今日已經係28號呀~仲有3日就要返學嚕~講真丫~我真係未爽夠 岩岩先至有一個月免費任玩~唔想咁快就因為返學搞到無得玩耶XD

琴日好爽 家姐買左部新手機 意味著 佢舊果部就比左我~話就話係佢舊果部 但係睇起上黎都好新丫~ 超正的說

呢幾日都係過得咁上下 晚晚就同班FD係網吧打機~打機就返屋企訓教~ 訓醒教之後又係打機 唉...

前日夜晚就過左去杰杰屋企傾通肖計 唉 人家超幸福的說 即使有我既存在 亦到沒法阻礙到佢同佢老婆既甜蜜 我地傾左D咩? 咪又係我D野嚕~不過諗諗下佢都講得岩既~我真係顧慮得太多野嚕 或者我係受左我家姐果套"老姑婆"既思想所影響 搞到太現實嚕  雖然我唔可以否定我家姐所講既野係錯 只可以講既係 佢唔想拍拖姐~唔代表我唔想架嘛 嘻嘻

所以我決定左嚕 都點要試一次既~成敗與否 其實都已經唔重要嚕 我覺得我應該要沖破自己呢個心理關口先得~加油呀榮榮~

又到我發癲既時候啦 發咩癩呢?當然就係感情事啦 我感情既事又有咩好發癲呀?就係咁既 人呢 就總係會發春既 尤其係我呢種正正踏入青春期既年輕人 發春期係會比其他人 持續既時間會特別長 特別敏感 而我真真正正既發春期係幾時呢?

應該係初二果陣 不過果陣所發春既對象 其實依家諗返起都覺得自己果陣時好傻囉 居然覺得佢會中意我 初三既時候就中意左一個唔應該中意既人 不過唔係佢既話都無今日我既我 不過果次真hurt得我緊要 第一次因為感情事既喊左出黎 就係經過左初三 我份人就開始變得感性左 好多野都好容易打動到我既內心 可能是曾經寂寞 空虛過既關係 黎到高一啦 就遇到倆位 過去果幾年都未遇過既新對象 初頭都覺得自己有機會 但後來就發覺 原來自己不是果個level既 所以我就當今次係一個很好 擴闊自己視野既機會 去到高一後期 就好沖動咁中意左一個女仔 而且又好沖動咁同佢表白左 雖然果陣時佢都無咩表示 但自從果晚同佢表白左之後 面對面既時候都好怕羞 某程度上黎講 亦都可能係因為我既沖動 令到倆個人之間既關係..又唔可以話係拉近左既 只可以講係唔同左 "對方既存在性"呢一種感覺強烈左

初時我既表白都只係沖動 甚至有少少後悔tim 不過同佢係學校再相處耐 我發覺我自己愈來愈在意佢既一舉一動 愈來愈在意佢既野 可能我真係中意左佢 雖然唔稱得上係愛上左佢  有時候我都覺得佢係中意我既 當然 呢d都只係我個人既猜測 有人會覺得好奇怪 點解表白左 之後就唔係拍拖 反而係2個人既認識多左既呢?可能過去既經驗教訓我 叫我唔好咁盲目去愛上一個人 所以我對於呢家會特別敏感既小心 好多野都係用一句 "睇定d" 黎包括哂

亦有朋友鼓勵我 佢覺得我地倆個關係都唔錯 點解唔真真正正咁去同佢拍拖呢? 我都唔怕係呢度講 第一最基本既野 我無經濟能力 依家我係咁解釋佢既 : 我會怨自己比唔到d咩佢 更說不上是幸福了 呢個係現實既想法 同時亦係我依家唯一既問題

有人會同我講 趁依家暑假 搵份工咪得囉~ 遲d點? 咪一邊讀書一邊打工囉 面對呢個問題 我每一次都答唔出 總之就係眾多既原素而令我卻步 有朋友會同我講 諗咁多做咩丫 趁依家仲有機會就上啦~遲d想後悔都黎唔切嚕~對於呢個問題 我都係唔知點答佢既

但係到左依家 我可以歸納一樣野 就係-----現實(錢) 有人會覺得 愛情邊可以用錢黎同佢有掛鉤 係 愛情係唔可以用錢黎同佢掛鉤 但係至少要達到平衡 或者女方可能唔係幾明 但係男方係呢方便就不得不考慮

