係今日我有幸取得去璟藝生日paty既資格 免費食左一餐 我係呢度先多謝阿璟藝先
係黃昏既6點10分 我沖左個涼 洗左個頭 打扮一下 已經去到6點35分 我望一望條街 見到都ok塞車咁 所以就提早落去踏車 驚遲到 點知原來都唔係好塞....我去到新馬路落車果陣先至係6點50分 我見仲咁早 然後就諗住打個轉咁去先目的地 點知就比我遇到錫仔 跟住倆條友都見仲咁早 就一齊無無聊聊咁打個round 因為我地倆個都驚太早....但原來我地錯了
我地大既7點5分到就上到目的地 原來都已經黎左一半人囉 @_@ 我仲以為肯定一班人遲到tim 不過d女仔都係例排遲黎少少既 我地一直等到7點半到 d女仔就陸續黎到....我見到佢地之後 突然有所感嘆 我所感嘆既野係 d女仔一放假就會大解放...-..-" 我唔可以話佢地化妝化得好行 不過就同平時都有ok大既分別 正確d黎講 我唔係好睇得慣佢地化左妝之後個樣 靚就梗係靚架啦 女人天性嘛....
d人黎齊既時候 大既都已經係7點45-55到 跟住就上菜了 很快地 係8點15分 (我最記得係8點15分 因為波波特登提起過....) 我地以為仲有野上既時候 點知原來已經係上哂了.....當然 有部份既人有點兒不太滿意 不過去到最後 大家都覺得沒所謂既 都係為左慶祝璟藝生日既姐
然後係8點30分至到9點10呢大半個鍾頭里面 d女仔就不停咁影相 當然我都唔例外 不過我都係拍片多 嘻嘻 之後我地吹左一陣水之後就散了 跟住班人諗住去dook波 但係田生係度......然後就諗計甩掉佢....
我地就分成左3批 用分散注意力既呢個招數去甩掉田生 而有2個就先去目的地 最後我地係9點30-35分就係新苗到集合 班友就係新苗門口就搞事....有2個女既就係個梯級到影相 美芳果d搞事份子就圍住部公仔機隔離果部野 我地呢.....就扮唔識佢地就算囉-3-""
大既9點45分 我地就開始出發去目的地 途中班搞事份子話玩快閃.....我都費事陪佢地癲 .....9點55分 我地到達目的地 之前已經到達既果2個人已經開始玩緊 跟住我地個個都興致勃勃咁拿起支棒係度玩倆手咁 (盡管有d係唔識玩既)
去到10點10分 雯靜想返屋企 始終都夜 而且佢都有打扮下 作為男士既我 無理由唔送佢返屋企既 而且其他人都無異議 (應該唔會有咩異議呱)
係途中仲落左幾滴雨 仲以為會落大雨tim 點知都無 一開始都無咩傾既 但係去到佢屋企留下既時候 佢就突然爆好多野出黎......可能我果陣都累累地 都只係聽佢講 無咩回應佢>.< 女仔係咁架啦 比佢發洩一下 爆下野就會舒服好多架啦~
跟住我就返返去波場 郭生佢走左 原因係他的母親call佢 結果最後剩返嘉彤 王子 美芳 阿萍 錫仔 波波 同我係度dook多陣 大既去到11點既時候 大家都覺得累囉 我地送阿萍 嘉彤 and 錫仔去車站 之後 我地就各自歸家了 回到家中 我看看時間 已經係11點35分了
今晚既行程已經完滿結束了 總體黎講都幾好玩既 不過我既焦點都集中係某幾個化左妝既女孩子身上-...-" |
