今日已經係星期二啦~距離升班試仲唔夠4個上學天 哎呀...依家真係好驚呀~好驚d 數理化...依家連英文都要驚埋一份...聽日就要開始比阿john特訓了 鬼叫我英文大測唔合格咩....雖然今次扣分既源頭已經唔係correction 但係其他都扣得好利害.....不過都好既 佢肯同我地溫都好過無...

呢排開始聽返書..但係都唔係好明佢miss sir講咩..可能之前無聽既關係 搞到連接唔到...哎 唔理了 執到幾多就幾多了.....語文堂又係吹吹下水就過 英文堂就係咁趕返d未做既內容 數學就開始同我地復習 物理又係...不過我跟唔上佢既節奏 化學又話要趕課程 點知佢上親堂都係講d課外野...真係頂佢唔信 地理都係咁上下 係咁逼我地回答問題....歷史果方面 果個miss要我地聽書 仲話 唔聽書 唔著數既係我地喎.......最點係 聽左 = 無聽  我地又唔會做筆記既...淨係抄d 佢叫我地扮既野...話唔定就係呢d......

現在的學業都足以令我煩惱了...哎....都沒什麼時間去打機了 這樣也是一件好事來的~~呵呵~ 依家訓教定時左 飲食都要定時 前排可能成日都唔食中午飯 搵到個胃有d問題 不過依家無嚕.....

哎 有d人一懶就會肥 而我呢...一懶只會更加瘦....好多人都叫我食多d野啦咁....我都係回答返果一句 唔係我唔想食 ( 正確d黎講 我平時三餐都食好多架 ) 而係我唔吸收耶.....來自我母親的遺傳 睇黎我呢一世都好難肥得起....哎

星期日 去左佳景玩溜冰~~哈哈 我懷住呢個卜街既決心去學 結果呢...不過不失啦~ 都總算學會啦~雖然還不能像人家似的溜得那麼純熟~ 唯一令我驚訝既就係 出奇地多人去 差唔多3分之1班人都去哂 我地溜完之後 上去食野 我地踩足半個場~ 點知見到我地班有一個人係度做兼職 呵呵 食完野就去埋隔離打機 成班麻甩老係度玩打拳 ( 說明一下 我不好呢D野既.... ) 玩左好多場都打唔到一罐可樂 XD

哎...又到左星期一了 盡管前一日玩到散哂 但係返到學又要為自己的前途博殺了...最麻煩的始終都係會話 哎....而且完全無頭緒要點做 呀呀呀~就黎癲了 關於督課既問題 諗諗下都係報讀好了....始終我都係補考升上黎 高一既....都係以防萬一就好了...

哈哈 我最喜愛的就係現在這種  平穩上升的關係~XD繼續加油~~YO~

久違的運動---游泳 今天解放了~ 和一班人去 不過今天的我實在不行了.....可能是平時少做運動 游半個round已經喘大氣了-3-

玩玩下王子又黎埋....佢個樣好有決心咁同我講佢要學游水.....不過佢都學得幾快既~而且學游水真係唔係朝一夕既事 我果陣都學左好耐 ~~

聽日就去溜冰了...今次這玩意就要請教王子了 他話佢果陣學左個倆鍾就識了@_@ 唔係係唔係真係咁易學既呢~~唔知聽日要摔幾次呢....

今日一早返學既時候 物理阿SIR 伍伯伯走左入黎問我地班 一個已退了學的人的問題 跟住我地既物理科代表就上左去囉物理卷落黎派.....呀 哭呀 我之前都以為今次實合格都不突止 仲會高分既TIM 點知得58呀~唔制呀 明明題題都識做 就係唔知點解神差鬼推 寫漏左好多野 哭 係測既前一晚我仲同隔離果個野傾電話研究 傾到點幾~....當然 我係接受唔到呢個消息 好傷心  所以就第一堂就訓教訓左去了...

放學前佢就比左個佢自制既蛋糕仔比我食~雖然唔係話好好味啦 但係始終都係佢自己整既 係咁上下啦~~但係唔知點解 佢比完我食之後就怕怕羞 急急腳咁走~ ^,^  下午上體育堂果陣佢問我味道如何 我當然就指出左好多缺點出黎啦~但係最後都補返句 : 不過點都好啦 都幾好味既~下次可以整得好食D既~ 唔知係我特別留意定係點啦 佢比我既反應都唔錯~ 係一個咩反應?? 我都唔記得囉 哈哈~

今堂體育堂居然係玩跳遠喎....打頭陣既係我地腳長既志遠 佢用佢自身的速度和高度 加上地心吸力和慣性 一跳就跳左大半個沙池咁遠 當時不只是我 全部人都看呆了眼 哦的一聲...然後全體靜了下來....再也不打罵玩笑了 原因是什麼...我也不清楚了 不過我都唔差姐~都跳到有半個咁遠 嘻嘻~~不過我都係比較想玩跳高多D(流口水)

期待今個星期六日呢~哈哈

今日中午果陣....我地班友無野做 係度玩羽毛球接龍....超搞笑得說 係度不停幫其他人加插 "優點" 和 "特點"  飛機場呀.....腳短呀....豆鼓眼呀 咩都出哂黎~早返黎學校既人就有野睇~晏返黎果d就唔知咩事~哈哈~~

唔知點解今日過得特別的踏實 可能係守得雲開見月明的關係吧....其實我都唔知點解 總之今日就係玩得特別爽 笑得特別興奮 而且今日功課唔多 係督課堂果陣個個都癲哂...尤其係阿銘果邊....同班女仔玩到痴哂線 男既就風度盡失 女既都唔差....儀態走哂.... 而我呢就係一二角度作果份會話既講槁 經過前幾次的經驗 費事到左前一日先臨時臨急黎搞.....

今個週六和日都有事干~星期日就同班友去溜冰 本人是不會玩這玩意的......不過都沒關係的 志在夠多人嘛 我就不相信自己學不會 哈哈~~

加油吧 我相信果個關係遲早都會達成既!!!