今日...熱到卜街 淨係由屋企行到去望廈果邊都成身濕哂 底褲都濕透了

去望廈果邊做咩?哦 去某個小學同學屋企打機之嘛XD

返左幾日學 感覺良好啦 最令我搞笑既都係王子果個班的 23個男仔7個女仔 仲要係無個....正常既 (所指的是樣貌)

我地班就唔同啦 起碼係人數方面都平衡D 我地班呢...雖然唔係話多靚女 但係有好多靚仔 哈哈~~(當然 我不是其中一個)

呢排都唔知自己想點 諗到好多好多關於自己前途呀,將來要點樣呀 之類既野

唉 我份人最怕就係d未發生既野 講真丫 我係一直都唔相信自己既能力既.. 我都唔知點解

但係我家陣望返自己 先發覺自己原來已經係高二生架啦....高二呀 一d都唔似呢 唉 想死.

都係講返果D例排既話題啦....今日係開學 我覺得我分到去一個不錯的班里面~ 起碼里面有幾個都係我識既XD

琴晚訓唔著 11:35分上床 1:00-1:15分才睡著

無計啦..難得考完個試 點都好 平時都唔想咁早訓既 不過既然都開學了 雖然係夏令班 把生理時間結調整過來吧~

如果話 未來果2年都係同呢班人既話 我覺得都唔錯既~就咁睇起上黎 個個都係善男信女黎既  而且又係bonnie係班主任XD

呀 MISS話今個夏令係無咩補習班咁果啵......即係話 自己要重溫惡夢 我哭

放學我既時候我係度諗 如果張成績表派返黎比我係寫住 "補考不合格 仍繼續留讀高一年級"

咁我真係跳樓都唔掂了..

我就係咁 係另方面比較敏感-..-"

呢倆日無啦啦落雨 不過都好 無咁熱~我就係中意呢一種下雨天 雨勢不大 涼涼的感覺 陰陰的天氣

呢倆日難得無野做 有D無聊 琴日同我2個家姐 阿哥去游水 滿足滿足呢

呢倆既都好夜先訓 差唔多4點先訓 我細家姐要我陪佢睇波 但明明我地倆個都唔係好呢家野 每日都訓到差不多下午1點先起身

這種天氣會維持到幾時呢?  真期待呢~

呀 好衰呀 朝早要練話劇都算啦 下午社工果邊仲要開個咩會..搞到我遲左返屋企 無得同阿哥家姐去唱k 好唔開心呀!!  嬲嬲地咁返到屋企 然後捉我阿哥去陪我打機 我一玩就玩到9點幾嚕@_@ 心情好返d  返到屋企之後 我親眼目睹一件好可怕既事...

我食飯果陣 聽到條街度有隻狗係度吠喎 我初頭都覺得無咩野啦 之後就行出去睇一睇 原來係倆隻狗係度打架 一隻黑色既雜種狗 同一隻 有人養 類似係松鼠狗既物體 佢地身型相差5倍咁多 佢地本身已經打到好激烈 果隻松鼠狗既主人都盡力分隔左佢地點知隻松鼠狗居然兜返返去撩果個比佢大5倍既黑狗  最恐怖既野黎啦!!!

佢地打得比剛才還要激烈 係打鬥之中 我睇到隻大狗迅雷不及掩耳既情況之下咬住左隻松鼠狗  然後好似fang拖鞋咁fang 捉捉fang左7下咁多本來活潑生猛既松鼠狗 比佢咁fang即刻收左聲....動都唔動 唔知死左未 重點係 隻黑狗一直叼住隻松鼠狗既.. 個主人咁都咁唔住 一直捉打住隻黑狗....點知隻黑狗就叼住既松鼠狗 飛快咁跑開 消失左..

我都係第一次見到有狗打架係打到咁. 我一睇到呢單野我即刻同我屋企人分享左.....佢地都認為隻松鼠狗死梗..我家姐就話..d細狗係咁 聲大但係又唔夠人地惡

晚上 我同我一位小學既同學吹左一陣水  果陣時我地好fd架~ 但係自從上左初一之後 都少左聯絡 不過傾起計黎都有以前果種很好的感覺 佢好開心咁同我講佢直升 當然我都為他高興 然後就談論一下近況 之後有事佢就off左囉~ 比佢提一提 原來我下一年就18歲架啦~原來今年我係17呢~不過仲未生日 嘻嘻 同佢傾一傾 我發覺自己長氣左~但係我講既野都可以比佢到信心 佢都好happy 我既目的都係咁既姐~

今日成個下午都係屋企打psp.....太墮落了

一直係咁打一直係咁打...到左6點45分 我收到某個fd的電話

最令我好奇的 點解會無啦啦打比我既呢 佢又咩都無講 淨係叫我出黎

我無理佢咩...食完個飯 7點半先出去 嘻嘻 好似有d過份 出面咁熱..要佢係室外等我咁耐

去到噴水池m記 附近 見到佢熟識既背影 say個hi

我見到佢好似發春咁..於是問佢咩事..點知佢真係發春---佢拍拖了

好過份呀 !!

佢一尾捉住我係咁講佢d sweet野....我仲記得佢之前同我講過 話咩讀完個大學先拍拖...立場仲好堅定...點知都係把持唔住.

太過份了....

哎...都難怪佢既 呢d野 要黎到真係好難擋得住

佢一直都封鎖自己 一解開就有拍拖..

而我呢...一直都保持開鎖狀態 哭....

細諗之下.....唉 無得羨慕既....只可以係隔離畫圈圈囉

呀 指著天說....好過份呀~~