講到尾 我依家同佢既關係係咩呢? 我都唔清楚 朋友? 睇起上黎係 但感覺唔似 聊天既話題比其他人還要少 難道是已經達到男女朋友的關係嗎? 這個感覺更沒可能 唉....佢既野我只係知得咁多 我所認知到既都係得咁少 而且近這倆年 家人既思想 所滲透給我的就愈來愈多 愈來愈現實 睇黎我真係會變得愈來愈老(思想上)

~~~~~thank you 睇完全文既人~~~~~ 

哇 好耐無打BLOG呢 講一下呢拾幾日做過D咩黎啦

拿 每逢朝早呢 正確D黎講都已經去到中午嚕 因為日日都訓到成差唔多點幾先起身

去到下午 多數都同以前班小學同學一齊出去吹水打機

去到夜晚 食完個飯就又出黎打機吹水....無架啦 係咁多

有D咩特別野做呀.....

係前日嚕 去探訪老人院 當然 都係跟學校既義工隊去既 果日都幾得意丫

我本人都係第一次去參與呢D活動 都學到野既 ^.^

而且仲同2個FD去左食甜品 講開又講 果條友一見到甜品就生猛.....可怕

仲有D咩 呀 有既 就係同去游水嚕 唯一想去做既運動.....

游水呢家野 我一試便愛上 呵呵 講起我幾時係第一次游水既呢?

聽我屋企人講就係幾歲大果陣係呢個黑沙既游泳池 佢地話我果陣時係浸親 之後好驚水@_@

佢地係咁講 我梗係唔記得啦

不過我依家已經學識游水啦 又唔可以話係好識游 都係志在玩水同埋同自己既fd吹水既姐

依家個暑假仲有拾幾日就要結束嚕 不過諗返起其實今個暑假 相比起過去果拾幾年黎講 我覺得係過得比較特別

係咩原因呢 我都不知道從何說起嚕

仲有 我發覺我感性左好多 (拿 要睇清楚 係感性 唔係性感)

因為我發覺自己睇親d慘情既電影我都會忍唔住喊果啵

而今晚 呀唔係 係琴晚 我睇一套 關於狗狗既片 我喊到好西利 但果陣時我同我家姐睇 我唔敢喊得咁大聲 不過我覺得佢都喊左出黎

可能以前細過咩都唔知 係經過左依家呢個青春期(當然啦 我仲未完成經過哂) 發覺好多都會...可以話係諗多左

@_@

今日已經係12號

話時話 放左暑假已經拾幾日啦~(例排開場白) 做過D咩呢?

就係晚晚好夜先出做一D無聊事 做到1-2點先返屋企

係呢幾日 我見到好多我地教業既姐弟 (當然我係唔識既 但係認得佢)

佢地做咩呢? 梗係啦 夜媽媽見到佢地都無方好野既

食煙既食煙 學壞既學壞 咩都有齊哂

.................................................(換言之 我所做既野都係唔方好野黎既>.<")

有D人就好啦 一暑假就同屋企人周圍去

旅行既旅行 返大陸就返大陸 好羨慕丫

係琴日就有個FD過日本 係前幾日就有個唔識游水既FD過廣州水城玩

好過份丫

我唯一既樂趣都係隔幾日 同D家姐/朋友去游水呀 仲有.......無嚕....

唉 唔知呀~ 唔知依家想點 

今天是8月3日了 自暑假開始已經放了不知道多少天的假期

每天都無無聊聊的過著 每天都到著同一個地方消磨時間 同著同一個地方和朋友一起無聊著

原來我是有暑假目標的 可是經過這幾天無聊的洗禮 那個目標已經不知道跑到那兒去了

呀 時間呀 求你別過得那麼快

未來快有事情要忙了 社工呀 話劇呀 現在的我都沒什麼心機去理會 限期到了 才行刑吧...我才不管了

這幾天我簡直是瘋了 我正在做一些我自己都不清楚的事情

除了每晚不夠2點就不回家睡覺之外 還有一件是我認為是 理解不了的

唉-..-" 而且我覺得自己真係好無用 諗法就有 辦法就無