題 唔知大家豆左幾多利事呢~ 大家都心知肚明得啦 唔好講出來...每逢每年呢個節日~都有人歡喜有人愁的呢~有人愁自己的利事$唔夠多買唔到自己想要既野~有人歡喜今年既利事$比上年多 等等啦~ 我就係果種歡喜既~ 今年似乎又比上年豆得多呢~ 但係都無自己想要買既野 D新衫褲鞋襪都係媽咪同家姐出$買比我地既~所以今年都算過得OK架啦~

不過咁岩丫 大年初一撞正情人節 我相信今年會製造出更多既小情人呢 呵呵 反而本來是情人的 係今年既情人節卻要分開呢....額 大家唔好誤會 我既意思係話 咁岩撞正新年 要返大陸 -..-"  不過點都好 天氣凍丫 唔好冷親之後讓另一半擔心啦~

我都祝有情人既就...白頭到老啦下~ 無情人既就盡早有情人~ 我故祝自己快D搵返個情人啦  哈哈~

今日其實真係幾特別 年初一+情人節 我唔記得左聽邊個老師講 如果要再一次撞正年初一+情人節 好似係44年後耶+_+"" 如果今年既情人能夠一直到44後既今日 相信呢一對情侶天下無敵了~~~

當然 係d咁敏感既節日 當然係有歡喜有人愁架啦~~ 有另一半的 會份外甜蜜蜜 無另一半的 就要更加努力的去尋找哦 呵呵~~我都要努力呢~ XD 今晚我特別興奮呢 唔知點解 -3-? 仲有遇到一件比較得意既事 玩玩下facebook既時候居然有個陌生人add我喎...咁岩我得閒 咪同佢吹倆句囉~ 原來佢都係ky既學生來既 不過佢既讀書生涯比較有點不順利 他和我同年的呢 但還在讀初二 原因是什麼...就不說了 畢竟是人家的資料喲 

我倆談了接近2個半小時 跟住佢眼訓就訓了 佢居然可以同一個陌生人談及自己身邊既事 甚至是過去既感情事 可能都係情人節既關係吧.....都會比較敏感的  當然 每一個人既感情都是非比尋常和奇妙的 他也不例外 我聽完他的故事之後 佩服的是他的勇氣 敢於去愛 敢於去放低 本來我不相信佢可以完全放下過去美好的回憶 但是他之後還和我講一些實際既行動 是為了要真真正正的放下 當時我是呆了 是真是假也好 我都有所感觸 今一次是非常大

難道就 你去信一個人 真的那麼容易嗎? 盡管在他面前說多信任他 但內心仍存在矛盾的話 那你就不要去寄託這份意念了 如果不是的話 彼此之間關係會不知不覺出現裂縫 或許你能欺騙自己 或者 蒙騙他人 但你的內心仍存在許多許多的掙扎 一直只會過不了自己的關口 最終只會令大家有一個無法修復的傷口

難道說 你想去愛一個人就可以去愛嗎? 盡管你在她的面前說你多愛她 但在眾人的面前你卻不敢承認 那就不要去愛了如果不是的話 你們之後的相處會慢慢變得痛苦 或許你能面對她 但面對不了眾人 因而 她無法面對沒勇氣的你 最終還是破裂收場       

難道想放下一段過去的感情 就能夠放下嗎? 盡管你在全世界面前說你已經放下了 但你的心還未準備好 那就不要放下了 因為 現在的你對於過去刻骨銘心的感情 仍在有留戀  或許你能選擇遺忘或者填補 但你的心畢竟還在她那兒 因而無法面對這樣失敗的自己 最終只會令自己愈陷愈深

我都唔知點解 突然會有呢個靈感 諗到以上既野 可能同我近排的遭遇 唔多唔少都有關係吧 不過點都好 希望大家做咩事都係三思而後行~咁樣對自己 對大家都好~ 

今日已經係星期三了-3-" 大家做過功課未呢 而我呢 梗係掂都無掂過架啦 不過呢排最大既感受就係熱左好多-皿-"' 呢幾日我係屋企都係著短衫短褲 超涼爽的說~~好似軍訓果陣咁>.< D氣溫岩岩好著短衫褲

今日我同我阿哥去買衫買鞋果陣 行到出哂大汗...我地由屋企行去義子街 在由義子街行去佑"汗"..其實我地本來都唔想行到咁遠架  義子街果度係就係有好多鞋同衫 不過有90%都係女裝.. 本來以為行去佑汗既情況會好D 點知原來唔係既..

行到過去都已經成身大汗了 又累又熱....最後我同我阿哥都唔諗多了..係咁以一人買對鞋 意想不到既係 倆對鞋既預算比我地所諗既仲要低 然後就一至認為 買埋衫先~ 係佑汗果頭..都係無咩岩心水既...多算都係阿婆裝 結果我地就行返去義子街睇......係咪覺得我地好ON居呢... 不過唔係既 主要係咁岩佢今日唔駛返工 我又得閒 所以就一次過買 費事遲D先買..我地都怕麻煩 想一次過搞掂佢

行返去義子街既時候我地倆個都已經頂唔信了.....所以就求其買左倆件合眼緣既就算了-3-"   不過今次都算有收穫丫~

仲有一樣奇怪既就係 好多人都打來我屋企 但係每次咁岩我都唔係度+_+" 之後佢地又無打來喎 我又唔知佢地係邊個喎 今日我老豆話我返屋企前幾分鐘有人打比我 我老豆話係XX打比我....然後我打哂問號 吓...XX係邊個來架+_+?? 90%係我老豆聽錯....

唉 唔通呢個假期每日都要咁樣過.....我唔制架-..-" 我都仲有樣野做既 就係話劇啦...唉  之前  D朋友 放學既時候問我:點丫~放學之後有咩做丫?   RE: 練話劇丫...  放假之前果一日問我:放假有咩搞丫?  RE: 排戲囉~  每次問親你都係要練話劇既 幾時比賽丫?? RE:月尾囉..  

唉 除左咁樣之外我都唔知點答你地既 仲有人問過我 話劇好玩咩? 我就會話:唔知架   其實我自己都唔知比咩態度比話劇既 只係有一種唔想咁輕易就去放棄既感覺囉