我頭先唔知點解突然諗返起 我地依家高一果班里面 有好幾個都係以前小學識既 但係就唔熟~可能以前細個果陣咩都唔識 咩都無留意 而且依前小學果陣年年都分班既 所以感觸不大    不過到左依家 我又同返佢地接觸 但係感覺就差得遠了

 到左依家 感覺上係要重新認識過佢地咁 但係繼續保留下來既 就係以前果份童真係度 唔知點解 同親佢地講野 傾計都好 都有一種莫名其妙既親切感係度 唔怕話有D咩隔膜係度 縱使以前唔熟都好 依家都好似老朋友咁

雖一變左既 就係身邊既事物 自己既性格 無可否定 咁多年里面 人肯定有改變既 更何況係呢個階段 大家都變得成熟了呢 沒細個果陣咁貪玩 可能大家都意識到 要面對自己既將來 面對自己以後既路 覺得不應再好似以前咁 咁幼稚 咁天真

我也不例外 但我雖一比較特別既 就係 我會繼續開心咁笑 開心咁面對我既將來 縱使失敗了也好

呢排唔知點解都唔想打BLOG 總覺得有種 不能用三言倆語就能說清楚所有野既感覺 所以便覺得難以下手打BLOG 索性唔打嚕~

已經係第4段了 我究竟做咩呢 第4段先黎打機 一打機就覺得時間過得好快 好容易咁逃避好多野 好容易咁錯失好多野......

前幾個星期 我唔小心比我母親睇到我果張23分既大測卷......佢唔係好惡咁罵我 而係語重心長咁話我 我睇得出佢其實係想關心我既 但係佢唔識 我唔知點解好反感 仲同佢頂到好行 我細家姐都睇唔過眼 但係佢都無話我 就捉我每既都溫數學

係前幾日溫完之後 我突然之間提起左 對於某人和我之間呢種咩都唔係既關係 既時候 佢就一輪嘴咁同我講左好多關於愛情 客觀上面既野 結果足足上多一個鍾頭既公文堂

雖然佢講果d 並唔係我依家既實際情況 而係一d將來可能會發生既野 同一d教我分辦黑白 唔好盲目咁去中意一個人 既野 雖然我都唔知自己收到幾多 不過點都好 我都學到好多野

到目前為止 我都唔清楚我地倆個究竟係一個點既關係 時冷時熱的 覺得有點難受 哎 我諗我真係要戒打機先得 儲下錢咁

噢 話劇決賽搞定了 結果就拿了個甲等 不知內情的人覺得成績不錯....但我們這些知道點什麼的 卻覺得今次比賽很不公平.....

沒戲排的日子 真的空虛呢xd 不過我們的指導miss說 10月份的時候有一個角色讓我做 她說我所演的是一個邪惡的死神 呵呵~ 又是反派角色呢 不過我比較喜歡這一類的角色 邪惡的東西我比較容易投入吧 嘻嘻~~

今天上堂的時候 王子突然有所感慨 他說:呀 原來我地黎左新校 已經有一段零一倆個星期啦~  然後我回想當天踏入這個陌生的課室的時候 是多麼的不習慣呢 今天已經過了3個多月的時間~

已經到達第4段了 前途 這2個字慢慢的逼近我們 而我呢 真的不清楚前面的路該怎麼走 但我知道 走好現在的就好了

唔知點解...我身邊有幾個女性朋友都異常既反常......我真係好無奈 雖然佢地同我咩關係都無...但話哂都係自己識既 最重點既係..佢地之前都唔係咁....不過佢地有佢地既路要行 我都有我既 ......而且近這幾年都因為身邊某幾個朋友令到我感到有點疲累了 我都想休息一下.....

話劇聽日就比賽了~~~我都好緊張呀~(雖然我係做幕後既) 自考完個試之後 就一直係度排戲 日日都排到差唔多8點先返到屋企~~ 不過我又唔覺得辛苦喎 仲覺得幾沖實TIM~~我諗如果我戲排既話個心會好空虛~~ 不過大家放心 我好快就又做主角架啦XD

哎..今日好凍呀~~而且就撞正係換季日 我地仲要有運動堂.....搞到我唔知著唔著短褲好  但係死死氣都係著了  點知返到學校 好多人都著....激死我.後黎先至話可以著長褲...

中午放學果陣我同另外倆條友奔去m記....真係凍到死 ~~~ 話時話　相對起皇朝果邊黎講廿$一個餐又真係食得過~~

因為場地既關係 學校將個禮堂切開左一半 一邊係我地話劇既 一邊係舞蹈既~學校都對我地話劇唔差丫~~舞蹈d人真係好西利架+_+" 我今日一邊排戲 一邊睇舞蹈d人係度排練 佢地真係"拳拳到肉"架 我只可以咁形容~但係我地話劇去到d高潮位果陣都會嚇親隔佢地架 哈哈~~魚 個大波鍾都偏心既 買野比舞蹈d人食都唔買比我地食...而且仲要無視我地 超~~

點解今日咁多人都回憶呀...回想呀 之類既野既....可能天氣轉凍既關吧~咁天氣轉凍同一個人既思想行為有咩關係既呢?? 其實我都唔係太清楚 但唔多唔少都有影響~而我呢 一轉凍我就會搵衫著 搵下搵下就會搵返一d回憶出黎 因為會搵到過去既一d舊衫 或者係一d意想唔到既野~ 所以每次轉凍我都會比較自閉同內向架~~我都唔知點解~ 可能同女性既那個周期性既那個那個有關係吧xd 哈哈~~